ନୂଆଦିଲ୍ଲୀ: ଆଜି ଇଡିରେ ହାଜର ହୋଇପାରନ୍ତି ଟିଏମସି ନେତ୍ରୀ ମହୁଆ ମୋଇତ୍ରା । ଟଙ୍କା ପାଇଁ ପ୍ରଶ୍ନ ମାମଲାରେ ତୃଣମୂଳ କଂଗ୍ରେସ ନେତ୍ରୀ ମହୁଆ ମୋଇତ୍ରାଙ୍କୁ ବୁଧବାର ତୃତୀୟ ସମନ ଜାରି କରିଥିଲା ଇଡି । ମାମଲାରେ ଦର୍ଶନ ହୀରାନନ୍ଦାନିଙ୍କ ସହ ମହୁଆ ମୈତ୍ରୀ ଙ୍କୁ ମୁହାଁମୁହିଁ ଜେରା କରିପାରେ ଇଡି । ଦର୍ଶନ ହୀରାନନ୍ଦାନିଙ୍କୁ ମଧ୍ୟ ଆଜି ଇଡିରେ ହାଜର ହେବାକୁ ସମନ ଜାରି କରିଛି ଇଡି ।
ମହୁଆ ଦର୍ଶନ ହିରାନନ୍ଦାନୀଙ୍କଠାରୁ ୨ କୋଟି ନଗଦ ଟଙ୍କା ଏବଂ ବିଳାସପୂର୍ଣ୍ଣ ଉପହାର ସାମଗ୍ରୀ ନେଇଥିବା ଅଭିଯୋଗ ରହିଛି । ଏହାସହ ସଂସଦ ୱେବସାଇଟରେ ତାଙ୍କର ଗୋପନୀୟ ଆକାଉଣ୍ଟର ଲଗ୍-ଇନ୍ ତଥ୍ୟ ସେୟାର କରିଥିବା ଅଭିଯୋଗ ରହିଛି । ମାମଲା ସୁପ୍ରିମକୋର୍ଟରେ ବିଚାରଧୀନ ରହିଛି । ଆସନ୍ତା ମେରେ ସୁପ୍ରିମକୋର୍ଟରେ ମାମଲାର ଶୁଣାଣି ହେବ । କିଛିଦିନ ପୂର୍ବରୁ ମୋଇତ୍ରା ଦିଲ୍ଲୀ ହାଇକୋର୍ଟରେ ଇଡିର ତଦନ୍ତ ବିରୋଧରେ ପିଟିସନ ଦାଖଲ କରିଥିଲେ । ଯାହାକୁ ଖାରଜ କରିଦେଇଥିଲେ ଦିଲ୍ଲୀ ହାଇକୋର୍ଟ ।
ଅଧିକ ପଢନ୍ତୁ ଭାରତ ଖବର