ନବରଙ୍ଗପୁର: ନବରଙ୍ଗପୁର ଜିଲ୍ଲା ରାଇଘର ବ୍ଲକ ଅନ୍ତର୍ଗତ କୁନ୍ଦେଇ ଥାନାରେ ଏକ ସ୍କୁଲ ଛାତ୍ରୀଙ୍କୁ ଉକ୍ତ ବିଦ୍ୟାଳୟର ପ୍ରଧାନଶିକ୍ଷକ ଓ କନିଷ୍ଠ ଶିକ୍ଷକ ଦୁହେଁ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଏହି ଘଟଣାରେ କୁନ୍ଦେଇ ପୁଲିସ ଅଭିଯୁକ୍ତ ଦୁଇ ଶିକ୍ଷକଙ୍କୁ ଅଟକ ରଖି ପଚରା ଉଚରା ଚଳାଇଛି l ଘଟଣା ପରେ ଛାତ୍ରୀଙ୍କ ଦେହ ଅସୁସ୍ଥ ହେବାରୁ ତାକୁ ପ୍ରଥମ ହାଟଭରାଣ୍ଡି ମେଡିକଲକୁ ନେଇ ଯାଇଥିଲେ l ସେଠାରେ ପ୍ରାଥମିକ ଚିକିତ୍ସା କରିବା ପରେ ତାକୁ ଦୁଷ୍କର୍ମ ହୋଇଥିବା ଜାଣିପାରି ପରିବାର ପକ୍ଷରୁ ତାଙ୍କ ବାପା କୁନ୍ଦେଇ ଥାନାରେ ଲିଖିତ ଜଣାଇଥିଲେ ।
ଅଧିକ ପଢନ୍ତୁ: କୁର୍କୁରେ ପ୍ରଲୋଭନ ଦେଖାଇ ଝିଆରିକୁ ଦୁଷ୍କର୍ମ କଲା ଦାଦା
ଏହି ଅଭିଯୋଗରେ ସେ ପଢୁଥିବା ବିଦ୍ୟାଳୟର ପ୍ରଧାନଶିକ୍ଷକ ଓ ସହକାରୀ ଶିକ୍ଷକ ସମ୍ପୃକ୍ତ ଥିବା ଉଲ୍ଲେଖ କରାଯଇଛି । ଫଳରେ ପୁଲିସ ଉଭୟ ଶିକ୍ଷକଙ୍କୁ ଅଟକ ରଖିଛି । ଅପରପକ୍ଷରେ ଛାତ୍ରୀ ଜଣକ ଗୁରୁତର ଥିବା ଯୋଗୁଁ ତାଙ୍କୁ ପ୍ରଥମେ ଉମରକୋଟ ଓ ପରେ ନବରଙ୍ଗପୁର ମେଡିକଲକୁ ସ୍ଥାନାନ୍ତର କରାଯାଇଛି । ତେବେ ଘଟଣା ସମ୍ପର୍କରେ ତଦନ୍ତ ଆରମ୍ଭ ହୋଇଛି ।
ଅପରାଧ ଖବର ଆହୁରି ପଢନ୍ତୁ
