ଅର୍ଗସ ବ୍ୟୁରୋ: କର୍ପୋରେଟ୍ ଦୁନିଆକୁ ଛାଡି ଛେଳି ଚାଷ ମାଧ୍ୟମରେ ଆର୍ଥିକ ପ୍ରଗତି ଆଣିଥିବା ଜୟନ୍ତୀ ମହାପାତ୍ର ଓ ତାଙ୍କ ସ୍ବାମୀ ବିରେନ୍ଦ୍ରଙ୍କୁ ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ । ସେହିପରି ଡ୍ରୋନ୍ ସାହାଯ୍ୟରେ ଚାଷ କ୍ଷେତ୍ରରେ ସଫଳତା ପାଇଥିବା ଉତ୍ତରପ୍ରଦେଶର ନମୋ ଡ୍ରୋନ୍ ଦିଦି ସୁନିତାଙ୍କ ଉଦାହରଣ ଦେଶବାସୀଙ୍କୁ ଦେଇଛନ୍ତି ପିଏମ୍ । ଜୈବିକ ଚାଷ ଓ ଜଳ ସଂରକ୍ଷଣ ପାଇଁ ମହାରାଷ୍ଟ୍ରର କଲ୍ୟାଣୀ ପ୍ରଫୁଲ୍ଲ ପାଟିଲଙ୍କ କାମକୁ ପ୍ରଶଂସା କରିଛନ୍ତି ମୋଦି ।
ସ୍ୱଚ୍ଛତା କ୍ଷେତ୍ରରେ ବି ମହିଳାଙ୍କ ଭଲ ପ୍ରଦର୍ଶନକୁ ପ୍ରଶଂସା କରିଛନ୍ତି ପିଏମ୍ । ମନ୍ କୀ ବାତରେ ମହିଳାଙ୍କୁ ଭୁରି ଭୁରି ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ । ସଂସଦରେ ନାରୀ ଶକ୍ତି ଅଧିନିୟମ, ଉଜ୍ଜ୍ବଳା, ହର୍ ଘର୍ ଜଲ୍, ପ୍ରଧାନମନ୍ତ୍ରୀ ଆବାସ ଯୋଜନା, ସ୍ବଚ୍ଛ ଭାରତ ମିଶନରେ ପାଇଖାନା, ବେଟି ବଚାଓ-ବେଟି ପଢାଓ, ସୁକନ୍ୟା ସମୃଦ୍ଧି ମୋଦିଙ୍କ ପାଇଁ ତିଆରି କରିଛି ମହିଳା ସମର୍ଥନର ଅଭେଦ୍ୟ ଦୁର୍ଗ ।
10 ବର୍ଷ ହେଲା ପ୍ରଧାନମନ୍ତ୍ରୀ ମୋଦିଙ୍କ ସୁରକ୍ଷା ଘେରା ପାଲଟିଛନ୍ତି ମହିଳା । ନିକଟରେ ଏମପି, ରାଜସ୍ଥାନ ଓ ଛତିଶଗଡ଼ ନିର୍ବାଚନରେ ହୋଇଛି ବିଜେପିର ବଡ ବିଜୟ । କଂଗ୍ରେସ ଶାସିତ ଛତିଶଗଡ଼ ଓ ରାଜସ୍ଥାନରେ ଆଣ୍ଟି-ଇନକମ୍ବାସି ଓ ମଧ୍ୟପ୍ରଦେଶରେ ବିଜେପି ପ୍ରୋ-ଇନକମ୍ବାସି ଭିତରେ ବିଜେପିର ନିର୍ବାଚନୀ ସଫଳତା ପଛରେ ଥିଲା ମୋଦିଙ୍କୁ ମହିଳାଙ୍କ ବଡ ସମର୍ଥନ । 24 ନିର୍ବାଚନରେ 400 ପାର୍ ମୋଦିଙ୍କ ବଡ଼ ଘୋଷଣା । ବଡ ଆତ୍ମବିଶ୍ବାସ ପଛରେ ମହିଳା ମାନଙ୍କର ବଡ ସମର୍ଥନ ଆଧାର କି ? ।
ଅଧିକ ପଢ଼ନ୍ତୁ ଦେଶ ଖବର: