ଅର୍ଗସ ବ୍ୟୁରୋ : ବାଣ କାରଖାନାରେ ବିସ୍ଫୋରଣ । ୬ଜଣଙ୍କର ମୃତ୍ୟୁ ହୋଇଥିବା ବେଳେ ୬୦ରୁ ଅଧିକ ଲୋକ ଆହତ । ଏଭଳି ଘଟଣା ଦେଖିବାକୁ ମିଳିଛି ମଧ୍ୟପ୍ରଦେଶ ହରଦା ଜିଲ୍ଲାରେ । ଆହତ ମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚିଛି ନିଆଁକୁ ଆୟତ କରିଛନ୍ତି । ହରଦା ଜିଲ୍ଲାର ବେରାଗଡ଼ ଅଞ୍ଚଳରେ ଥିବା ବାଣ କାରଖାନାରେ ଭୟାବହ ବିସ୍ଫୋରଣ ହୋଇଛି ।
ଅଧିକ ପଢନ୍ତୁ ଭାରତ ଖବର
କାରଖାନା ଭିତରେ ଅନେକ ଲୋକ ଫସିଥିବାର ସନ୍ଦେହ କରାଯାଉଛି । ଘଟଣାକୁ ନେଇ ମୁଖ୍ୟମନ୍ତ୍ରୀ ଜରୁରୀ ବୈଠକ ଡାକିଛନ୍ତି । ବାଣ କାରଖାନାର ଆଖପାଖରେ ଥିବା ପ୍ରାୟ ୬୦ଟି ଘର ପ୍ରଭାବିତ ହୋଇଛି । ନିକଟରେ ଥିବା ପ୍ରାୟ ଶହେଟି ଘରକୁ ଖାଲି କରିଛି ପ୍ରଶାସନ । ବାଣ କାରଖାନା ଭିତରେ ଲଗାତାର ଭାବେ ବିସ୍ଫୋରଣ ହେଉଥିବା ଦେଖିବାକୁ ମିଳିଛି ।
ବାଲେଶ୍ୱର: ପାଣି ପାଇଁ ରାସ୍ତାରୋକ । ନୀଳଗିରି ବ୍ଲକ ଭଉଁରୀଆବାଡ଼ ପଞ୍ଚାୟତର ତେନ୍ତୁଳାପଡା ଗାଁରେ ପାନୀୟ ଜଳ ସଙ୍କଟ । ସ୍ବଚ୍ଛ ପାଣି ନମିଳିବାରୁ ବାଧ୍ୟ ହୋଇ ଗାଁ ଲୋକ ଗରା, ବାଲ୍ଟି ଧରି ତେନ୍ତୁଳାପଡା ଠାରେ ରାସ୍ତାରୋକ କରିଛନ୍ତି । ଗାଁରେ ଦୀର୍ଘଦିନ ଧରି ପାନୀୟ ଜଳର ଅଭାବ ଲାଗି ରହିଥିବା ଅଭିଯୋଗ ହୋଇଛି । ଅନ୍ୟପଟେ ନୀଳଗିରି ଝରଣଘାଟୀ ୧୯ ନଂ ରାଜ୍ୟ ରାଜପଥର କଳାକାଦ ଛକରେ ଗରା ବାଲ୍ଟି ଧରି ରାସ୍ତାରେ ଧାରଣା ଦେଲେ ମହିଳା ।
ବସୁଧା ଯୋଜନାରେ ପାଣି ଆସୁନଥିବାବେଳେ ସମସ୍ତ ନଳକୂପ ମଧ୍ୟ ଅଚଳ ହୋଇ ପଡିରହିଛି । ଉପରିସ୍ଥ ଅଧିକାରୀଙ୍କୁ ବାରମ୍ବାର ଜଣାଇବା ପରେ କୌଣସି ଫଳପ୍ରଦ ନହେବାରୁ ବାଧ୍ୟ ହୋଇ ରାଜରାସ୍ତାକୁ ଓହ୍ଲାଇଛନ୍ତି ଗ୍ରାମବାସୀ । ଗରା ବାଲ୍ଟି ଧରି ପ୍ରତିବାଦ କରିଛନ୍ତି ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ : ଆଜି ବି ଅସହ୍ୟ ତାତି ଅନୁଭୁତ ହେବ । ସକାଳ 8.30 ସୁଦ୍ଧା ଭୁବନେଶ୍ବରେ ପାରଦ 34.6 ରେକର୍ଡ କରାଯାଇଛି । ଗତ 3 ଦିନ ହେବେ ରାଜ୍ୟରେ ବଢିଛି ତାପମାତ୍ରା । ସକାଳ ସାଢେ ୫ଟାରୁ ଆସିଯାଉଛି ଖରା । ଖରାକୁ ନେଇ ସତର୍କ ସୂଚନା ଜାରି କଲା ଆଞ୍ଚଳିକ ପାଣିପାଗ ବିଭାଗ ।
ଅଧିକ ପଢନ୍ତୁ : ୨ରୁ ୪ ଡିଗ୍ରୀ ତାପମାତ୍ରା ବଢିବା ନେଇ ପାଣିପାଗ ବିଭାଗର ଆକଳନ
