The survey of the treasure of the temple is over

ଶେଷ ହେଲା ଶ୍ରୀମନ୍ଦିର ରତ୍ନଭଣ୍ଡାର ସର୍ଭେ

by Swayangprajna Mishra

The survey of the treasure of the temple is over

ଅର୍ଗସ ବ୍ୟୁରୋ : ଭାରତୀୟ ପ୍ରତ୍ନତାତ୍ତ୍ବିକ ସର୍ବେକ୍ଷଣ ସଂସ୍ଥା ପକ୍ଷରୁ ରତ୍ନଭଣ୍ଡାରର ନିରୀକ୍ଷଣ ତଥା ବୈଷୟିକ ସର୍ଭେ ଶେଷ ହୋଇଛି । ଆବଶ୍ୟକୀୟ ଅତ୍ଯାଧୁନିକ ବୈଜ୍ଞାନିକ ଉପକରଣ ବ୍ୟବହାର କରାଯାଇ ଏହି ପରୀକ୍ଷଣ ଓ ସର୍ବେକ୍ଷଣ କରାଯାଇଛି । ଦୁଇଦିନ ଧରି ଚାଲିଥିବା ଏହି ସର୍ଭେ ପରେ ଏ.ଏସ.ଆଇର ରିପୋର୍ଟକୁ ଅପେକ୍ଷା କରାଯିବ । ରିପୋର୍ଟ ଆସିବା ପରେ ରାଜ୍ୟ ସରକାରଙ୍କ ନିର୍ଦ୍ଦେଶରେ ପରବର୍ତ୍ତୀ ପଦକ୍ଷେପ ନିଆଯିବ ।

ଅଧିକ ପଢନ୍ତୁ : ରତ୍ନ ଭଣ୍ଡାର ପୂର୍ଣ୍ଣାଙ୍ଗ ମରାମତି ପରେ ହେବ ଗଣତିମଣତି

ଏ.ଏସ.ଆଇର ସର୍ଭେ ପାଇଁ 3 ଦିନ ଲାଗି ସ୍ବତନ୍ତ୍ର ନୀତି ନିର୍ଘଣ୍ଟ ହୋଇଥିଲା ଏବଂ ଦର୍ଶନ କଟକଣା ଥିଲା । ତେବେ ଏ.ଏସ.ଆଇର ସର୍ଭେ ସରିଯାଇଥିବାରୁ ଆଜିଠାରୁ ଆଉ କଟକଣା ରହିବ ନାହିଁ ବୋଲି ମୁଖ୍ୟ ପ୍ରଶାସକ ସୂଚନା ଦେଇଛନ୍ତି।

ପୋଲିସକୁ ହାଣିଥିବା ଅଭିଯୁକ୍ତକୁ ଏନକାଉଣ୍ଟର

by Smruti Parija

ସମ୍ବଲପୁର: ପୋଲିସକୁ ହାଣିଥିବା ଅଭିଯୁକ୍ତକୁ ଏନକାଉଣ୍ଟର। କନଷ୍ଟେବଲଙ୍କ ପାପୁଲି ଛିଡ଼ାଇଥିବା ଅଭିଯୁକ୍ତକୁ ଏନକାଉଣ୍ଟର। କଟାପାଲି ନିକଟ ଜଙ୍ଗଲରେ ଅଭିଯୁକ୍ତ କମଲୁ ପ୍ରଧାନକୁ ଏନକାଉଣ୍ଟର। କମଲୁର ଡାହାଣ ଗୋଡ଼ରେ ଗୁଳି ବାଜିଛି । ବୁର୍ଲା ଜଙ୍ଗଲରେ ଗିରଫ କରିବାକୁ ଯାଇ ସବ ଇନ୍ସପେକ୍ଟର ମଧ୍ୟ ଆହତ ହୋଇଛନ୍ତି ।

ଉଭୟଙ୍କୁ ବୁର୍ଲା ସ୍ଥାନାନ୍ତର କରିଛି ପୋଲିସ । ୪ ତାରିଖ ଝରାପାଲିରେ କନଷ୍ଟେବଲଙ୍କୁ ଆକ୍ରମଣ କରିଥିଲା କମଲୁ। ଦାମ୍ପତ୍ୟ ଝଗଡ଼ାର ସମାଧାନ ପାଇଁ ଯାଇଥିବା ବେଳେ ଆକ୍ରମଣ କରିଥିଲା।ଧାରୁଆ ଅସ୍ତ୍ରରେ ହାଣି କନଷ୍ଟେବଲଙ୍କ ପାପୁଲି ଛିଡ଼ାଇ ଦେଇଥିଲା। ଘଟଣା ପରଠାରୁ ଫେରାର ଥିଲା କମଲୁ, ଖୋଜୁଥିଲା ପୋଲିସ ।

ଫିଲ୍ମ ଷ୍ଟାରଙ୍କ ନାମରେ ହେଉଛି ସ୍କାମ

by Banajyotshna Ray

Orry, Diljit, Alia Most Used Celeb Names By Cyber Scamsters

ଅର୍ଗସ ବ୍ୟୁରୋ: ସେଲିବ୍ରେଟିଙ୍କୁ କରାଯାଉଛି ହ୍ୟାକ। ଗ୍ଲୋବାଇଲ ସାଇବର ସିକ୍ୟୁରିଟି କମ୍ପାନୀ ମାକାଫି ପକ୍ଷରୁ ସେଲିବ୍ରେଟୀ ହ୍ୟାକର ହଟ ଲିଷ୍ଟ ୨୦୨୪ ଜାରି କରାଯାଇଛି । ଏହି ଲିଷ୍ଟରେ ଭାରତରେ ପପୁଲାର ଥିବା ଅନେକ ସେଲିବ୍ରେଟୀଙ୍କ ନାମ ସାମିଲ ରହିଛି । ଚଳିତ ବର୍ଷ ପ୍ରାରମ୍ଭରେ ମାକାଫି ଏକ ସର୍ଭେ ରିଭିଲ୍ କରିଥିଲା । ୮୦ ପ୍ରତିଶତ ଭାରତୀୟ ଗତ ବର୍ଷ ଅପେକ୍ଷା ଏବେ ଡିପଫେକରେ ଅଧିକ ଶିକାର ହେଉଥିବା କୁହାଯାଇଥିଲା । ସେହିପରି କୃତ୍ରିମ ବୁଦ୍ଧିମତା (ଏଆଇ) କାରଣରୁ ଅନଲାଇନ ସ୍କାମକୁ ଚିହ୍ନଟ କରିବା ଏବେ ମୁସ୍କିଲ ହୋଇଯଇଥିବା ୬୪ ପ୍ରତିଶତ ମତ ଦେଇଥିଲେ । ସେହିପରି ଇଣ୍ଟରନେଟରେ ଡିପଫେକ କଣ୍ଟେଣ୍ଟ ଦେଖିଥିବା ନେଇ ୭୫ ପ୍ରତିଶତ ଲୋକ କହିଥିଲେ । ୩୮ ପ୍ରତିଶତ ଲୋକ ଡିପଫେକ ସ୍କାମର ଶିକାର ହୋଇଥିବା କହିଥିବା ବେଳେ ୧୮ ପ୍ରତିଶତ ଏପରି ସ୍କାମର ଶିକାର ହୋଇଥିବା କହିଥିଲେ ।

ମାକାଫି ପକ୍ଷରୁ ଏକ ଲିଷ୍ଟ ଜାରି କରାଯାଇଛି । ଏହି ଲିଷ୍ଟରେ ୧୦ ଜଣ ଭାରତୀୟ ସେଲିବ୍ରେଟୀଙ୍କ ନାମ ରହିଛି । ଏହି ଲିଷ୍ଟରେ ସବଠାରୁ ଟପରେ ରହିଛନ୍ତି ଓରି (ଓରହାନ ଅୱାତ୍ରାମଣି)ଙ୍କ ନାମ ରହିଛି । ଲିଷ୍ଟର ଦ୍ୱିତୀୟ ସ୍ଥାନରେ ରହିଛନ୍ତି ଦିଲଜୀତ ଦୋସାଂଝ । ସେହିପରି ତୃତୀୟ ସ୍ଥାନରେ ଆଲିଆ ଭଟ୍ଟ, ଚତୁର୍ଥରେ ରଣବୀର ସିଂହ, ପଞ୍ଚମରେ ବିରାଟ କୋହଲୀ, ଷଷ୍ଠରେ ସଚିନ ତେନ୍ଦୁଲକର, ସପ୍ତମରେ ଶାହରୁଖ ଖାନ, ଅଷ୍ଟମରେ ଦୀପିକା ପାଦୁକୋନ, ନବମରେ ଅମୀର ଖାନ ଓ ଦଶମରେ ମନ୍ଦ୍ରେ ସିଂହ ଧୋନୀଙ୍କ ନାମ ରହିଛି ।

