ଅର୍ଗସ ବ୍ୟୁରୋ: ମଧ୍ୟବିତ୍ତଙ୍କ ଲାଗି ବଜେଟ୍‌ରେ ବଡ଼ ଘୋଷଣା କରିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ । ବାର୍ଷିକ ୧୨ ଲକ୍ଷ ପର୍ଯ୍ୟନ୍ତ ଆୟ ଉପରେ ଆୟକର ଛାଡ଼ କରିବାକୁ ଘୋଷଣା କରିଛନ୍ତି ଅର୍ଥମନ୍ତ୍ରୀ । ବଜେଟ୍ ଅଭିଭାଷଣରେ ନିର୍ମଳା କହିଛନ୍ତି, ବାର୍ଷିକ ୧୨ ଲକ୍ଷ ପର୍ଯ୍ୟନ୍ତ ଆୟ ଉପରେ ଟିକସ ଦେବାକୁ ପଡ଼ିବ ନାହିଁ ।

ବାର୍ଷିକ ୧୨.୭୫ ଲକ୍ଷ ବେତନ ପାଉଥିବା ଆୟକରଦାତାଙ୍କ ଲାଗି ଷ୍ଟାଣ୍ଡାର୍ଡ ଡିଡକ୍ସନ୍ ୭୫ ହଜାର ଟଙ୍କା ରଖା ଯାଇଛି । ତେବେ ନ୍ୟୁ-ଟାକ୍ସ ରେଜିମିରେ ଏହି ଲାଭ ମିଳିବ । ନ୍ୟୁ ଟାକ୍ସ ରେଜିମିରେ ୧୨ ଲକ୍ଷ ପର୍ଯ୍ୟନ୍ତ ଆୟରେ କୌଣସି ଆୟକର ଦେବାକୁ ପଡ଼ିବ ନାହିଁ । ବାର୍ଷିକ ଆୟ ୧୨ ଲକ୍ଷରୁ ଅଧିକ ଥିଲେ ଟିକସ ସ୍ଲାବ ହିସାବରେ ଆୟକର ଦାଖଲ କରିବାକୁ ପଡ଼ିବ ।

ଟିକସ ସ୍ଲାବରେ ପରିବର୍ତ୍ତନ

ଆୟ ଲକ୍ଷରେ	ଟିକସ
୦-୪ ଲକ୍ଷ	ଶୂନ
୪-୮ ଲକ୍ଷ	୫ ପ୍ରତିଶତ
୮-୧୨ ଲକ୍ଷ	୧୦ ପ୍ରତିଶତ
୧୨-୧୬ ଲକ୍ଷ	୧୫ ପ୍ରତିଶତ
୧୬-୨୦ ଲକ୍ଷ	୨୦ ପ୍ରତିଶତ
୨୦-୨୪ ଲକ୍ଷ	୨୫ ପ୍ରତିଶତ
୨୪ ଲକ୍ଷରୁ ଅଧିକ	୩୦ ପ୍ରତିଶତ

Argus News | argus news | Odisha Latest News, Breaking News, Trending News, Live TV