BJP's question: How did the NOC for the project in 2004?

ଘର

ଓଡ଼ିଶା

ବିଜେପିର ପ୍ରଶ୍ନ :2004ରେ ପ୍ରକଳ୍ପ ପାଇଁ କିପରି ଦେଇଥିଲେ ଏନଓସି ?

by Swayangprajna Mishra

BJP's question: How did the NOC for the project in 2004?

NEWS HIGHLIGHTS

କ୍ଷମତାରେ ଥିବା ବେଳେ ପୋଲାଭରମକୁ ନେଇ ମୁହଁରେ ଦେଇଥିଲେ ତାଲା
ଶାସନରୁ ଗଲା ପରେ ମୋଟୁ ଅଞ୍ଚଳବାସୀଙ୍କ ଦୁଃଖ ବିଜେଡିର ମନେ ପଡ଼ିଲା
24 ବର୍ଷରେ ନା କରିଥିଲେ ସର୍ଭେ ନା ହୋଇଥିଲା କ୍ଷୟକ୍ଷତିର ଆକଳନ
ଏବେ ଫ୍ୟାକ୍ଟ ଫାଇଣ୍ଡିଙ୍ଗ ଟିମ୍ ପଠାଇ କୁମ୍ଭୀର କାନ୍ଦଣା କାନ୍ଦୁଛନ୍ତି ନବୀନ
କେନ୍ଦ୍ରରେ ବିଜେଡିର ଜଳସମ୍ଫଦ ମନ୍ତ୍ରୀ ଥିଲେ ବି ପ୍ରତିବାଦ କରିନଥିଲେ କାହିଁକ ?
ବିଜେପିର ପ୍ରଶ୍ନ :2004ରେ ପ୍ରକଳ୍ପ ପାଇଁ କିପରି ଦେଇଥିଲେ ଏନଓସି ?

ଅର୍ଗସ ବ୍ୟୁରୋ : ପୋଲାଭରମ୍ ପ୍ରକଳ୍ପ ଶେଷ ନହେଉଣୁ ଯଦି ଗୋଟିଏ ବର୍ଷାରେ ମାଲକାନଗିରି ଜିଲ୍ଲାର ଏପରି ଅବସ୍ଥା। ଚିନ୍ତା କରନ୍ତୁ ପକଳ୍ପ ସଂପୂର୍ଣ୍ଣ ହେବା ପରେ କଣ ହେବ ପରିସ୍ଥିତି। ଆଶଙ୍କା କରାଯାଉଛି ପୋଲାଭରମର ପଛୁଆ ପାଣିରେ ବୁଡ଼ିଯିବ ମୋଟୁ, ବିନାୟକପୁର, ଅଲମା, ପଡ଼ିଆ, କୋରୁକୋଣ୍ଡା ଓ ମାଥିଲି ଭଳି ଅନେକ ଗାଁ। କେବଳ ଏଥର ନୁହେଁ ମୋଟୁ ବାସିନ୍ଦା ପୋଲାଭରମର ବିଭୀଷିକା 2006,2019 ଓ 2022 ରେ ବି ଦେଖିସାରିଛନ୍ତି। ବିଶେଷ କରି 2006 ମସିହାରେ ଗୋଦାବରୀର ପଛୁଆ ପାଣିର ବନ୍ୟା ଯୋଗୁଁ ମୋଟୁ ତହସିଲ କାର୍ଯ୍ୟାଳୟ ପର୍ଯ୍ୟନ୍ତ ମାଡ଼ି ଆସିଥିଲା ବନ୍ୟା ପାଣି। ସେବେଠାରୁ ଯଦି ସଚେତ ହୋଇଥାନ୍ତେ ବିଜେଡି ସରକାର ତାହାଲେ ଆଜି ଅବସ୍ଥା ନେଡିଗୁଡ଼ କହୁଣିକୁ ବହିନଥାନ୍ତା। ପୋଲାଭରମ ପ୍ରକଳ୍ପ ପାଇଁ କେତେ ଗାଁ ଜଳମଗ୍ନ ହେବ, କେତେ ଲୋକ ବିସ୍ଥାପିତ ହେବେ , କେତେ ଚାଷ ଜମି ଓ କେତେ ଜଙ୍ଗଲ ନଷ୍ଟ ହେବ ନା ତାର କୌଣସି ସର୍ଭେ କରାଇଲେ ନା କ୍ଷୟକ୍ଷତିର ଆକଳନ କଲେ। ଏବେ ଶାସନରୁ ହଟିବା ପରେ ବିଜେଡି ମାଲକାନଗିରି ପାଇଁ କାନ୍ଦୁଛି କୁମ୍ଭୀର କାନ୍ଦଣା। ଗତ ଅଗଷ୍ଟ 28 ଓ 29ରେ ଦେବୀ ମିଶ୍ରଙ୍କ ନେତୃତ୍ବରେ ବିଜେଡିର ଏକ ଟିମ ପୋଲାଭରମ ବୁଲି ଦେଖିବା ପରେ

