ଜଗତସିଂହପୁର : ମୃତ୍ୟୁ ଏମିତି ବି ଆସେ । ସକାଳୁ ସକାଳୁ ପୋଖରୀକୁ ଲୁଗା ସଫା କରିବା ପାଇଁ ଯାଇଥିଲେ ସନ୍ଧ୍ୟାରାଣୀ । ହେଲେ ଜାଣିନଥିଲେ ମୃତ୍ୟୁ ତାଙ୍କୁ ଛକିକି ଵସିଛି । ଗୋଡ ଖସିଯିବାରୁ ପାଣିରେ ବୁଡି ଅକାଳରେ ଝଡିପଡିଲା କୋମଳମତି ସନ୍ଧ୍ୟା । ଜଗତସିଂହପୁର ଜିଲ୍ଲା ସଦର ବ୍ଲକ ତତଙ୍ଗ ଗ୍ରାମର ସମ୍ବୁନାଥ ଭୋଇଙ୍କ ଏକ ମାତ୍ର ଝିଅ ସନ୍ଧ୍ଯାରାଣୀ ଭୋଇ ପୋଖରୀରେ ବୁଡି ମୃତ୍ୟ ହୋଇଥିବା ଜଣାପଡିଛି।
ଅଧିକ ପଢନ୍ତୁ : ବରଯାତ୍ରୀ ଗାଡ଼ି ଓଲଟି ୩ ମୃତ
ଆଜି ତାଙ୍କ ସମ୍ପକୀୟ ଆଈ ମା ଙ୍କ ସୁଧିକ୍ରିୟା ପାଇଁ ପୋଖରୀକୁ କପଡା ଗୁଡିକୁ ନେଇ ସଫା କରିବା ପାଇଁ ଯାଇଥିବା ଵେଳେ ଏଭଳି ଦୁଃଖଦ ଅଘଟଣ ଘଟିଛି । ନିକଟରେ ସେ ୧୦ ଶ୍ରେଣୀ ବୋର୍ଡ ପରୀକ୍ଷା ଦେଇଥିଲେ । ବାପା ଶମ୍ଭୁନାଥ ଗାଡି ଚଳାଇ ଯାହା ରୋଜଗାର କରନ୍ତି ସେଥିରେ ପରିବାର ଚଳେ । ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।