ମହାପ୍ରଭୁଙ୍କ ତ୍ରିମୁଣ୍ଡିରେ ଲାଗିଥିବା ସେନାପଟାରୁ ପାଟ ଡୋର ଖସିଯିବା ଫଳରେ ଏଭଳି ଅଘଟଣ ହୋଇଥିବାବେଳେ ସମସ୍ତ ସେବାୟତ ଏନେଇ କ୍ଷୋଭ ଓ କ୍ଷମା ପ୍ରାର୍ଥନା କରିଛନ୍ତି । ତେବେ ଗତକାଲି ପରିଚାଳନା କମିଟିରେ ଏ ପ୍ରସଙ୍ଗ ପଡ଼ିଥିବାବେଳେ ଖୁବ୍ ଶୀଘ୍ର ସେବାୟତ ନିଯୋଗ ମାନଙ୍କ ସହ ହେବ ଗୁରୁତ୍ଵପୂର୍ଣ୍ଣ ବୈଠକ । ତେବେ ସ୍ବତନ୍ତ୍ର ଭାବରେ ଉଲ୍ଲେଖ ରହିଛି ପହଣ୍ଡି ସମୟରେ କେଉଁ ରଥରେ କେତେ ସଂଖ୍ୟକ ସେବକ ରହିପାରିବେ ଏବଂ କେଉଁ ବର୍ଗର ସେବାୟତ ରହିବେ ତାହା ଉଲ୍ଲେଖ ରହିଛି । କିନ୍ତୁ ଏହାକୁ ଅନୁ ପାଳନ କରୁନାହାନ୍ତି ସେବାୟତ । ଅନ୍ୟପଟରେ ଏ ଡି ଏମ ଙ୍କ ନେତୃତ୍ୱରେ ଉନ୍ନୟନ ପ୍ରଶାସକ ଓ ଡେପୁଟି ସୂପରିଟେଣ୍ଡେଣ୍ଟକୁ ନେଇ ଏକ କମିଟି ଯାଞ୍ଚ କରି ରିପୋର୍ଟ ଦେବ ବୋଲି ଗତକାଲି ପରିଚାଳନା କମିଟି ବୈଠକରେ ନିଷ୍ପତ୍ତି ହୋଇଛି ।
ତେବେ ଘଟଣାକୁ ନେଇ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଲେ ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ।ସେ ଲେଖିଛନ୍ତିମହାପ୍ରଭୁ ହେଉଛନ୍ତି ଓଡ଼ିଆ ଜାତିର ମୁରବୀ । ଆମ ବିଶ୍ୱାସର କେନ୍ଦ୍ରବିନ୍ଦୁ । ଏହି ପରିପ୍ରେକ୍ଷୀରେ ମୁଁ ଆପଣଙ୍କୁ ଅନୁରୋଧ କରିବାକୁ ଚାହେଁ ଯେ ଆପଣ ନିଜେ ଦାୟିତ୍ଵ ନେଇ ଏଭଳି ଅଘଟଣ ଯେଭଳି ପୁନରାବୃତ୍ତି ନ ଘଟିବ ତାହା ସୁନିଶ୍ଚିତ କରିବେ । ମୋର ବିଶ୍ୱସ ଏ ଦିଗରେ ଆପଣଙ୍କ ଦୃଷ୍ଟାନ୍ତମୂଳକ ପଦକ୍ଷେପ କୋଟି କୋଟି ଭକ୍ତଙ୍କୁ ଆଶ୍ୱସ୍ତ କରିବାରେ ସହାୟକ ହେବ ବୋଲି ଚିଠିରେ ନବୀନ ଲେଖିଛନ୍ତି।