ପ୍ରକଳ୍ପ ଯୋଗୁଁ କେତେ କ୍ଷତି ହେବ ତାର ଏକ ରିପୋର୍ଟ ନବୀନ ପଟ୍ଟନାୟକଙ୍କୁ ଦେଇଛନ୍ତି। ମାଲକାନଗିରି ବିଧାୟକ ଓ ସ୍ଥାନୀୟ ଲୋକେ ପ୍ରଶ୍ନ କରିଛନ୍ତି ଶାସନରେ ଥିବା ବେଳେ ପାଲଭରମକୁ ନେଇ କାହିଁକି ଚୁପ ବସିଥିଲା ବିଜେଡି? 1980 ମସିହାରେ ଆନ୍ଧ୍ର ଓ କେନ୍ଦ୍ରରେ କଂଗ୍ରେସ ସରକାର ଥିବା ବେଳେ ପୋଲାଭରମ ପ୍ରକଳ୍ପ ପାଇଁ ଭିତ୍ତିପ୍ରସ୍ତର ସ୍ଥାପନ ହୋଇଥିଲା। ପରେ 2004ରେ ୱାଇ.ଏସ୍ ରାଜଶେଖର ରେଡ୍ଡୀଙ୍କ ନେତୃତ୍ବଧୀନ କଂଗ୍ରେସ ସରକାର ଏହାର ଭୂମିପୂଜା କରି ପ୍ରକଳ୍ପ କାର୍ଯ୍ୟ ଆରମ୍ଭ କରିଥିଲେ। ସେତେବେଳେ କେନ୍ଦ୍ରରେ ଏନଡିଏ ସରକାରରେ ଜଳସମ୍ପଦ ମନ୍ତ୍ରୀଥିଲେ ବିଜେଡିର ଅର୍ଜୁନ ଚରଣ ସେଠୀ। ସେତେବେଳେ ନବୀନ କିମ୍ବା ତାଙ୍କ ଦଳର ସାଂସଦ ଏହାର ପ୍ରତିବାଦ କଲେ ନାହିଁ। ପରବର୍ତ୍ତୀ ସମୟରେ କଂଗ୍ରେସ ନେସୃତ୍ବାଧୀନ ୟୁପିଏ ସରକାର ପୋଲାଭରମକୁ ଜାତୀୟ ପ୍ରକଳ୍ପର ମାନ୍ୟତା ଦେଇଥିଲେ। ସେତେବେଳେ ମଧ୍ୟ ବିଜେଡି ସରକାର ସ୍ବର ଉଠାଇଲେ ନାହିଁ। ଏହାଛଡ଼ା ପ୍ରଭାବିତ ରାଜ୍ୟରୁ ଏନଓସି ନମିଳିଲେ କୌଣସି ବଡ଼ ପ୍ରକଳ୍ପ କାମ ଆରମ୍ଭ ହୋଇପାରିବା ନାହିଁ। ଏବେ ବିଜେପି ସାଂସଦ ବଳଭଦ୍ର ମାଝି ପ୍ରଶ୍ନ କରିଛନ୍ତି ୨୦୦୪ରେ କିଏ ପୋଲାଭରମ୍ ପାଇଁ ଦେଇଥିଲା ଏନଓସି। ଏଥିସହ ପୋଲାଭରମକୁ ନେଇ ପାଣ୍ଡିଆନଙ୍କ ପ୍ରତିକ୍ରିୟା କିଭଳି ଥିଲା ତାର ପୋଲ ଖୋଲିଛନ୍ତି ବଳଭଦ୍ର।
ପୋଲଭରମ ପ୍ରକଳ୍ପ ନିର୍ମାଣ କର୍ଯ୍ୟ ଏବେ ଶେଷ ପର୍ଯାୟରେ ପହଂଚିସରିଲାଣି । ଆଉ ପ୍ରକଳ୍ପ ସରିଲେ ଗୋଦାବରୀ ନଦୀର ପଛୁଆ ପାଣି ମାଲକାନଗିରି ଜିଲ୍ଲା ପାଇଁ ବିପଦ ଆଣିବା ଏକ ପ୍ରକାର ନିଶ୍ଚିତ। ଏହାକୁ ରୋକିବାଲାଗି ଯେତେବେଳେ ସମୟ ଥିଲା ସେତେବେଳେ ଚୁପ୍ ରହିଲା ବିଜେଡି ଆଉ ଏବେ କ୍ଷମତାରୁ ଯିବା ପରେ ଏହି ସବୁ କ୍ଷୟକ୍ଷତି ଆକଳନ ରିପୋର୍ଟ କେବଳ ନିଜ ଅପାରଗତା ଢାଙ୍କିାବାକୁ କୁମ୍ଭୀର କାନ୍ଦଣା ବୋଲି ହୋଇଛି ଅଭିଯୋଗ।

ବିଶ୍ୱବିଦ୍ୟାଳୟ ରାଗିଂ, ୧୭ ଜଣ ଛାତ୍ରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ

by Banajyotshna Ray

ଅର୍ଗସ ବ୍ୟୁରୋ: ବ୍ରହ୍ମପୁର ବିଶ୍ବବିଦ୍ୟାଳୟ ରାଗିଂ ଘଟଣା । ଶୃଙ୍ଖଳା କମିଟିର ତଦନ୍ତ ପରେ ୧୭ ଜଣ ଛାତ୍ରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଘଟଣାରେ ସଂପୃକ୍ତ ୪ ଜଣ ଛାତ୍ରଙ୍କୁ ଏକ ସପ୍ତାହ ମଧ୍ୟରେ ହଷ୍ଟେଲ୍‌ ଖାଲି କରିବାକୁ ନିର୍ଦ୍ଦେଶ ଦିଆଯାଇଥିବା ବେଳେ, ଅନ୍ୟ ୧୩ ଜଣଙ୍କୁ ୧ ହଜାର ଟଙ୍କା ଲେଖାଏଁ ଜରିମାନା ସହ ଅଣ୍ଡରଟେକିଂ ଦାଖଲ କରିବାକୁ କୁହାଯାଇଛି । ଗତ ମାସ ୨୧ ତାରିଖ ରାତିରେ ନୂତନ ଛାତ୍ରାବାସରେ ରହୁଥିବା ପ୍ରଥମ ବର୍ଷ ଛାତ୍ରଙ୍କୁ ଅନ୍ୟ ହଷ୍ଟେଲର ଦ୍ବିତୀୟ ବର୍ଷ ଛାତ୍ରମାନେ ମାନସିକ ନିର୍ଯାତନା ସହ ରାଗିଂକରିଥିବା ନେଇ ୟୁଜିସିର ଆଣ୍ଟି ରାଗିଂ ସେଲ୍‌ରେ ଅଭିଯୋଗ ହୋଇଥିଲା । ୟୁଜିସି ପକ୍ଷରୁ ୨୨ ତାରିଖ ଦିନ ବ୍ରହ୍ମପୁର ବିଶ୍ବବିଦ୍ୟାଳୟ କର୍ତ୍ତୃପକ୍ଷ ଏହାର ତଦନ୍ତ କରିବାକୁ ନିର୍ଦ୍ଦେଶ ଦେଇଥିଲା ।

