Pension Update / ପେନସନଭୋଗୀଙ୍କ ପାଇଁ ଖୁସି ଖବର, ସରକାର କରିପାରନ୍ତି ଏହି ବଡ଼ ଘୋଷଣା

ଅଷ୍ଟମ ବେତନ କମିଶନକୁ ନେଇ ସାରା ଦେଶରେ ଚର୍ଚ୍ଚା ଭିତରେ କେନ୍ଦ୍ର ସରକାରୀ କର୍ମଚାରୀଙ୍କ ପାଇଁ ପେନସନ ଢାଞ୍ଚାରେ ଏକ ବଡ଼ ପରିବର୍ତ୍ତନ ଆସିପାରେ । ଏକ ରିପୋର୍ଟ ଅନୁଯାୟୀ, ବର୍ତ୍ତମାନର ଅବସରକାଳୀନ ବ୍ୟବସ୍ଥା ଅନୁଯାୟୀ ସରକାରୀ କର୍ମଚାରୀମାନଙ୍କୁ ସେମାନଙ୍କର ପେନସନ ବିକଳ୍ପ ବାଛିବାରେ ଅଧିକ ସୁବିଧା ଦେବା ଓ ପ୍ରକ୍ରିୟାକୁ ସହଜ କରିବା ପାଇଁ ଆଲୋଚନା ଚାଲିଛି ।

କେନ୍ଦ୍ରୀୟ ସରକାରୀ କର୍ମଚାରୀ ସଂଘର ଜଣେ ସଦସ୍ୟ କହିଛନ୍ତି ଯେ ଯଦି ଆଲୋଚନା ସକାରାତ୍ମକ ଭାବରେ ଜାରି ରହେ, ତେବେ ଆଗାମୀ ଦୁଇରୁ ୪ ମାସ ମଧ୍ୟରେ ପ୍ରସ୍ତାବ ଉପରେ ପରବର୍ତ୍ତୀ ପଦକ୍ଷେପ ନିଆଯାଇପାରିବ । ତଥାପି, ଏପର୍ଯ୍ୟନ୍ତ କୌଣସି ସରକାରୀ ବିଜ୍ଞପ୍ତି ଜାରି କରାଯାଇ ନାହିଁ ।

• ନିଜ ପସନ୍ଦର ପେନସନ ଚୟନ କରିପାରିବେ

କର୍ମଚାରୀମାନେ ଅବସର ଲାଭ ସମ୍ପର୍କରେ ଅଧିକ ସ୍ପଷ୍ଟତା ଏବଂ ସୁରକ୍ଷା ଚାହାଁନ୍ତି । ଏଣୁ ପେନସନରେ କର୍ମଚାରୀଙ୍କ ପେନସନ ବାଛିବାର ବିକଳ୍ପ ଉପରେ ଗୁରୁତ୍ଵ ଦିଆଯାଇ ଏକ ସକରାତ୍ମକ ଆଲୋଚନା ହୋଇଛି । ଯଦି ଆଲୋଚନା ସଫଳତାର ସହ ଆଗକୁ ବଢ଼େ ଏବଂ ପ୍ରସ୍ତାବ ଗୃହୀତ ହୁଏ, ତେବେ ଖୁବଶୀଘ୍ର କର୍ମଚାରୀମାନେ ସେମାନଙ୍କ ପସନ୍ଦର ପେନସନ ବାଛିପାରିବେ । ଏହି ନିଷ୍ପତ୍ତି ଖୁବଶୀଘ୍ର ଆସିପାରେ, କାରଣ ଚଳିତ ଅଷ୍ଟମ ବେତନ କମିଶନ ପରାମର୍ଶ ସମୟରେ NPS କର୍ମଚାରୀମାନଙ୍କ ମଧ୍ୟରେ ପେନସନ ସମ୍ବନ୍ଧୀୟ ଚିନ୍ତା ସବୁଠାରୁ ବଡ଼ ସମସ୍ୟା ଭାବରେ ଉଭା ହୋଇଛି । ଏହି କର୍ମଚାରୀମାନଙ୍କ ମଧ୍ୟରୁ ଅଧିକାଂଶ କମିଶନ ପୁରୁଣା ପେନସନ ପୁନଃସ୍ଥାପନ କରିବାକୁ ଦାବି କରୁଛନ୍ତି ।