ଏହି ସେଲିବ୍ରେଟୀଙ୍କ ନାମରେ ସର୍ବାଧିକ ମାତ୍ରାରେ ସ୍କାମ୍ ହେଉଥିବା କୁହାଯାଉଛି । ହ୍ୟାକର୍ସ ଲୋକଙ୍କୁ ନିଜ ଜାଲରେ ଫସାଇବା ପାଇଁ ଏହି ସବୁ ଷ୍ଟାରଙ୍କ ନାମ ବ୍ୟବହାର କରୁଥିବା କୁହାଯାଇଛି । ଏହି ଲିଷ୍ଟରେ ସାମିଲ ଥିବା ସେଲିବ୍ରେଟୀଙ୍କ ନାମରେ ସାଇବର ଅପରାଧୀମାନେ ଲୋକଙ୍କୁ ନିଜର ଟାର୍ଗେଟ କରୁଛନ୍ତି । ଏମାନଙ୍କ ସ୍କାମର୍ସ ଲୋକଙ୍କ ଡାଟା ଚୋରି କରିବା ଠାରୁ ଆରମ୍ଭ କରି ଅର୍ଥ ଲୁଟ୍ କରୁଥିବା ଜଣାପଡ଼ିଛି । । ଏମାନଙ୍କୁ ଯଥାଶୀଘ୍ର ଧରିବାକୁ ଦାବି ହେଉଛି।

ଅଧିକ ପଢ଼ନ୍ତୁ ମନୋରଞ୍ଜନ ଖବର:

ବାଲେଶ୍ୱରରେ ଉଗ୍ର ରୂପ ନେଉଛି ବିଜେଡି କନ୍ଦଳ

by Banajyotshna Ray

The BJD scandal is getting worse in balasore

ଅର୍ଗସ ବ୍ୟୁରୋ: ବାଲେଶ୍ବରରେ ଉଗ୍ର ରୂପ ନେଉଛି ବିଜେଡି କନ୍ଦଳ । ସିମୁଳିଆର ପୂର୍ବତନ ବିଧାୟକ ଜ୍ୟୋତି ପ୍ରକାଶ ପାଣିଗ୍ରାହୀ ଓ ସଦର ପୂର୍ବତନ ବିଧାୟକଙ୍କ ସ୍ବରୂପ ଦାସଙ୍କ ବିରୋଧରେ ଅଷନ୍ତୋସ ଝାଡିଛନ୍ତି ବିଜେଡି ନେତା ଶଶି କୁମାର ସାହୁ । ସାମାଜିକ ଗଣମାଧ୍ୟମରେ ସିମୁଳିଆ ପୂର୍ବତ୍ତନ ବିଧାୟକ ଜ୍ୟୋତି ପାଣିଗ୍ରାହୀ ଓ ସ୍ବରୂପ ଦାସଙ୍କୁ ଖଳ ପ୍ରକୃତିର ଲୋକ ଓ ବିଜୁ ଜନତା ଦଳ ତାଙ୍କ ପରିବାରର ସମ୍ପତି ନୁହଁ ବୋଲି ମଧ୍ୟ ଲେଖିବାକୁ ପଛାଇ ନାହାନ୍ତି ଶଶି । ଗତକାଲି ବିଜେଡି ଜିଲ୍ଲା ସ୍ତରୀୟ ସଦସ୍ୟତା ଅଭିଯାନରେ ବାଲେଶ୍ବର ସିଦ୍ଧି କଲ୍ୟାଣ ମଣ୍ଡପରେ ଏକ ସଭା ଅନୁଷ୍ଠିତ ହୋଇଥିଲା ।

କିନ୍ତୁ ସଭାକୁ ବାଲେଶ୍ବର ବସ୍ତା ବିଧାୟିକା ସୁବାଶିନୀ ଜେନା, ସଦର ବ୍ଲକ ଚୈୟାରମ୍ୟାନ, ଜିଲ୍ଲା ପରିଷଦ ଚୈୟାରମ୍ୟାନ ନାରାୟଣ ପ୍ରଧାନ ଓ ମ୍ୟୁନସିପାଲଟି ଚୈୟାରମ୍ୟାନ ସବିତା ସାହକୁ ଡକା ଯାଇନଥିଲା, ଯାହାକୁ ନେଇ ଆଜି ସାମାଜିକ ଗଣ ମାଧ୍ୟମରେ ବିଜେଡି ନେତା ଶଶି କୁମାର ସାହୁ ଅଷନ୍ତୋଷ ବ୍ୟକ୍ତ କରିବା ସହିତ ଜୌତି ପାଣିଗ୍ରାହୀ ଓ ସ୍ବରୂପ ଦାସଙ୍କ ବିରୋଧରେ ବିଷ ଓଗାଳିଛନ୍ତି।

ଅଧିକ ପଢ଼ନ୍ତୁ ଓଡିଶା ଖବର:

Download Argus News App

The survey of the treasure of the temple is over

Download Mobile App