ଆସନ୍ତା 5 ଦିନ ପାଇଁ ଦେଶର 6 ରାଜ୍ୟକୁ ହିଟୱେଭ ଓ 3 ରାଜ୍ୟକୁ ପ୍ରବଳ ବର୍ଷା ନେଇ ଆଲର୍ଟ ଜାରି କରିଛି ଭାରତୀୟ ପାଣିପାଗ କେନ୍ଦ୍ର । ଏବେ ରାଜସ୍ଥାନ, ପଞ୍ଜାବ, ଉତ୍ତର ପ୍ରଦେଶ, ମଧ୍ୟପ୍ରଦେଶ ଓ ବିହାରରେ ପାରଦ ଉପରମୁହାଁ ହୋଇଥିବାବେଳେ ତାମିଲନାଡୁ, କେରଳ ଓ ଦକ୍ଷିଣପୂର୍ବ କର୍ଣ୍ଣାଟକରେ ପ୍ରବଳରୁ ଅତି ପ୍ରବଳ ବର୍ଷା ଫଳରେ ବନ୍ୟା ସ୍ଥିତି ଦେଖା ଦେଇଛି । ମେ’ ମାସରେ ତାତି ରେକର୍ଡ କରିଛି। ଦେଶର ଅଧିକାଂଶ ରାଜ୍ୟରେ ପାରଦ ୪୫ ଟପିଛି ।
ଅର୍ଗସ ବ୍ୟୁରୋ: ଆମେ ସମସ୍ତେ ଜାଣିଛେ ଡ୍ରାଏ ଫ୍ରୁଟସ ଆମ ଶରୀର ପାଇଁ କେତେ ଲାଭଦାୟୀ। କିନ୍ତୁ ଏହି ଡ୍ରାଏ ଫ୍ରୁଟସ ଗୁଡ଼ିକ ବହୁତ୍ ମହଙ୍ଗା ହୋଇଥାଏ। ଅଧିକାଂଶ ଲୋକଙ୍କ ପାଇଁ ନିୟମିତ ଭାବରେ ଖାଇବା ଅସମ୍ଭବ। କିନ୍ତୁ ଆଜି ଆମେ ଆପଣଙ୍କୁ ଏମିତି ଏକ ଡ୍ରାଏ ଫ୍ରୁଟସ୍ ବିଷୟରେ କହିବୁ ଯାହା ଦେଖିବାକୁ ଛୋଟ କିନ୍ତୁ ତାର ଫାଇଦା ବହୁତ୍ ବଡ଼।
କିସମିସ୍। ସାଧାରଣତଃ କିସମିସକୁ ଲୋକେ କ୍ଷୀରି ପୁଲାଉ ଆଦି ମିଠା ଜାତୀୟ ଖାଦ୍ୟରେ ବ୍ୟବହାର କରିଥାନ୍ତି । କିନ୍ତୁ କେବେ କିସମିସକୁ ପାଣିରେ ପକେଇକି ପିଇଛନ୍ତି? ଏଥିରେ ଏମିତି ପୋଷକ ତତ୍ତ୍ବ ରହିଛି ଯାହା ସ୍ବାସ୍ଥ୍ୟ ପାଇଁ ବରଦାନ ଭଳି କାମ କରିଥାଏ। ଚାଲନ୍ତୁ ଜାଣିବା ଏହାର ଉପକାରିତା ବିଷୟରେ।
କିସମିସରେ ଫାଇବର ଏବଂ ଭିଟାମିନ ଭରପୁର ଥାଏ ,ଯାହା ଇମ୍ୟୁନିଟି ବଢ଼ାଇଥାଏ ଏବଂ ଯାହାଦ୍ବାରା ଭୋକ କମ୍ ହୋଇଥାଏ। ମେଟାବୋଲିଜମ୍ ବି ବଢ଼ାଇଥାଏ । ଶରୀର ପାଇଁ ଅମୃତ ସଦୃଶ ହେଉଛି କିସମିସ୍ । ଏଥିରେ ଭିଟାମିନ୍ C, E, ବିଟା କାରୋଟିନ୍ ଭଳି ଆଣ୍ଟିଅକ୍ସିଡେଣ୍ଟ ଥାଏ ଯାହା ହାନିକାରକ ଫ୍ରୀ ରେଡିକଲସ୍ ଦ୍ବାରା ହେଉଥିବା ହାନିରୁ ରକ୍ଷା କରିଥାଏ ତାସହିତ ଭିଟାମିନ V, C ରହିଛି ଯାହା କୋଲେଜନ୍ ବଢ଼ାଇଥାଏ। ଏହା ତ୍ବଚ୍ଛାର ନମନୀୟତା ବଢ଼ାଇଥାଏ ଯାହାଦ୍ବାରା ସ୍କିନ୍ ଭଲ ରହିଥାଏ। ହଜମ ପ୍ରକ୍ରିୟାରେ ସାହାଯ୍ୟ କରିଥାଏ। ହାଡକୁ ଶକ୍ତ କରିବା ସହ ଶରୀରରେ ଆଇରନର ସ୍ତରକୁ ମଧ୍ୟ ବଢ଼ାଇ ଥାଏ।
କିସମିସରେ ଫାଇବର ଏବଂ ପୋଟାସିୟମ ଅନେକ ମାତ୍ରାରେ ରହିଥାଏ ଯାହା ଶରୀରରେ ବ୍ଲଡ଼ ପ୍ରେସରକୁ କଣ୍ଟ୍ରୋଲ କରିବାରେ ସାହାଯ୍ୟ କରିଥାଏ। କେବଳ ଏତିକି ନୁହେଁ ଶରୀରରେ ହିମୋଗ୍ଲୋବିନ ଠିକ୍ ରଖିବା ସହିତ ପେଟ ସମସ୍ୟାରୁ ମଧ୍ୟ ରକ୍ଷା କରିଥାଏ।
ଅଧିକ ପଢ଼ନ୍ତୁ ଜୀବନ ଶୈଳୀ ଖବର
