ଅର୍ଗସ ବ୍ୟୁରୋ : ତାତିରେ ଲାଗିବ ବ୍ରେକ । ବଦଳିବ ପାଗ । ଏମିତି ସୂଚନା ଦେଇଛି ଆଞ୍ଚଳିକ ପାଣିପାଗ ବିଭାଗ । ରାଜ୍ୟରେ ସାମୁଦ୍ରିକ ଝଡ଼ ପ୍ରଭାବରେ ଆଜିଠାରୁ ୪ ତାରିଖ ପର୍ଯ୍ୟନ୍ତ ଉପକୂଳ ଓଡ଼ିଶାରେ ତାପମାତ୍ରା ୨ ରୁ ୪ ଡିଗ୍ରୀ ଖସିବର ସମ୍ଭାବନା ଥିବା ବେଳେ ଆଦ୍ରତା ଅଧିକ ରହିବା ନେଇ ପାଣିପାଗ ବିଭାଗ ଆକଳନ କରିଛି । 

ସେପଟେ କିନ୍ତୁ ଆଭ୍ୟନ୍ତରିଣ ଏବଂ  ପଶ୍ଚିମ ଓଡ଼ିଶା ଜଳିବ ।  ମାତ୍ର ୫ ତାରିଖ ପରଠାରୁ ପୁରା ରାଜ୍ୟରେ କମିବ ତାପମାତ୍ରା । ଓଡ଼ିଶା ଉପରିଭାଗରେ ଏକ ଟ୍ରାପ ଲାଇନ ସହ ବାୟୁର ଗତି ପରିବର୍ତ୍ତନ କାରଣରୁ ରାଜ୍ୟରେ ବିଭିନ୍ନ ସ୍ଥାନରେ  କାଳବୈଶାଖୀ ଜନିତ ବର୍ଷା ହେତୁ କମିବ ତାତି । ସେପଟେ ଆଜି ରାଜ୍ୟର କୌଣସି ଜିଲ୍ଲା ପାଇଁ ରେଡ ୱାର୍ଣ୍ଣିଂ ନଥିବା ବେଳେ ଆଭ୍ୟନ୍ତରିଣ ଓଡ଼ିଶାର ଅଧିକାଂଶ ଜିଲ୍ଲା ପାଇଁ ଅରେଞ୍ଜ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ । 

ସେପଟେ ଆଜି ଦିନ ସାଢେ ୧୧ଟା ସୁଦ୍ଧା ୪୦ଟପିଲା ୩ ସହରର ତାପମାତ୍ରା । ବାଲେଶ୍ବରରେ ସର୍ବାଧିକ ୪୦.୬ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି । ଝାରସୁଗୁଡା ଏବଂ କେନ୍ଦୁଝରରେ ୪୦ ଡିଗ୍ରୀ ତାପମାତ୍ରା ରେକର୍ଡ । ସେହିପରି ସମ୍ବଲପୁରରେ ୩୯.୭, ହୀରାକୁଦରେ ୩୯, ରାଉରକେଲାରେ ୩୮.୪ ଏବଂ ଭୁବନେଶ୍ବରରେ ୩୮ ଡିଗ୍ରୀ ତାପମାତ୍ରା ରେକର୍ଡ କରାଯାଇଛି । ତେବେ ଗତକାଲି ଠାରୁ ଆଜି ଭୁବନେଶ୍ବରରେ ପାଣିପାଗ ସ୍ତିତି ଅଧିକ ଅସ୍ବାଭାବିକ ଥିବା ପାଣିପାଗ କେନ୍ଦ୍ର ପକ୍ଷରୁ ସୂଚନା ରହିଛି ।