ଅର୍ଗସ ବ୍ୟୁରୋ : ଅନ୍ତର୍ଜାତୀୟ ସ୍ତରରେ ମୋଦିଙ୍କ ନେତୃତ୍ବକୁ ମିଳୁଛି ସମ୍ମାନ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଶାସନରେ ମହିଳାଙ୍କ ବିକାଶ, ବିଶ୍ବ ଅର୍ଥନୀତିରେ ସ୍ଥିରତା ଆଣିବାରେ ଭୂମିକା ଏବଂ ଭାରତ ଆମେରିକା ଭିତରେ ସୁଦୃଢ ହେଉଥିବା ଦ୍ବିପାକ୍ଷିକ ସମ୍ପର୍କକୁ ନେଇ ମୋଦି ସରକାରଙ୍କ କୂଟନୀତି ଏବଂ ନେତୃତ୍ବକୁ ପ୍ରଶଂସା କରିଛନ୍ତି ଲୋକପ୍ରିୟ ଆଫ୍ରିକାନ-ଆମେରିକୀୟ ଗାୟିକା ମ୍ୟାରୀ ମିଲବେନ ।
ଅଧିକ ପଢନ୍ତୁ ଭାରତ ଖବର
ସେ ଲେଖିଛନ୍ତି କି ମୁଁ ଭାରତକୁ ଭଲପାଏ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କାର୍ଯ୍ୟକାଳରେ ଭାରତକୁ ବୈଶ୍ବିକ ସ୍ତରରେ ମିଳିଛି ଦୃଢ ନେତୃତ୍ବ । ଯାହା ଭାରତୀୟଙ୍କ ସାମୁହିକ ଉନ୍ନତିର ବାଟ ଫିଟାଇଛି । ଏହା ବ୍ୟତୀତ ମୋଦିଙ୍କ କାର୍ଯ୍ୟକାଳରେ ମହିଳାଙ୍କୁ ମିଳୁଥିବା ଗୁରୁତ୍ବ ଏବଂ ନେତୃତ୍ବ ଯୋଗୁ ମହିଳା ବିକାଶ କ୍ଷେତ୍ରରେ ଭାରତ ବିଶ୍ବ ଦରବାରରେ ଉଦାହରଣ ସାଜିଛି । ସେପଟେ ବିଧାନସଭାରେ ମହିଳାଙ୍କ ପ୍ରତି ଅପମାନଜନକ ଶବ୍ଦ ବ୍ୟବହାର କରିବା ବିହାର ମୁଖ୍ୟମନ୍ତ୍ରୀଙ୍କୁ ମହଙ୍ଗା ସାବ୍ୟସ୍ତ ହୋଇଛି ।
Brothers and sisters of India, Namaste 🙏🏾
— Mary Millben (@MaryMillben) November 8, 2023
The 2024 election season has commenced across the world, here in America and certainly in India. Election seasons present an opportunity for change, to put an end to outdated policies and non progressive people, replaced with voices and… pic.twitter.com/yaetjrhgqk
ଦେଶରେ ଜୋରଦାର ବିରୋଧର ସାମ୍ନା କରିବା ପରେ ଏବେ ଅନ୍ୟର୍ଜାତୀୟ ସ୍ତରରେ ସମାଲୋଚନାର ଶିକାର ହୋଇଛନ୍ତି ନୀତିଶ । ନିଜ ଟ୍ବିଟରେ ନୀତିଶଙ୍କ ଏହି ବୟାନ ମହିଳା ବିରୋଧୀ ବୋଲି କହି ସମାଲୋଚନା କରିଛନ୍ତି ମ୍ୟାରୀ ମିଲବେନ । ଏମିତିକି ଯଦି ସେ ଜଣେ ଭାରତୀୟ ହୋଇଥାନ୍ତେ ନୀତିଶଙ୍କ ବିରୋଧରେ ମୁଖ୍ୟମନ୍ତ୍ରୀ ପ୍ରାର୍ଥୀ ଭାବେ ନିର୍ବାଚନ ଲଢିଥାନ୍ତେ ବୋଲି କହିବା ସହ ଏନେଇ ନୀତିଶ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଦେବା କଥା ବୋଲି ଲେଖିଛନ୍ତି । ଏମିତିକି ନିଜ ଟ୍ବିଟରେ ଶାହରୁଖଙ୍କ ସିନେମା ଜୱାନର ଏକ ଦୃଶ୍ୟର ଉଦାହରଣ ଦେଇ ଏଭଳି ନେତାଙ୍କୁ ଭୋଟିଂର କ୍ଷମତା ଦେଖାଇବାକୁ ସେ ସମସ୍ତ ଭାରତୀୟ ଏବଂ ବିହାରବାସୀଙ୍କୁ ଅପିଲ୍ କରିଛନ୍ତି ।