ଅର୍ଗସ ବ୍ୟୁରୋ : ଅଡ଼ୁଆରେ ନାନା ପାଟେକର । ନିଜ ଫ୍ୟାନ୍ସକୁ ମାରିଲେ ଚାପୁଡ଼ା । ସୂଚନା ଅନୁସାରେ, ବାରାଣାସୀରେ ତାଙ୍କର ଆଗାମୀ ଚଳଚ୍ଚିତ୍ର ଜର୍ଣ୍ଣିର ସୁଟିଂ ଚାଲିଥିଲା । ଏହି ଫିଲ୍ମର ସୁଟିଂ ସମୟରେ ଜଣେ ପ୍ରଶଂସକ ତାଙ୍କ ସହ ସେଲ୍‌ଫି ନେବାକୁ ଚେଷ୍ଟା କରିଥିଲେ ଏବଂ ତାଙ୍କୁ ନାନା ପାଟେକର ଚାପୁଡ଼ା ମାରିଥିଲେ । 

ଯାହାର ଭିଡ଼ିଓ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ପରେ ଲୋକେ ଅଭିନେତାଙ୍କ ଏପରି ଆଚରଣକୁ ବ୍ୟବହାରକୁ ନିନ୍ଦା କରିଥିଲେ । ତେବେ ବର୍ତ୍ତମାନ ଘଟଣା ନେଇ ମୁହଁ ଖୋଲିଛନ୍ତି ଅଭିନେତା । ଘଟଣା ଉପରେ ପ୍ରତିକ୍ରିୟା ଦେଇ ନାନା ପାଟେକର କହିଛନ୍ତି ଯେ, ଭୁଲ୍‌ରେ ହୋଇଯାଇଛି କ୍ଷମା କରିଦିଅ ।'

ଭିଡିଓରେ ନାନା ଆହୁରି ମଧ୍ୟ କହିଛନ୍ତି ଯେ ସେ ଫଟୋ ପାଇଁ କେବେ କାହାକୁ ନା କହି ନାହାନ୍ତି । ସେ ଜାଣନ୍ତି ନାହିଁ, ସେହି ବାଳକ କେଉଁଠାରୁ ଆସିଲା । ଯଦି ଭୁଲ ବୁଝାମଣା ହୋଇଛି, ତେବେ ସେ କ୍ଷମା ଚାହୁଁଛନ୍ତି । ଲୋକମାନେ ତାଙ୍କୁ ଭଲ ପାଉଛନ୍ତି, ସେ ଏପରି କାର୍ଯ୍ୟ କେବେ କରିବେ ନାହିଁ । ଆଗକୁ ଆସିଲେ, ସେ ସାମ୍ନାରେ ମଧ୍ୟ କ୍ଷମା ମାଗିବେ ବୋଲି କହିଛନ୍ତି ନାନା ।