କେନ୍ଦୁଝର: କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ଖିରେଇଟାଙ୍ଗିରୀ ଭାଲୁପାହାଡି ସାହିରେ ଚାଞ୍ଚଲ୍ୟ । ପୁଅର ଠେଙ୍ଗା ପାହାରରେ ମା'ର ମୃତ୍ୟୁ ଘଟିଛି । ପୋଲିସ ଅଭିଯୁକ୍ତ ପୁଅ ସୁରେନ୍ଦ୍ର ନାଏକକୁ ଗିରଫ କରିଥିବା ସୂଚନା ମିଳିଛି ।
ପୁଅ ସୁରେନ୍ଦ୍ର ନିଶାସକ୍ତ ଅବସ୍ଥାରେ ଆସି ମା' ସହିତ ଯୁକ୍ତି ତର୍କ କରିଥିଲେ । ଯୁକ୍ତିତର୍କ ସମୟରେ ସେ ଉତକ୍ଷିପ୍ତ ହୋଇ ମା' ଗୋରୀଙ୍କୁ ଠେଙ୍ଗାରେ ଆକ୍ରମଣ କରିଥିଲେ । ଆକ୍ରମଣରେ ମା' ଗୌରୀ ଘଟଣାସ୍ଥଳରେ ଟଳି ପଡିଥିଲେ । ଗ୍ରାମବାସୀ ଘଟଣା ସମ୍ପର୍କରେ ତୁରୁମୁଙ୍ଗା ପୋଲିସକୁ ଖବର ଦେବା ପରେ ଘଟଣାସ୍ଥଳରେ ସାଇଣ୍ଟିଫିକ୍ ଟିମ୍ ସହ ପୋଲିସ ପହଞ୍ଚି ଘଟଣାର ତଦନ୍ତ କରୁଛି । ମାମଲା ରୁଜୁ କରି ଅଭିଯୁକ୍ତ ପୁଅ ସୁରେନ୍ଦ୍ର ନାଏକକୁ ଗିରଫ କରିଥିବା ସୂଚନା ରହିଛି ।