ଭୁବନେଶ୍ୱର: ତାତିରୁ ମିଳିଲା ଆଶ୍ୱସ୍ତି । ସକାଳୁ ସକାଳୁ ରାଜ୍ୟର ବିଭିନ୍ନ ଜିଲ୍ଲାରେ ବର୍ଷା ହୋଇଛି । ଫଳରେ ତାପମାତ୍ରା ଖସିବା ସହ ଲୋକଙ୍କୁ ତାତିରୁ ଆଶ୍ୱସ୍ତି ମିଳିଛି । ସେପଟେ ଆଜି ଓ ଆସନ୍ତାକାଲି କାଳବୈଶାଖୀ ସମ୍ଭାବନା ଥିବା ନେଇ ଆକଳନ କରିଛି ପାଣିପାଗ ବିଭାଗ । 

କାଳବୈଶାଖୀ ନେଇ ଆଜି 12ଟି ଜିଲ୍ଲାକୁ ଅରେଞ୍ଜ୍ ଆଲର୍ଟ ଜାରି ହୋଇଥିବାବେଳେ ଆସନ୍ତାକାଲି ମାର୍ଚ୍ଚ 20 ରେ 4 ଜିଲ୍ଲାକୁ ଅରେଞ୍ଜ ଆଲର୍ଟ ଜାରି କରାଯାଇଛି ।  40 ରୁ 50 କିମି ବେଗରେ ପବନ ବୋହିବାର ସମ୍ଭାବନା ରହିଛି । କିଛି ସ୍ଥାନରେ ପ୍ରବଳ ବର୍ଷା ସହ କୁଆପଥର ମାଡ ନେଇ ପୂର୍ବାନୁମାନ କରିଛି ପାଣିପାଗ ବିଭାଗ । 

ଭଦ୍ରକ ଜିଲ୍ଲା ସମେତ ଧାମନଗର ଆଦି ବିଭିନ୍ନ ଅଞ୍ଚଳରେ ଲାଗି ରହିଛି ଅଦିନ ଝଡତୋଫାନ ସହ ବର୍ଷା ଓ ବଜ୍ରପାତ । ଗତକାଲି ବିଳମ୍ବିତ ରାତିରୁ ଭଦ୍ରକ ଜିଲ୍ଲାର ବିଭିନ୍ନ ଅଞ୍ଚଳ ସହ ଆରଡି, ଚାନ୍ଦବାଲି, ଧାମରା, ଧାମନଗର ଆଦି ଅଞ୍ଚଳରେ ଅଦିନିଆ ଝଡ ତୋଫାନ ସାଙ୍ଗକୁ ବର୍ଷା ଓ ବଜ୍ରପାତ ଲାଗି ରହିଛି । ଏପରିକି ଆକାଶରେ କଳାମେଘ ଢାଙ୍କି ରହିଥିବାରୁ ଭୟରେ ଘରୁ ବାହାରୁ ନାହାନ୍ତି ଅନେକ ଲୋକ । ରାସ୍ତାଘାଟ ଜନଶୂନ୍ୟ ହୋଇପଡିଛି । ଗତକାଲି ବିଳମ୍ବିତ ରାତିରୁ ବର୍ଷା ଲାଗି ରହିଥିବାବେଳେ ଏବେ ମଧ୍ୟ ଝିପିଝିପି ବର୍ଷା ଲାଗି ରହିଛି । ବର୍ଷା ଫଳରେ ଲୋକେ ଘରୁ ବାହାରିବା ଅସମ୍ଭବ ହୋଇପଡିଛି ।

ଆହୁରି ପଢନ୍ତୁ ପାଣିପାଗ ଖବର...