ଅର୍ଗସ ବ୍ୟୁରୋ: ଲଘୁଚାପ ପ୍ରଭାବରେ ଆସନ୍ତା ୧୫ ତାରିଖରୁ ବଦଳିବ ପାଗ । ବଙ୍ଗୋପସାଗରରେ ସକ୍ରିୟ ରହିଛି ଘୂର୍ଣ୍ଣିବଳୟ । ଲଘୁଚାପ ପଶ୍ଚିମ ଉତ୍ତର-ପଶ୍ଚିମ ଦିଗରେ ଗତି କରିବା ସହ ଅଧିକ ଘନୀଭୂତ ହେବ । ୧୬ ତାରିଖ ବେଳକୁ କେନ୍ଦ୍ରୀୟ ପାର୍ଶ୍ବବର୍ତ୍ତୀ ଦକ୍ଷିଣ ବଙ୍ଗୋପସାଗରରେ ଅବପାତର ରୂପ ନେବା ଆଶଙ୍କା ରହିଛି । ଏହା ପ୍ରଭାବରେ ଆସନ୍ତାକାଲି ଠାରୁ ରାଜ୍ୟରେ ବଦଳିବ ପାଗ।
ଅଧିକ ପଢନ୍ତୁ: ଆସନ୍ତା ୨୪ ଘଣ୍ଟାରେ ଦକ୍ଷିଣ ପୂର୍ବ ବଙ୍ଗୋପସାଗରରେ ସୃଷ୍ଟି ହେବ ଲଘୁଚାପ
ବିଶେଷ ଭାବେ ଦକ୍ଷିଣ ଉପକୂଳରେ ମେଘୁଆ ପାଗ ରହିବ ସହ ହାଲୁକରୁ ମଧ୍ୟମ ଧରଣର ବର୍ଷା ହେବ । ଜଗତସିଂହପୁର, ଭଦ୍ରକ, ଯାଜପୁର, କେନ୍ଦ୍ରାପଡା, ବାଲେଶ୍ଵର, କଟକ, ରାୟଗଡା, ମାଲକାନଗିରି, କୋରାପୁଟରେ ବର୍ଷା ଆଶଙ୍କା ଥିବା ଆକଳନ କରିଛି ପାଣିପାଗ ବିଭାଗ । ପରେ ୧୬ ତାରିଖରୁ ବଢିବ ବର୍ଷାର ପରିମାଣ । ଗଂଜାମ, ଜଗତସିଂହପୁର, କେନ୍ଦ୍ରାପଡା, କଟକ, ଭଦ୍ରକ ଜିଲ୍ଲାରେ ଗୋଟିଏ କିମ୍ବା ଦୁଇଟି ସ୍ଥାନରେ ପ୍ରବଳ ବର୍ଷା ଆଶଙ୍କା ରହିଛି ।
ପାଣିପାଗ ଖବର ଆହୁରି ପଢନ୍ତୁ
ଅର୍ଗସ ବ୍ୟୁରୋ: ବାଂଲାଦେଶରେ ହିନ୍ଦୁଙ୍କ ଉପରେ ହେଉଥିବା ଆକ୍ରମଣକୁ ନେଇ ଭାରତ କଡ଼ା ଆପତ୍ତି ଜଣାଇଛି। ବାଂଲାଦେଶରେ ହିନ୍ଦୁଙ୍କ ସୁରକ୍ଷା ସୁନିଶ୍ଚିତ କରିବା ଲାଗି ଭାରତରସରକାର ବାଂଲାଦେଶକୁ କହିଥିବା ନେଇ ବୈଦେଶିକ ବ୍ୟାପାର ମନ୍ତ୍ରାଣାଳୟର ପ୍ରବକ୍ତା ରଣଧୀର ଜୟସ୍ବାଲ କହିଛନ୍ତି।
ସେ କହିଛନ୍ତି, ବାଂଲାଦେଶରେ ହିନ୍ଦୁଙ୍କ ଉପରେ ଆକ୍ରୋଶମୂଳକ ଆକ୍ରମଣ ହେବା ସହିତ ସେମାନଙ୍କ ସମ୍ପତ୍ତି ଲୁଟ୍ ହେଉଛି। ନିକଟରେ ବାଂଲାଦେଶର ଚଟଗାଓଁରେ ଏପରି ଘଟଣା ଘଟିଥିଲା। ଏହାକୁ ଭାରତ କଡ଼ା ନିନ୍ଦା କରିଛି।
ଅଧିକ ପଢ଼ନ୍ତୁ ବିଦେଶ ଖବର
ଅର୍ଗସ ବ୍ୟୁରୋ: ଆତଙ୍କବାଦ ବିରୋଧରେ ଗୃହମନ୍ତ୍ରୀ ଅମିତ୍ ଶାହାଙ୍କ ବଡ ପଦକ୍ଷେପ। ଆତଙ୍କବାଦ ମୁକାବିଲା ଦିଗରେ ଟେକନୋଲୋଜିର ବ୍ୟବହାରକୁ ନେଇ 'Anti-Terror Conference-2024 ରେ କହିଛନ୍ତି ଶାହା। ଆତଙ୍କବାଦୀଙ୍କ ମୁକାବିଲା କରିବା ପାଇଁ ସୁରକ୍ଷାବଳକୁ ଟେକନୋଲୋଜି ବଳ ଦେବ।
