ଅର୍ଗସ ବ୍ୟୁରୋ: ଲୋକସଭାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ରୌଦ୍ରରୂପ । ରାଷ୍ଟ୍ରପତିଙ୍କ ଅଭିଭାଷଣ ପ୍ରସଙ୍ଗରେ ଧନ୍ୟବାଦ ଜଣାଇବା ସହ ବିରୋଧୀଙ୍କୁ ବେଶ ଧୋଇଛନ୍ତି ମୋଦି । ବିଶେଷ କରି କଂଗ୍ରେସ ଓ ରାହୁଲ ଗାନ୍ଧିଙ୍କର ଧୁମ୍ ଧୂଲେଇ କରିଛନ୍ତି । ଦେଶ ଦୀର୍ଘ ସମୟ ପର୍ଯ୍ୟନ୍ତ ତୁଷ୍ଟୀକରଣ ମଡେଲ ଦେଖିସାରିଛି। ଆମେ ତୁଷ୍ଟୀକରଣ ନୁହେଁ, ସନ୍ତୁଷ୍ଟୀକରଣ ମନ୍ତ୍ରରେ ଚାଲିଛୁ ବୋଲି ମୋଦି କହିଛନ୍ତି । କଂଗ୍ରେସକୁ ପରଜୀବୀ ସହ ତୃତୀୟ ଥର କେମିତି କଂଗ୍ରେସକୁ ଭାରତବାସୀ ବିରୋଧୀ ଆସନରେ ହିଁ ବସାଇ ରଖିଛନ୍ତି ତାର ତଥ୍ୟ ପ୍ରମାଣ ଥୋଇ ବର୍ଷିଛନ୍ତି ପ୍ରଧାନମନ୍ତ୍ରୀ । ସେନାକୁ ଦୁର୍ବଳ କରିବା ପାଇଁ କଂଗ୍ରେସର ଷଡ଼ଯନ୍ତ୍ରର ବି ପୋଲି ଖୋଲିଛନ୍ତି । ରାହୁଲ ଗାନ୍ଧିଙ୍କର ଭାଷଣକୁ ବାଳକ ବୁଦ୍ଧିର ବିଳାପ କହିବା ସହ କଂଗ୍ରେସର ହିନ୍ଦୁ ବିରୋଧୀ ମାନସିକତାକୁ କଡ଼ା ନିନ୍ଦା କରିଛନ୍ତି ପ୍ରଧାନମନ୍ତ୍ରୀ ।
ସେହିପରି ଦେଶର ବିକାଶକୁ ନେଇ ସରକାରର ଭିଜନକୁ ଦେଶବାସୀଙ୍କ ସାମ୍ନାରେ ଥୋଇବା ସହ ପେପରଲିକ୍ ମାମଲାରେ ଦୋଷୀଙ୍କୁ ଛଡ଼ାଯିବାର ପ୍ରଶ୍ନ ନାହିଁ ବୋଲି ମଧ୍ୟ ଅଭୟବାଣୀ ଶୁଣାଇଛନ୍ତି ମୋଦି ।
ଅଧିକ ପଢ଼ନ୍ତୁ ଦେଶ ଖବର: