ଅର୍ଗସ ବ୍ୟୁରୋ: କଟକ ବାଲିଯାତ୍ରାକୁ ନେଇ ବଡ଼ ଖବର। ଉପର ପଡ଼ିଆରେ ବି ହୋଇପାରେ ବାଲିଯାତ୍ରା। ଉପର ପଡ଼ିଆରେ ବାଲିଯାତ୍ରା ନକରିବା ନେଇ ପ୍ରଶାସନକୁ ହାଇକୋର୍ଟ ପରାମର୍ଶ ଦେଇଥିଲେ। ଏ ପ୍ରସଙ୍ଗରେ ଆଜି କଟକ ଜିଲ୍ଲାପାଳଙ୍କ ଅଧ୍ୟକ୍ଷତାରେ ବିଭାଗୀୟ ଅଧିକାରୀଙ୍କ ଗୁରୁତ୍ୱପୂର୍ଣ୍ଣ ବୈଠକ ବସିଥିଲା। ବୈଠକ ପରେ କଟକ ଜିଲ୍ଲାପାଳ ଦତ୍ତାତ୍ରେୟ ଭାଉସାହେବ ସିନ୍ଦେ କହିଛନ୍ତି। ଉପରେ ପଡ଼ିଆରେ ହେବ ବାଲିଯାତ୍ରା।
ଆଜି କୋର୍ଟରେ ସତ୍ୟପାଠ ଦାଖଲ ହେବ। ବ୍ୟବସାୟୀଙ୍କ ହିତ, କଟକବାସୀଙ୍କ ଭାବାବେଗକୁ ବାଧା ନଦେବା ଭଳି ନିଷ୍ପତ୍ତି ନିଆଯାଇଛି। ଯାହା ସତ୍ୟପାଠ ଜରିଆରେ କୋର୍ଟରେ ଦାଖଲ କରାଯିବ। କୌଣସି ବ୍ୟବସାୟୀ କିମ୍ବା ଷ୍ଟେକ୍ ହୋଲଡରଙ୍କୁ ଭୟଭୀତ ହେବାର ଆବଶ୍ୟକତା ନାହିଁ। ଯାହା କୋର୍ଟ ନିର୍ଦ୍ଦେଶ ଦେବେ ସେହି ଅନୁଯାୟୀ ପଦକ୍ଷେପ ନିଆଯିବ ବୋଲି କହିଛନ୍ତି ଜିଲ୍ଲାପାଳ।
ଅଧିକ ପଢ଼ନ୍ତୁ ଓଡ଼ିଶା ଖବର
ଅର୍ଗସ ବ୍ୟୁରୋ: ତେଲେଙ୍ଗାନାରେ ଦୁର୍ଘଟଣାରେ ଗୁରୁତର ହେଲେ ମାଲକାନଗିରିର ୪ ସାମ୍ବାଦିକ । ତେଲେଙ୍ଗାନା ରାମପୁରମରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ତିରୁପତି ଦର୍ଶନ ସାରି ଫେରୁଥିବା ବେଳେ ରାମେଶ୍ବରର ରାମପୁରମ ନିକଟରେ ଟ୍ରକକୁ ପଛପଟୁ ଧକ୍କା ଦେଇଥିଲା କାର୍ । ୪ ଗୁରୁତରଙ୍କୁ ତେଲେଙ୍ଗାନା ରାମନନ୍ଦ ମେଡିକାଲ କଲେଜରେ ଭର୍ତ୍ତି କରାଯାଇଛି ।
ଅଧିକ ପଢ଼ନ୍ତୁ ଓଡିଶା ଖବର:
ଅର୍ଗସ ବ୍ୟୁରୋ: ବଲିଉଡ୍ ସୁପରଷ୍ଟାର ସଲମାନ୍ ଖାନଙ୍କୁ ପୁଣି ଧମକ । ୫ କୋଟି ଟଙ୍କା ଚାନ୍ଦା ଦେବାକୁ ସେମାନେ ଧମକପୂର୍ଣ୍ଣ କଲ୍ କରିଛନ୍ତି । ଯଦି ବଞ୍ଚିବାକୁ ଚାହୁଁଛ ୫କୋଟି ଟଙ୍କା ଦିଅ ନହେଲେ ମନ୍ଦିରରେ କ୍ଷମା ମାଗିବାକୁ ସେମାନେ ଧମକ ଦେଇଛନ୍ତି । ନଚେତ୍ ପରିଣାମ ଭୟାବହ ହେବ ବୋଲି ମୁମ୍ବାଇ ପୋଲିସକୁ ଫୋନ କରି ଧମକ ଦେଇଛନ୍ତି । ଲରେନ୍ସ ବିଷ୍ଣୋୟୀ ଗ୍ୟାଙ୍ଗ ପକ୍ଷରୁ ଏଭଳି ଧମକପୂର୍ଣ୍ଣ କଲ୍ ହୋଇଥିବା ସନ୍ଦେହ କରାଯାଉଛି । ସପ୍ତାହକ ଭିତରେ ସଲମାନ୍ ଖାନଙ୍କୁ ଦ୍ବିତୀୟ ଥର ପାଇଁ ଏଭଳି ଧମକ ମିଳିଛି । ପୂର୍ବରୁ ଅକ୍ଟୋବର ୩୦ରେ ସଲମାନ ଖାନଙ୍କୁ ୨ କୋଟି ଟଙ୍କା ଚାନ୍ଦା ଦେବାକୁ ଧମକ ଦିଆଯାଇଥିଲା ।
ଅଧିକ ପଢ଼ନ୍ତୁ ମନୋରଞ୍ଜନ ଖବର:
ଅର୍ଗସ ବ୍ୟୁରୋ: ସ୍ୱାମୀକୁ ବାନ୍ଧି ସ୍ତ୍ରୀକୁ ହତ୍ୟା କଲେ ଦୁର୍ବୃତ୍ତ । କୋରାପୁଟ ଜିଲ୍ଲା ଲମତାପୁଟ ବ୍ଲକ ହରିଆମୁଣ୍ଡା ଗାଁରେ ଅଭାବନୀୟ ଘଟଣା । ନନ୍ଦପୁରରେ ଆଧାର ସଂଶୋଧନ କରି ସ୍ବାମୀ-ସ୍ତ୍ରୀ ବାଇକ ଯୋଗେ ଫେରୁଥିବାବେଳେ ବାଟରେ କିଛି ଦୁର୍ବୃତ୍ତ ଅଟକାଇଥିଲେ । ଏବଂ ଉଭୟଙ୍କୁ ଆକ୍ରମଣ କରିଥିଲେ । ସ୍ବାମୀଙ୍କୁ ବାନ୍ଧି ସ୍ତ୍ରୀଙ୍କୁ ହତ୍ୟା କରିବାପରେ ସେ ବେକରେ ପିନ୍ଧିଥିବା ସୁନା ଗହଣା ନେଇ ଚମ୍ପଟ ହୋଇଯାଇଥିଲେ । ମୃତକ ଶାବି ଖରା ବୋଲି ଜଣାପଡିଛି । ଏଖବର ପରେ ସ୍ଥଳନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି। ପୋଲିସ ଏହି ଘଟଣାର ତନାଘନା ଜାରି ରଖିଛି।
ଅଧିକ ପଢ଼ନ୍ତୁ ଓଡିଶା ଖବର:
