ବଲାଙ୍ଗୀର: ଟିଟିଲାଗଡ଼ ଥାନା ଅନ୍ତର୍ଗତ ପୁତୁଲି ଗ୍ରାମରେ ପୋଲିସ ହାବୁଡରେ ନକଲି ଡାକ୍ତର । ଟିଟିଲାଗଡ଼ ପୁଲିସ ନକଲି ଡାକ୍ତରଙ୍କୁ ଗିରଫ ସହ କୋର୍ଟ ଚାଲାଣ କରିଥିବା ସୂଚନା ମିଳିଛି । ଏନେଇ ଟିଟିଲାଗଡ଼ ପୋଲିସ ସୂଚନା ଦେଇଛି ଯେ, ଗ୍ରାମରେ ଜଣେ ଅବସର ପ୍ରାପ୍ତ ସ୍ୱାସ୍ଥ୍ୟ କର୍ମଚାରୀ ରାଜେନ୍ଦ୍ର ହରପାଲ ବିନା ଲାଇସେନ୍ସରେ କ୍ଲିନିକ ଖୋଲି ରୋଗୀଙ୍କ ଚିକିତ୍ସା କରୁଥିବା ନେଇ ଅଭିଯୋଗ ଆସିଥିଲା ।
ସେ ମନଇଚ୍ଛା କ୍ଲିନିକ୍ ଖୋଲି ରୋଗୀଙ୍କୁ ସାଲାଇନ ଲଗାଉଥିବା, ଔଷଧ ଦେଉଥିବା ଟିଟିଲାଗଡ଼ ଥାନାରେ ଲିଖିତ ଅଭିଯୋଗ କରିଥିଲେ । ଏନେଇ ଗତ ରାତ୍ରୀରେ ଟିଟିଲାଗଡ଼ ଉପଖଣ୍ଡ ସ୍ୱାସ୍ଥ୍ୟ ଅଧିକାରୀ. ଡା. ପ୍ରଦୀପ ନାୟକ, ଏସଡ଼ିପିଓ, ଥାନା ଆଇଆଇସି ବିଶ୍ୱଜିତ ମନବୋଧ ଏବଂ ଡ୍ରଗ୍ସ ଇମ୍ସପେକ୍ଟର ମିଳିତ ଚଢ଼ାଉ ସହ ଅନେକ ପ୍ରକାର ଔଷଧ ସମେତ ବିଭିନ୍ନ ସାମଗ୍ରୀ ଜବତ କରିଥିଲେ l ଔଷଧର କୌଣସି ବିଲ୍ ମଧ୍ୟ ନଥିଲା । ଏନେଇ ପୁଲିସ ପକ୍ଷରୁ ଅଧିକ ତଦନ୍ତ ଜାରି ରହି ଥିବା ଜଣାପଡିଛି ।
ଆହୁରି ପଢନ୍ତୁ ଓଡିଶା ଖବର...
ଅର୍ଗସ ବ୍ୟୁରୋ: ନା ଅଛି ପକ୍କା ରାସ୍ତାର ସୁବିଧା ନା ମୁଣ୍ଡ ଉପରେ ଅଛି ପକ୍କା ଘରର ବ୍ୟବସ୍ଥା। ସରକାରୀ ଯୋଜନା ଏଠି ଉପହାସ । ରାୟଗଡା ପଦ୍ମପୁର ବ୍ଳକ ନାଇରା ପଂଚାୟତ କିମ୍ବାଝୁଲା ଗାଁର। ଗାଁ କୁ ଦେଖିଲେ ସ୍ପଷ୍ଟ ହେଉଛି ବିକାଶର ବାସ୍ତବତା। କାଦୁଅ ପଚପଚ ରାସ୍ତାରେ ଚାଲିକି ଯିବା କଷ୍ଟକର । ଗ୍ରୀଷ୍ମ ଋତୁରେ ଯେମିତି ସେମିତି ଚଳିଯାଏ କିନ୍ତୁ ବର୍ଷା ଦିନେ ସ୍ଥିତି ଦୟନୀୟ । ଏହି ରାସ୍ତା ୩ଟି ଗାଁ ପାଇଁ ଲାଇଫ୍ ଲାଇନ୍। ଏହା ଉପରେ ନିର୍ଭର କରନ୍ତି କିମ୍ବାଝୁଲା ଗାଁର ପ୍ରାୟ 3୦ ରୁ ଅଧିକ ପରିବାର। ମାତ୍ର ରାସ୍ତା ନଥିବାରୁ ଏକ ପ୍ରକାର ବନ୍ଦି ଜୀବନ ବିତାଉଛନ୍ତି ଗ୍ରାମବାସୀ।
