ଅର୍ଗସ ବ୍ୟୁରୋ : ଭକ୍ତ ଏବଂ ଭଗବାନଙ୍କ ଅନନ୍ୟ ସମ୍ପର୍କ । ସେ ସମ୍ପର୍କକୁ ବର୍ଣ୍ଣନା କରିବାର ସକ୍ଷମ କାହା ପାଖରେ ନଥାଏ। ଶ୍ରୀରାମଙ୍କ ମନ୍ଦିର ପ୍ରତିଷ୍ଠା ପାଇଁ ଅନେକ ଭକ୍ତଙ୍କ ଅପେକ୍ଷା ଯୁଗଯୁଗରୁ ଥିଲା । ଅନେକ ଭକ୍ତ ବାବରୀ ମସଜିଦ ଆନ୍ଦୋଳନ ସମୟରେ ଶ୍ରୀରାମ ମନ୍ଦିର ପ୍ରତିଷ୍ଠା କରିବା ପାଇଁ ଦାବି କରି ଲାଠି ମାଡ ଖାଇଥିଲେ । ଜେଲ ମଧ୍ୟ ଯାଇଥିଲେ । ହେଲେ ତାଙ୍କ ଭିତରର ସେ ବିଶ୍ବାସ ଏବଂ ଭରଷା ଥିଲା, କି ମନ୍ଦିର ଯେମିତି ବି ହେଲେ ପ୍ରତିଷ୍ଠା ହେବ। ଯାହାକୁ ନେଇ ୧୯୯୦ର ଜଣେ କର ସେବକ ଶ୍ରୀରାମ ମନ୍ଦିର ପ୍ରତିଷ୍ଠା ନହେବା ଯାଏଁ ଖାଲି ପାଦରେ ବୁଲିବାର ଏବଂ ଚୁଟି ନକାଟିବାର ନିଷ୍ପତ୍ତି ନେଇଥିଲେ ।
ଅଧିକ ପଢନ୍ତୁ : ଆସୁଛନ୍ତି ମୋ ପ୍ରଭୁ ରାମ....
ଏହି ଭକ୍ତଜଣକ ହେଉଛନ୍ତି ରାମେଶ୍ବରମର ରାଜୁ ମହାରାଜ । ସେ ଦୀର୍ଘ ୩୩ ବର୍ଷ ହେବ ଏପରି ସଂକଳ୍ପ ନେଇଥିଲେ । ତାଙ୍କର ଏହି ସଂକଳ୍ପ ଖୁବ ଶୀଘ୍ର ପୂରଣ ହେବାକୁ ଯାଉଛି । ଆଗାମୀ ଜାନୁଆରୀ ୨୨ ତାରିଖରେ ପ୍ରଭୁ ଶ୍ରୀରାମଙ୍କ ମନ୍ଦିର ପ୍ରତିଷ୍ଠା ହେବ । ଯାହାକୁ ନେଇ ରାମେଶ୍ବରମରୁ ଅଯୋଧ୍ୟା ପାଦରେ ଯାତ୍ରା କରୁଛନ୍ତି ଶ୍ରୀରାମ ଭକ୍ତ ରାଜୁ ମହାରାଜ । ତାଙ୍କୁ ମନ୍ଦିର ପ୍ରତିଷ୍ଠା ପାଇଁ ନିମନ୍ତ୍ରଣ ପତ୍ର ଦିଆଯାଇଛି । ମନ୍ଦିର ପ୍ରତିଷ୍ଠା ପରେ ସେ ନିଜର ଚୁଟି କାଟିବେ ଏବଂ ପାଦରେ ଚପଲ ପିନ୍ଧିବେ ବୋଲି କହିଛନ୍ତି ।
ଅର୍ଗସ ବ୍ୟୁରୋ: ଅର୍ଗସ ବ୍ୟୁରୋ: ସ୍କ୍ରବ ଟାଇଫସରେ ଜଣେ ମୃତ । ବୌଦ୍ଧ ଜିଲ୍ଲା କଣ୍ଟାମାଲ ରେ ପ୍ରଥମ ସ୍କ୍ରବ ଟାଇଫସ ରୋଗୀ ଙ୍କ ମୃତ୍ୟୁ I ମୃତକ ହେଲେ କଣ୍ଟାମାଲ ବ୍ଲକର ବରଡିପଦର ଗାଁ ର ରମେଶ କୁମ୍ବାର I ସେ କିଛି ଦିନ ହବ ଅଶୁସ୍ଥତା ହୋଇ କଣ୍ଟାମାଲ ସ୍ୱାସ୍ଥ୍ୟକେନ୍ଦ୍ର ଭର୍ତ୍ତି ହୋଇଥିଲେ ପରେ ସେଠାରୁ ଗୁରୁତର ହେବାରୁ ବଲାଙ୍ଗିର ମେଡିକାଲ କଲେଜ କୁ ସ୍ଥାନାନ୍ତର କରାଯାଇଥିଲା । ସେଠାରେ ପରୀକ୍ଷା ପରେ ସ୍କ୍ରାବ ଟାଇଫସ ରୋଗ ଚିହ୍ନଟ ହେବାରୁ ବୁର୍ଲା ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ବେଳେ ୨ଦିନ ଚିକିତ୍ସା ପରେ ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଛି ।
