ଗଜପତି : କାଳବୈଶାଖୀ ହେଲା କାଳ ,ଗଛ ଡ଼ାଳ ପଡ଼ି ବାଇକ୍ ଚାଳକ ମୃତ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଗଜପତି ଜିଲ୍ଲା ଆର.ଉଦୟଗିରି ଥାନା ଅନ୍ତର୍ଗତ ଛେଳିଗଡ ଓ ରାମଗିରି ଛକ ଠାରେ । ସୂଚନା ପ୍ରକାରେ ପଦ୍ମପୂର୍ ଗ୍ରାମର ପୂର୍ଣ୍ଣଚନ୍ଦ୍ର ପାଇକ କୌଣସି କାମରେ ନିଜ ଗ୍ରାମରୁ ବାଇକ୍ ଯୋଗେ ଛେଳିଗଡ ଅଭିମୁଖେ ଆସୁଥିଲେ । ସେହି ସମୟରେ କାଳବୈଶାଖୀର ପ୍ରଭାବରେ ପବନ ହେବାରୁ ରାସ୍ତାକଡ଼ରେ ଥିବା ଗଛ ଡାଳ ଭାଙ୍ଗି ପୂର୍ଣ୍ଣଚନ୍ଦ୍ରଙ୍କ ଉପରେ ପଡ଼ି ଯାଇଥିଲା ।
ଅଧିକ ପଢନ୍ତୁ : 41 ଡିଗ୍ରୀ ସହ ଝାରସୁଗୁଡା ଓ କେନ୍ଦୁଝର ସବୁଠୁ ଉତ୍ତପ୍ତ
ଯାହା ଫଳରେ ଘଟଣା ସ୍ଥଳରେ ହିଁ ତାଙ୍କ ପ୍ରାଣବାୟୁ ଉଡ଼ିଯାଇଥିଲା । ଅନ୍ୟ ଜଣେ ଗୁରୁତର ଆହତ ହୋଇ ଛେଳି ଗଡ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇଛନ୍ତି ।ଆହତ ଜଣକ ହେଲେ ବିଜୟ କୁମାର ବିଷୋୟୀ । ଘଟଣା ସ୍ଥଳରେ ଉଦୟଗିରି ପୋଲିସ ପହଞ୍ଚି ତଦନ୍ତ ଚଳାଇଛି ।