କେବଳ ସମସ୍ୟା ରାସ୍ତା ମଧ୍ୟରେ ସୀମିତ ନୁହେଁ । ଗାଁରେ ରହୁଥିବା ଅନେକ ଗରିବ ଆଦିବାସୀ ପରିବାର ଆବାସ ଯୋଜନାରୁ ବଞ୍ଚିତ । ତେଲିଆ ମୁଣ୍ଡରେ ତେଲ ସଦୃଶ୍ୟ ଯୋଗ୍ୟ ହିତାଧିକାରୀଙ୍କୁ ମିଳୁନାହିଁ ପକ୍କାଘର। ଆବାସ ଯୋଜନା ଏଠି ପାଲଟିଛି ସାତସପନ। ଦୀର୍ଘ ବର୍ଷ ହେବ ଝାଟି ମାଟିର ପଲିଥିନ ଘୋଡା କୁଡ଼ିଆରେ ବିତୁଛି ଜୀବନ। ଗାଁ ସମସ୍ୟା ସମ୍ପର୍କରେ ଗ୍ରାମବାସୀ ସ୍ଥାନୀୟ ସରପଞ୍ଚ ଠାରୁ ଆରମ୍ଭ କରି ବିଡିଓ, ଜିଲ୍ଲାପାଳ, ନେତାମନ୍ତ୍ରୀଙ୍କୁ ଅଭିଯୋଗ କରିଥିଲେ ମଧ୍ୟ ସ୍ଥିତିରେ ସୁଧାର ଆସିନି। ବିଗତ ସରକାର ନେତା ମନ୍ତ୍ରୀ ଙ୍କୁ ଅନେକ ଗୁହାରି ପରେ ମଧ୍ୟ ସ୍ଥିତି ସୁଧୁରି ନାହିଁ। ଏବେ ସରକାର ବଦଳିଛି , ନୂଆ ସରକାରଙ୍କ ନିକଟରେ ଆଶା ବାନ୍ଧିଛନ୍ତି ଗ୍ରାମବାସୀ ।
ଅଧିକ ପଢ଼ନ୍ତୁ ଓଡିଶା ଖବର:
କେନ୍ଦୁଝର: କେନ୍ଦୁଝରରେ ହେବ ବିଶ୍ୱସ୍ତରୀୟ ଷ୍ଟାଡିୟମ । ଆଜି ରାଜ୍ୟ କ୍ରୀଡା ମନ୍ତ୍ରୀ ସୁର୍ଯ୍ୟବଂଶୀ ସୁରଜ କେନ୍ଦୁଝର ଆସି ସଦର ବ୍ଳକ ରାଙ୍କିଠାରେ ପ୍ରସ୍ତାବିତ ଷ୍ଟାଡ଼ିୟମର ସର ଜମିନ ତଦନ୍ତ କରିଥିଲେ । ସେଠାରେ ପହଞ୍ଚି ସମସ୍ତ କାଗଜପତ୍ର ଦେଖିବା ସହ ପଡିଆକୁ ବୁଲି ଦେଖିଥିଲେ । ଏଠାରେ ବିଶ୍ଵସ୍ତରିୟ ଏକ ସ୍ପୋର୍ଷ୍ଟ୍ସ କମ୍ପଲେକ୍ସ ନିର୍ମାଣ ପାଇଁ ସରକାର ସବୁ ପ୍ରକାରର ସାହାଯ୍ୟ ଯୋଗାଇ ଦେବେ ବୋଲି କହିଛନ୍ତି ।
ମୁଖ୍ୟମନ୍ତ୍ରୀ ନିଜେ କେନ୍ଦୁଝର ଜିଲ୍ଲାରେ କିପରି ଖେଳର ବିକାଶ ହେବ ସେଥିପାଇଁ ଅଣ୍ଟା ଭିଡ଼ିବା ସହ ମତେ ଏଠାକୁ ପଠାଇଛନ୍ତି । ଏହା ହେବା ଦ୍ଵାରା ଜିଲ୍ଲାରୁ ବହୁ ପ୍ରତିଭା ବାହାରିବେ ବୋଲି ମନ୍ତ୍ରୀ କହିଛନ୍ତି ।
ମୂଖ୍ୟମନ୍ତ୍ରୀ ମଧ୍ୟ ତାଙ୍କର ଦ୍ବିତୀୟ ଥର କେନ୍ଦୁଝର ଗସ୍ତରେ ତାଙ୍କ ଜନ୍ମଭୂମି ରାଇକଳା ନିକଟ କରଞ୍ଜିଆପଡା ଫୁଟବଲ ପଡ଼ିଆ ଠାରେ ଦେଇଥିବା ଭାଷଣରେ କହିଥିଲେ ସାରା କେନ୍ଦୁଝରରେ ପଞ୍ଚାୟତ ସ୍ତରରେ ଷ୍ଟାଡିୟମ ନିର୍ମାଣ ହେବା ସହିତ କେନ୍ଦୁଝର ସହର ନିକଟରେ ଏକ ବିଶ୍ବସ୍ତରୀୟ ସ୍ପୋର୍ଟସ କମ୍ପ୍ଲେକ୍ସ ତଥା ଷ୍ଟାଡିୟମ ନିର୍ମାଣ ହେବ । ଏବଂ ଏହାର ପ୍ରତିଶ୍ରୁତି ରକ୍ଷା ସ୍ବରୂପ ଆଜି ରାଜ୍ୟ କ୍ରିଡ଼ା ମନ୍ତ୍ରୀଙ୍କୁ ପଠାଇଥିଲେ ସରଜମିନ ତଦାରଖ କରିବା ପାଇଁ ।
ଆହୁରି ପଢନ୍ତୁ ଓଡିଶା ଖବର...
