Low pressure formed

ଅର୍ଗସ ବ୍ୟୁରୋ: ସୁନା କିଣୁଥିଲେ ସାବଧାନ । ଗ୍ରାହକଙ୍କୁ ଠକୁଛନ୍ତି ସୁନା ଦୋକାନୀ । ଗତ ୫ ମାସ ମଧ୍ୟରେ ଯୋଗାଣ ବିଭାଗ ପକ୍ଷରୁ କରାଯାଇଥିବା  ୩୧୨୫ ରେଡ୍‌ରେ ୧୧୬ ବ୍ୟବସାୟୀ ଗ୍ରାହକଙ୍କୁ ଠକିଥିବା ନଜରକୁ ଆସିଛି । ସେମାନଙ୍କ ବିରୋଧରେ ମାମଲା ରୁଜୁ ହେବା ସହ ସେମାନଙ୍କଠୁ ୩ ଲକ୍ଷ ୧୩ ହଜାର ୮୦୦ ଟଙ୍କାର ଫାଇନ ଆଦାୟ କରାଯାଇଛି । ଗଞ୍ଜାମ, ଖୋର୍ଦ୍ଧା ଓ କଟକରେ ସର୍ବାଧିକ ଠକେଇର ଶିକାର ହୋଇଛନ୍ତି ଗ୍ରାହକ । ଗଞ୍ଜାମ ଓ କଟକରେ ୧୭ ଜଣ ବ୍ୟବସାୟୀ ଗ୍ରାହକଙ୍କୁ ଠକି ଥିବା ନଜରକୁ ଆସିଥିବା ବେଳେ ଖୋର୍ଦ୍ଧାରେ ୧୬ ବ୍ୟବସାୟୀ ଗ୍ରାହକଙ୍କୁ ଠକିଛନ୍ତି । ବଡ଼ କଥା ହେଲା ଗତ ବର୍ଷେ ମଧ୍ୟରେ ୪୯୫ ବ୍ୟବସାୟୀ ଗ୍ରାହକଙ୍କୁ ଠକି ଥିବା ଜଣା ପଡ଼ିଛି । ସେମାନଙ୍କଠୁ ୧୫ ଲକ୍ଷ ୩୦ ହଜାର ଫାଇନ ଆଦାୟ ହୋଇଛି । ବିଧାନସଭାରେ ଲିଖିତ ଉତ୍ତର ରଖିଛନ୍ତି ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ।

ଅର୍ଗସ ବ୍ୟୁରୋ:ତାରିଖ ପରେ ତାରିଖ ଗଡୁଛି,କୋଲକାତାର ଆର୍‌ଜି କର ମେଡିକାଲ କଲେଜରେ  ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଘଟଣାରେ କେବେ ମିଳିବ ନ୍ୟାୟ,ସାଧାରଣ ପ୍ରଶ୍ନବାଚୀ ସୃଷ୍ଟି ହୋଇଛି । ଆଉ ଏଥିସହ ଟିଏମସି ସରକାର ଜନତାଙ୍କ ଭରସା ହରାଇଲେଣି। ରାଜରାସ୍ତାରେ ହକ୍ ପାଇ ଜାରି ରହିଛି ନ୍ୟାୟ ଲଢେଇ । ସାଧାରଣରେ ପ୍ରଶ୍ନ ଉଠିଲାଣି ନ୍ୟାୟ ଲଢେଇ ଆଉ କେତେ ଦିନ। ଆଉ ଏହାରି ମଧ୍ୟରେ ଆନ୍ଦୋଳନରତ ଡାକ୍ତର ବଢାଛନ୍ତି ଦିଦିଙ୍କ ଟେନସନ । ଡେଡଲାଇନ୍ ଶେଷ ହୋଇଥିଲେ ମଧ୍ୟ କାର୍ଯ୍ୟରେ ଯୋଗ ଦେଇ ନାହାନ୍ତି ଡାକ୍ତର। 
କୋଲକାତାରେ ମହିଳା ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଘଟଣା ବିରୋଧରେ ଆନ୍ଦୋଳନରେ ବସିଥିବା ଜୁନିୟର ଡାକ୍ତରଙ୍କ ସହ ଆଲୋଚନା କରିବାକୁ ପ୍ରସ୍ତାବ ଦେଥିଲେ ବେଙ୍ଗଲ ସରକାର। ଆନ୍ଦୋଳନ କରୁଥିବା ଡାକ୍ତରମାନଙ୍କ ସହ ଆଲୋଚନା କରିବାକୁ ସରକାର ଚାହୁଁଥିବା ବେଙ୍ଗଲ ସ୍ୱାସ୍ଥ୍ୟ ସଚିବ ଇ-ମେଲ ପଠାଇଛନ୍ତି। ହେଲେ ଏହାକୁ ଗ୍ରହଣ କରି ନାହାନ୍ତି ଡାକ୍ତରମାନେ। ଆନ୍ଦୋଳନ କରୁଥିବା ଡାକ୍ତରମାନେ କହିଛନ୍ତି  ସ୍ୱାସ୍ଥ୍ୟ ସଚିବ ଇ-ମେଲ ପଠାଇବା ଆମକୁ ହତାଶ କରିଛି। କାରଣ ଆମେ ଉଠାଇଥିବା ୫ ଦାବି ମଧ୍ୟରେ ସଚିବଙ୍କ ବରଖାସ୍ତ ମଧ୍ୟ ରହିଥିଲା। ସଚିବ ଓ ରାଜ୍ୟ ଡିଏମଇଙ୍କୁ ପଦରୁ ହଟାଯିବା ପାଇଁ ଆମେ ଦାବି କରୁଛୁ ବୋଲି କହିଛନ୍ତି ଡାକ୍ତରମାନେ ।

ଅର୍ଗସ ବ୍ୟୁରୋ: ଖୁବଶୀଘ୍ର ରାଜଧାନୀରେ ଦୂର ହେବ ମୁକୁଳା ଡ୍ରେନ ସମସ୍ୟା । ଡିସେମ୍ବର ମାସ ଭିତରେ ସ ବୁ ମୁକୁଳା ଡ୍ରେନରେ ସ୍ଲାବ ପଡ଼ିବାକୁ ନିର୍ଦ୍ଦେଶ ରହିଛି । ନୂଆ ସରକାର ଆସିବା ପରେ ଏହି ସମସ୍ୟାକୁ ଗୁରୁତର ଭାବେ ନିଆଯାଇଛି ବୋଲି କହିଛନ୍ତି ନଗର ଉନ୍ନୟନ ମନ୍ତ୍ରୀ । ବଜେଟରେ  ୨୦୦ କୋଟି ଟଙ୍କା ଆଗତ ହୋଇଛି । ସବୁ ମୁକୁଳା ଡ୍ରେନ କଭର ହେବାକୁ ନିର୍ଦ୍ଦେଶ ହୋଇଛି। ଏନ୍ ଜିଟି ଗାଇଡ ଲାଇନ୍ ଅନୁସାରେ ସବୁ ମୁଖ୍ୟ ଡ୍ରେନକୁ କଭର କରି ହେବନି ।  ତେଣୁ ଏହା ଚାରିପଟେ ବ୍ୟାରିକେଟିଂର ବ୍ୟବସ୍ଥା କରିବାକୁ ନିର୍ଦ୍ଦେଶ ହୋଇଛି ।