୨୩ ତାରିଖ ଦିନ କୁଳପତି ଗୀତାଞ୍ଜଳି ଦାଶଙ୍କ ନିର୍ଦ୍ଦେଶ କ୍ରମେ ପିଜି କାଉନସିଲ୍‌ ଅଧ୍ୟକ୍ଷ ପ୍ରଫେସର ସୁକାନ୍ତ କୁମାର ତ୍ରିପାଠୀଙ୍କ ଅଧକ୍ଷତାରେ ଶୃଙ୍ଖଳା କମିଟି ଏବଂ ଆଣ୍ଟି ରାଗିଂ କମିଟିର ଦାୟିତ୍ୱରେ ଥିବା ସଦସ୍ୟଙ୍କ ସହ ଆଲୋଚନା ହୋଇଥିଲା । ଘଟଣାର ତଦନ୍ତ କରିବା ପାଇଁ ଆଣ୍ଟିରାଗିଂ କମିଟିର ୧୨ ଜଣିଆ ଦଳ ଏବଂ ସିକ୍ୟୁରିଟି ଅଫିସର ତଥା ଡିଏସ୍‌ପି ଦୀପ୍ତିକାନ୍ତ ପ୍ରଧାନଙ୍କୁ ଦାୟିତ୍ବ ପ୍ରଦାନ କରାଯାଇଥିଲା । ତଦନ୍ତକାରୀ ଦଳ ସିସି କ୍ୟାମେରା ଫୁଟେଜ୍‌କୁ ଆଧାର କରି ରାଗିଂ କରିଥିବା ଛାତ୍ରଙ୍କୁ ଚିହ୍ନଟ କରି ପଚରାଉଚରା କରିଥିଲେ । ଘଟଣାରେ ତଦନ୍ତ ରିପୋର୍ଟ ଗତକାଲି କୁଳପତିଙ୍କୁ ପ୍ରଦାନ କରିଥିଲେ ।

ଅଧିକ ପଢ଼ନ୍ତୁ ଓଡିଶା ଖବର:

ଆଜିଠୁ ୩ ଦିନିଆ ଦିଲ୍ଲୀ ଗସ୍ତରେ ଯିବେ ମୁଖ୍ୟମନ୍ତ୍ରୀ

by Swayangprajna Mishra

The Chief Minister will go on a 3-day visit to Delhi from today

ଅର୍ଗସ ବ୍ୟୁରୋ : ଆଜିଠୁ ୩ ଦିନିଆ ଦିଲ୍ଲୀ ଗସ୍ତରେ ଯିବେ ମୁଖ୍ୟମନ୍ତ୍ରୀ ମୋହନ ମାଝି । ଦିଲ୍ଲୀରେ ମାଓ ମୁକାବିଲାକୁ ନେଇ ଗୃହମନ୍ତ୍ରୀ ଅମିତ୍ ଶାହା ଅଧ୍ୟକ୍ଷତାରେ ବସିବାକୁ ଥିବା ବୈଠକରେ ଦେବେ ଯୋଗ ।

ଅଧିକ ପଢନ୍ତୁ : ଏକକାଳୀନ ୧୬ ହଜାର ଶିକ୍ଷକ ଶିକ୍ଷୟତ୍ରୀଙ୍କୁ ନିଯୁକ୍ତି ପତ୍ର ବାଣ୍ଟିଲେ ମୁଖ୍ୟମନ୍ତ୍ରୀ

ତାହା ସହ ଅନ୍ୟାନ୍ୟ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଭାଗ ନେବେ ।

ବେଆଇନ ମଦ ବିରୋଧରେ ଶହଶହ ମହିଳାଙ୍କ ରାଲି

by Swayangprajna Mishra

Hundreds of women rally against illegal liquor

ଅର୍ଗସ ବ୍ୟୁରୋ : ବେଆଇନ ମଦ ବିରୋଧରେ ଗର୍ଜିଲେ ବରଗଡ଼ ସଦର ଖଲିଆପାଲି ଗାଁ ସ୍କୁଲ ପଡ଼ାର ଶହ ଶହ ମହିଳା । ଗାଁରେ ନିଶା ବନ୍ଦ୍ ଦାବି ନେଇ ହାତରେ ପ୍ଲାଗ କାର୍ଡ ଧରି ମହିଳାଙ୍କ ରାଲି।

ଅଧିକ ପଢନ୍ତୁ : ମଦ ବିକ୍ରି ବନ୍ଦ କରିବାକୁ ଏକାଠି ହେଲେ ୪ ଗ୍ରାମର ମହିଳା

ଗାଁରେ ବେଆଇନ ମଦ ଓ ନିଶା ଦ୍ରବ୍ୟ ବିକ୍ରି ହେଉଥିବାରୁ ଗାଁର ଯୁବକ ମାନେ ନିଶା ଗ୍ରସ୍ତ ହୋଇ ପଥଭ୍ରଷ୍ଟ ହେଉଥିବାରୁ ଗାଁରେ ସମ୍ପୂର୍ଣ ମଦ ଓ ନିଶା ବନ୍ଦ୍ କରିବା ପାଇଁ ଅଣ୍ଟା ଭିଡିଛନ୍ତି ମହିଳା ମାନେ ।

Download Argus News App

BJP's question: How did the NOC for the project in 2004?

Download Mobile App