ନୂଆଦିଲ୍ଲୀ: ବଦଳିବ ରାଜ୍ୟସଭା ଗଣିତ । ସଂଖ୍ୟା ଗଣିତରେ ଏପ୍ରିଲରୁ ଶକ୍ତିଶାଳୀ ହେବାକୁ ଯାଉଛି ଏନଡିଏ । ରାଜ୍ୟସଭାରେ ବିରୋଧୀ ସାଂସଦଙ୍କ ସଂଖ୍ୟା ଶହେରୁ କମ୍ ହୋଇଥିବାବେଳେ ଆସନ୍ତା ଏପ୍ରିଲରୁ ଶାସକ ଏନଡିଏ ସାଂସଦଙ୍କ ସଂଖ୍ୟା ଗରିଷ୍ଠତା ସମ୍ଭାବନା ରହିଛି । ରାଜ୍ୟସଭା ସଚିବାଳୟ ତଥ୍ୟ ଅନୁସାରେ ଏବେ ରାଜ୍ୟସଭାରେ 94 ଜଣ ବିଜେପି ସାଂସଦ ଅଛନ୍ତି । ନିକଟରେ ଶେଷ ହୋଇଥିବା ରାଜ୍ୟସଭା ନିର୍ବାଚନରେ ଆଉ 2 ଆସନ ବଢିବା ସହ ସଂଖୟା 96ରେ ପହଞ୍ଚିଛି ।
ସେପଟେ ବର୍ତ୍ତମାନ ମୋଟ ଏନଡିଏ ରାଜ୍ୟସବା ସାଂସଦଙ୍କ ସଂଖ୍ୟା 113 ରହିଥିବାବେଳେ ନବନିର୍ବାଚିତ ସାଂସଦ ଶପଥ ନେବାପରେ ସଂଖ୍ୟା 123ରେ ପହଞ୍ଚିବ । 15 ରାଜ୍ୟରେ 56 ରାଜ୍ୟସଭା ଆସନ ପାଇଁ ହୋଇଥିବା ନିର୍ବାଚନରେ ବିଜେପିକୁ ସର୍ବାଧିକ 30 ସିଟ, କଂଗ୍ରେସକୁ 9, ଏସପିକୁ 2, ଟିଏମସିକୁ 4, ୱାଇଏସଆରସିପିକୁ 3, ଆରଜେଡିକୁ 2, ବିଜେଡିକୁ 2 ସିଟ ମିଳିଛି । ଏହାସହ ଏନସିପି, ଶିବସେନା, ବିଆରଏସ ଓ ଜେଡିୟୁକୁ ଗୋଟିଏ ଲେଖାଏଁ ଆସନ ମିଳିଛି । ରାଜ୍ୟସଭାରେ କଂଗ୍ରେସ ସାଂସଦଙ୍କ ସଂଖ୍ୟା 30ରୁ କମ ହୋଇଥିବାବେଳେ ବିରୋଧୀ ମେଣ୍ଟର ରାଜ୍ୟସଭା ସାଂସଦଙ୍କ ସଂଖ୍ୟା 100ରୁ କମ ରହିଛି।
ଅଧିକ ପଢନ୍ତୁ ଭାରତ ଖବର