ଅର୍ଗସ ବ୍ୟୁରୋ:ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ୪ଟି ମ୍ୟାଚ୍ ବିଶିଷ୍ଟ ଟି-୨୦ ଶୃଙ୍ଖଳା ମହାଲଢ଼େଇର ପ୍ରଥମ ମ୍ୟାଚ୍ ଆଜି ସନ୍ଧ୍ୟାରେ ଡର୍ବାନରେ ଖେଳାଯିବ । ଯୁବବାହିନୀଙ୍କ ଉପରେ ସମସ୍ତଙ୍କ ନଜର ରହିଛି। ଗତ ଟି-୨୦ ବିଶ୍ୱକପ୍ ଫାଇନାଲ ପରେ ଦୁଇ ଦଳ ପ୍ରଥମ ଥର ପାଇଁ ମୁହାଁମୁହିଁ ହେବାକୁ ଯାଉଛନ୍ତି । ସୂର୍ଯ୍ୟକୁମାର ଯାଦବଙ୍କ ନେତୃତ୍ୱରେ ଯୁବ ଭାରତୀୟ ଦଳ ପାଇଁ ଏ ଶୃଙ୍ଖଳା ଚ୍ୟାଲେଞ୍ଜିଙ୍ଗି ରହିଛି। ଅନ୍ୟପକ୍ଷଷର ମାର୍କରାମଙ୍କ ନେତୃତ୍ୱରେ ଦକ୍ଷିଣ ଆଫ୍ରିକା ଦଳ ଘରୋଇ ମାଟିରେ ବିଜୟରୁ ଶୃଙ୍ଖଳା ଅଭିଯାନ ଆରମ୍ଭ କରିବା ଲକ୍ଷ୍ୟରେ ରହିଛି । ଏଯାଏ ବର୍ତ୍ତମାନ ପର୍ଯ୍ୟନ୍ତ ଏହି ଗ୍ରାଉଣ୍ଡରେ ୧୮ଟି ଅନ୍ତର୍ଜାତୀୟ ଟି-୨୦ ମ୍ୟାଚ୍ ଖେଳାଯାଇଛି । ସେଥିମଧ୍ୟରୁ ୯ ଥର ପ୍ରଥମ ବ୍ୟାଟିଂ କରିଥିବା ଦଳ ଜିତିଥିବାବେଳେ ବିପକ୍ଷ ଟିମ୍ ୮ ଥର ଜିତିବାରେ ସଫଳ ହୋଇଛି । ଗୋଟିଏ ମ୍ୟାଚର କୌଣସି ଫଳାଫଳ ବାହାରି ନାହିଁ । ଅନ୍ୟପଟେ ନିକଟରେ ଭାରତ ଘରୋଇ ମାଟିରେ ନ୍ୟୁଜିଲାଣ୍ଡଠୁ ଦଳର ଲଜ୍ଜାଜନକ ପରାଜୟ ପରେ ସୀମିତ ଓଭର ଶୃଙ୍ଖଳା ଜିତି ଟେଷ୍ଟ ପରାଜୟର ମଲମ ଟି-୨୦ରେ ମାରିବା ଲକ୍ଷ୍ୟରେ ରହିଛି ଟିମ୍ ଇଣ୍ଡିଆ। ଅନ୍ୟପକ୍ଷରେ ଟ୍ବେଣ୍ଟି-୨୦ ବିଶ୍ବକପ୍ ଫାଇନାଲ୍ର ପରାଜୟର ପ୍ରତିଶୋଧ ଦକ୍ଷିଣଆଫ୍ରିକା ନେବାକୁ ଲକ୍ଷ୍ୟ ରଖିଛି। ଭାରତକୁ ନିଜ ମାଟିରେ ହରାଇ ଦକ୍ଷିଣ ଆଫ୍ରିକା ତାହାର ପୂର୍ବ ଗୌରବ ଫେରିପାଇବାକୁ ଚେଷ୍ଟା କରିବ।ଦେଖିବାକୁ ବାକି ରହିଲା କିଏ ମାରୁଛି ବାଜି, ଟିମ୍ ଇଣ୍ଡିଆ ନା ଦକ୍ଷିଣ ଆଫ୍ରିକା