ଆକ୍ରମଣ ପୂର୍ବରୁ ଏହି ଟେକନୋଲୋଜି ଦ୍ବାରା ସେମାନଙ୍କ ପ୍ଳାନକୁ ଜାଣିହେବ । ଯଦି ଆମକୁ ଆତଙ୍କବାଦର ସଠିକ୍ ମୁକାବିଲା କରିବାର ଅଛି ତେବେ ଆମର ଯୁବ ଅଧିକାରୀମାନଙ୍କୁ ସର୍ବୋଚ୍ଚ ପ୍ରଯୁକ୍ତିବିଦ୍ୟା ସହିତ ସଜାଇବାକୁ ପଡିବ ଏବଂ ତାଲିମ ଦିଆଯିବା ଦରକାର ବୋଲି କହିଛନ୍ତି ଅମିତ୍ ଶାହା। ଆତଙ୍କବାଦୀ ଏବଂ ଆତଙ୍କବାଦ ଇକୋସିଷ୍ଟମ୍ ଏଜେନ୍ସିଗୁଡ଼ିକ ସୂଚନା ପ୍ରଦାନ ଠାରୁ ଆରମ୍ଭ କରି କାର୍ଯ୍ୟାନୁଷ୍ଠାନ ଗ୍ରହଣ କରିବେ।
ଅଧିକ ପଢ଼ନ୍ତୁ ଭାରତ ଖବର
ଅର୍ଗସ ବ୍ୟୁରୋ: ବେପରୁଆ ଗାଡ଼ି ଚାଲାଣ କରୁଥିବା ମୋ ବସ ଡ୍ରାଇଭରଙ୍କ ବିରୁଦ୍ଧରେ ହେବ ଦୃଢ଼ କାର୍ଯ୍ୟାନୁଷ୍ଠାନ। ଗାଡ଼ିରେ ଲାଗିବ speed governance. ସହର ଭିତରେ ମୋ ବସର ସ୍ପିଡ଼ ରହିବ 40 କିଲୋମିଟର ଏବଂ ସହର ବାହାରେ ବସର ବେଗ ରହିବ 50 କିଲୋମିଟର । କେବଳ ଲାଇସେନ୍ସ ପ୍ରାପ୍ତ ଡ୍ରାଇଭର ମାନେ ଚଳାଇବେ ମୋ ବସ। ଲାଇସେନ୍ସ ଚେକିଂ ହେବା ସହ ଲାଇସେନ୍ସ ଥିଲେ ଗାଡ଼ିରେ ଚଢିବେ ଡ୍ରାଇଭର। ଡ୍ରାଇଭର ମଦ୍ୟପାନ କରିଛ କି ନାହିଁ ତାହା ମଧ୍ୟ ଚେକ କରାଯିବ। ଟେଷ୍ଟ ହେଇ ଗାଡିରେ ଚଢିବେ ଡ୍ରାଇଭର ଏବଂ ଗାଡ଼ିରୁ ଓହ୍ଲାଇଲା ପରେ ଟେଷ୍ଟ କରାଯିବ। ଏହି ନିୟମକୁ ଖୁବଶୀଘ୍ର କାର୍ଯ୍ୟକାରୀ କରିବା ପାଇଁ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର ନିର୍ଦ୍ଦେଶ ଦେଇଛନ୍ତି।
ସହର ହେଉ ବା ସହର ବାହାରେ ସବୁବେଳେ ଦ୍ରୁତଗତି, ବେପରୁଆ ଚାଳନା ମୋ ବସ ଦୁର୍ଘଟଣାର ମୁଖ୍ୟକାରଣ। ସହଜ, ଶୀଘ୍ର ଓ ସ୍ୱଳ୍ପ ପଇସାରେ ଯାତାୟତ ପାଇଁ ଲୋକେ ମୋ ବସକୁ ଭରଷା କରନ୍ତି। ହେଲେ ଏବେ ମୋ ବସ ପ୍ରତି ଲୋକଙ୍କ ଭରସା ଭାଙ୍ଗି ଭୟ ଆସିଲାଣି। ସବୁଠୁ ଗୁରୁତ୍ୱପୂର୍ଣ କଥା ହେଉଛି ଯେଉଁଠି ଯେତେବେଳେ ମୋ ବସ ଦୁର୍ଘଟଣା ଘଟାଏ ସେତେବେଳେ CRUT (କ୍ରୁଟ ) ପକ୍ଷରୁ କୌଣସି ସାହାଯ୍ୟ ତ ଦୂରର କଥା ଘଟଣା ସ୍ଥଳକୁ ମଧ୍ୟ କୌଣସି ଅଧିକାରୀ ଆସନ୍ତି ନାହିଁ। ଦୁର୍ଘଟଣାର ଶିକାର ହେଉଥିବା ଲୋକ କିଏ ପ୍ରାଣ ହରାଏ ତ କିଏ ଅର୍ଥ ଅଭାବରୁ ଚିକିତ୍ସା ପାଇଁ ସଂଘର୍ଷ କରେ।
ପ୍ରତିଦିନ ଦୁର୍ଘଟଣା ସହ ଯାତ୍ରାରେ ଦୁର୍ବ୍ୟବହାର ଭଳି ଅଭିଯୋଗ ମୋ ବସ ନାଁରେ ଆସେ। ମନ୍ତ୍ରୀ ଦେଇଥିବା ନିର୍ଦ୍ଦେଶ ସଠିକ ଭାବେ କାର୍ଯ୍ୟକାରୀ ହେଲେ ପ୍ରତିଦିନର ଦୁର୍ଘଟଣାକୁ ରୋକିହେବ।
ଅଧିକ ପଢ଼ନ୍ତୁ ଓଡ଼ିଶା ଖବର