• ଏବେ NPS ମାଧ୍ୟମରେ ମିଳୁଛି ପେନସନ

୨୦୦୪ ମସିହା ଜାନୁଆରୀ ୧ ତାରିଖ ପରେ ନିଯୁକ୍ତି ପାଇଥିବା ଅଧିକାଂଶ କେନ୍ଦ୍ର ସରକାରୀ କର୍ମଚାରୀ ଜାତୀୟ ପେନସନ ବ୍ୟବସ୍ଥା (NPS) ଅଧୀନରେ ପେନସନ ପାଉଛନ୍ତି, ଯାହାକି ବଜାର କାର୍ଯ୍ୟଦକ୍ଷତା ଉପରେ ଆଧାରିତ ରିଟର୍ଣ୍ଣ ପ୍ରଦାନ କରେ । NPS ଅଧୀନରେ କର୍ମଚାରୀମାନେ ସେମାନଙ୍କ ଦରମାର ଏକ ଅଂଶ ସେମାନଙ୍କର ପେନସନ ପାଇଁ ଯୋଗଦାନ କରନ୍ତି, ଯେତେବେଳେ ସରକାର ମଧ୍ୟ ପୃଥକ ଭାବରେ ଯୋଗଦାନ କରନ୍ତି । ଏହା ପରେ ଆପଣ କେତେ ପେନସନ ପାଇବେ ତାହା ବଜାର ରିଟର୍ଣ୍ଣ ଏବଂ ସଂଗୃହିତ ପାଣ୍ଠି ଉପରେ ନିର୍ଭର କରେ । ଯଦି ଆମେ ପୁରୁଣା ପେନସନ ଯୋଜନା (OPS) କଥା କହିବା, ତେବେ ଏହା କର୍ମଚାରୀଙ୍କ ଅବସର ନେବା ପୂର୍ବରୁ ଶେଷ ଦରମା ଏବଂ ମହଙ୍ଗା ଭତ୍ତା (DA) ସହିତ ସଂଯୁକ୍ତ ଏକ ଗ୍ୟାରେଣ୍ଟି ପେନସନ ପ୍ରଦାନ କରାଯାଉଥିଲା ।

• UPS ବିକଳ୍ପ କଣ ?

ନିକଟରେ ସରକାର ଏକୀକୃତ ପେନସନ୍ ଯୋଜନା (UPS) ଆରମ୍ଭ କରିଛନ୍ତି, ଯାହାକି ପେନସନଭୋଗୀମାନଙ୍କୁ କିଛି ପେନସନ୍ ସୁରକ୍ଷା ପ୍ରଦାନ କରେ । ଏହି ଯୋଜନା ଅନୁଯାୟୀ ପେନସନଭୋଗୀମାନେ ନିଶ୍ଚିତ ପେନସନ ଲାଭ ପାଆନ୍ତି, ଯାହା ଅନୁଯାୟୀ ଜଣେ କର୍ମଚାରୀ ଲଗାତାର ୨୫ ବର୍ଷ ଚାକିରି କରିବା ପରେ, ଶେଷ ଦରମାର ଅଧା (୫୦%) ପେନସନ୍ ଭାବରେ ପାଆନ୍ତି । ସର୍ବନିମ୍ନ ୧୦ ବର୍ଷ ସେବା ପରେ କର୍ମଚାରୀ ଜଣକ ଅବସର ନେଲେ, ପ୍ରତି ମାସରେ ₹୧୦,୦୦୦ ପେନସସନ୍ ସ୍ଥିର କରାଯାଇଛି ।

ପଢନ୍ତୁ ଏହି ଖବର: ୨୦୨୭ରେ ଲାଗୁ ହେବ ଅଷ୍ଟମ ବେତନ; କେତେ ବଢିବ ଆପଣଙ୍କ ଦରମା ?

ସେହିପରି ପେନସନ ପାଉଥିବା କର୍ମଚାରୀଙ୍କ ମୃତ୍ୟୁ ପରେ, ସେମାନଙ୍କ ପରିବାରକୁ ପେନସନର ୬୦% ପ୍ରଦାନ କରାଯିବ । ଏହି ପେନସନ ଯୋଜନାରେ କେନ୍ଦ୍ର ସରକାରୀ କର୍ମଚାରୀଙ୍କ ପରି ମହଙ୍ଗା ଭତ୍ତା ମଧ୍ୟ ଏଥିରେ ଯୋଡାଯାଏ, ଯାହା ମୁଦ୍ରାସ୍ଫୀତିର ପ୍ରଭାବକୁ ହ୍ରାସ କରେ । ଏଥିଲାଗି ଚାକିରି କରିବା ସମୟରେ କର୍ମଚାରୀଙ୍କୁ ସେମାନଙ୍କ ଦରମାର ୧୦% ଯୋଗଦାନ କରିବାକୁ ପଡ଼ିବ, ଯେତେବେଳେ ସରକାର ୧୮.୫% ଯୋଗଦାନ କରିବେ । ଏବେ ଏହି ସବୁ ପେନସନ ଯୋଜନା ଉପରେ ଆଲୋଚନା କରାଯାଉଛି, ଯାହାକୁ ପେନସନଭୋଗୀଙ୍କୁ ବାଛିବାକୁ ଅନୁମତି ଦିଆଯିବ ।