ଅଧିକ ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ସ୍ତ୍ରୀର ମୃତ୍ୟୁକୁ ସହି ନପାରି ଜୀବନ ହାରିଲା ସ୍ବାମୀ । ପାରିବାରିକ କଳହର କରୁଣ ପରିଣତି ଦେଖିବାକୁ ମିଳିଛି ଆନନ୍ଦପୁର ଥାନା ସଡ଼ଙ୍ଗି ଗାଁରେ। କଳହକୁ କେନ୍ଦ୍ରକରି ବିଷ ପିଇ ପ୍ରଥମେ ସ୍ତ୍ରୀ ମୃତ୍ୟୁ ବରଣ କରିଥିବାବେଳେ ସ୍ତ୍ରୀର ମୃତ୍ୟୁ ଦୁଃଖରେ ବିଷପିଇ ଦେଇଥିବା ସ୍ବାମୀ ର ଡାକ୍ତରଖାନାରେ ମୃତ୍ଯୁ ଘଟିଛି। ମୃତକ ସଡ଼ଙ୍ଗି ଗାଁର ମୋହନ ହୋ । ପାରିବାରିକ କଳହକୁ କେନ୍ଦ୍ର କରି ଉଭୟଙ୍କ ମଧ୍ୟରେ ବଚସା ହୋଇଥିଲା । ଝଗଡାକୁ କେନ୍ଦ୍ରକରି ରଜନୀ ବିଷପିଇ ମୃତବରଣ କରିଥିଲେ । ସ୍ତ୍ରୀ ମୃତ୍ଯୁକୁ ସହିନପାରି ଗତକାଲି ସ୍ବାମୀ ମୋହନ ବିଷ ପିଇଦେଇଥିଲେ। ଗୁରୁତର ମୋହନଙ୍କୁ ଆନନ୍ଦପୁର ଡାକ୍ତରଖାନା ରେ ଭର୍ତ୍ତି କରାଯାଇଥିଲା। ସ୍ବାସ୍ଥବସ୍ଥାରେ ସୁଧାର ନଆସିବାରୁ ଆଜି ସକାଳୁ କଟକ ସ୍ଥାନାନ୍ତର ପାଇଁ ଉଦ୍ୟମ ହେଉଥିଲା ହେଲେ ସେହି ସମୟରେ ମୋହନଙ୍କର ମୃତ୍ଯୁ ଘଟିଥିଲା। ଗାଁ ରେ ଏଭଳି ଏକ ଦୁଃଖଦ ଘଟଣାକୁନେଇ ଶୋକାକୂଳ ପରିବେଶ ସୃଷ୍ଟି ହୋଇଛି ।
ଅଧିକ ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ବାୟୁସେନାର ନୂଆ ମୁଖ୍ୟ ଭାବେ ଅମର ପ୍ରିତ୍ ସିଂହଙ୍କୁ ନିଯୁକ୍ତ କରାଯାଇଛି । ଏୟାର ମାର୍ଶାଲ ଅମର ପ୍ରିତ୍ ସିଂହ ବାୟୁସେନାର ପରବର୍ତ୍ତୀ ମୁଖିଆ ହେବେ । ଏବେ ସେ ବାୟୁସେନା ଉପମୁଖ୍ୟ ଭାବେ କାର୍ଯ୍ୟରତ ଅଛନ୍ତି । ଆସନ୍ତା ସେପ୍ଟେମ୍ବର ୩୦ରେ ଅମର ପ୍ରିତ୍ ବାୟୁସେନାର ମୁଖ୍ୟ ଭାବେ ଦାୟିତ୍ବ ଗ୍ରହଣ କରିବେ । ବର୍ତ୍ତମାନର ଏୟାର ଚିଫ୍ ମାର୍ଶାଲ ବିବେକ୍ ରାମ୍ ଚୈାଧୁରୀ ୩୦ ସେପ୍ଟେମ୍ବର ରେ ତାଙ୍କ ପଦରୁ ଅବସର ଗ୍ରହଣ କରିବେ ।
