ନୂଆଦିଲ୍ଲୀ: ଭାରତରେ ସୁନାର ଚାହିଦା କମିଥିଲା, ଫଳରେ ଦର ଖସିଥିଲା । କିନ୍ତୁ ଏବେ ସୁନା-ରୁପା ଦରରେ ଅଭିବୃଦ୍ଧି ଦେଖିବାକୁ ମିଳୁଛି । ତେବେ, କାହିଁକି ଅସ୍ଥିର ହେଉଛି ଏହି ଦୁଇ ଧାତୁର ଦର ?

ରିପୋର୍ଟ ଅନୁସାରେ, ଚୀନ ଅଧିକ ସୁନା କିଣିବା ଆରମ୍ଭ କରି ଦେଇଛି । ଶୁକ୍ରବାର ସୁନା ଦର ୨ ହଜାର ଟଙ୍କା ବୃଦ୍ଧି ପାଇ ୧୦ ଗ୍ରାମ ପିଛା ୧ ଲକ୍ଷ ୪୭ ହଜାର ୭୭୩ ଟଙ୍କାରେ ପହଞ୍ଚିଛି । ବିଗତ କିଛିଦିନ ମଧ୍ୟରେ ସୁନା ଦର ୭ ହଜାର ଟଙ୍କା ପର୍ଯ୍ୟନ୍ତ ବୃଦ୍ଧି ପାଇଛି । ମଙ୍ଗଳବାର ୧୦ ଗ୍ରାମ ପ୍ରତି ସୁନା ଦର ୧ ଲକ୍ଷ ୪୦ ହଜାର ଟଙ୍କା ପହଞ୍ଚିଥିଲା ।

ଏଥିସହ ପଢ଼ନ୍ତୁ: ପୁଣି ଝଟକାରେ ଖସିଲା ସୁନା, ରୁପା ମୂଲ୍ୟ …ଜାଣନ୍ତୁ ୨୨ କ୍ୟାରେଟ ସୁନାର ଦର କେତେ?

ଅନ୍ତର୍ଜାତୀୟ ବଜାରରେ ସ୍ଥିତି କ'ଣ ?

ଅନ୍ତର୍ଜାତୀୟ ମାର୍କେଟରେ ବିଗତ ୫ ସପ୍ତାହ ହେଲା ସୁନା ଦର ବୃଦ୍ଧି ପାଇ ଚାଲିଛି । ନଗଦ ବଜାରରେ ସୁନା ଦର ପ୍ରତି ଆନ୍ସ ୪, ୧୮୪.୭୫ ଡଲାର୍ ରହିଛି । ସେହିଭଳି ଅଗଷ୍ଟରେ ଯୋଗାଣ ହେବାକୁ ଥିବା ସୁନା ଦର ପ୍ରତି ଆନ୍ସ ୪, ୧୯୭.୨୦ ଡଲାର୍ ରହିଛି ।

ସପ୍ତାହକରେ ବଢ଼ିଲାଣି ୭ ହଜାର

ବିଶ୍ଵ ବଜାର ଓ କମୋଡିଟି ମାର୍କେଟ୍ ଭଳି ସୁନା-ରୁପା ଦାମ ବୁଲିୟନ୍ ମାର୍କରେ ବୃଦ୍ଧି ପାଇବାରେ ଲାଗିଛି । ପ୍ରାୟ ସପ୍ତାହକ ମଧ୍ୟରେ ସୁନା ଦର ୭ ହଜାର ଓ ରୁପା ଦାମ ୧୬ ହଜାର ଟଙ୍କା ପର୍ଯ୍ୟନ୍ତ ବୃଦ୍ଧି ପାଇଛି ।

କାହିଁକି ବଢ଼ୁଛି ସୁନା ଦାମ ?

ଆମେରିକାରେ ଚାକିରି ଆଶା ମଉଳୁଛି । ଫଳରେ ଫେଡରାଲ୍ ରିଜର୍ଭ ବ୍ୟାଙ୍କ ନିକଟ ଭବିଷ୍ୟତରେ ସୁଧ ହାର ବୃଦ୍ଧି କରିବା ଆଶଙ୍କା କମ୍ ହୋଇଛି । ଯାହା ସୁନାକୁ ସୁହାଉଛି । ଆମେରିକାର ଲେବର୍ ଡିପାର୍ଟମେଣ୍ଟର ବ୍ୟୁରୋ ଅଫ୍ ଲେବର୍ ଷ୍ଟାଟିଷ୍ଟିକ୍ସ ଅନୁସାରେ, ଜୁନ୍‌ରେ ଅଣ-କୃଷି ପେରୋଲ୍‌ରେ ୫୭ ହଜାର ନିଯୁକ୍ତି ବଢ଼ିଛି ।

ଚୀନର ସୁନା ଚାହିଦା

ଚଳିପ୍ତ ସପ୍ତାହରେ ଚୀନରେ ସୁନା ଅନ୍ତର୍ଜାତୀୟ ଦର ସହ କେବେ ସମାନ ତ ଆଉ କେବେ ପ୍ରତି ଆନ୍ସ ୨ ଡଲାର ଶସ୍ତାରେ ବିକ୍ରି ହେଉଥିଲା । ଏପରିକି ଗତ ସପ୍ତାହରେ ପ୍ରତି ଆନ୍ସ ୩ରୁ ୭ ଡଲାର୍ ଡିସକାଉଣ୍ଟରେ ବିକ୍ରି ହେଉଥିଲା । ଯାହା ସୂଚାଉଛି ପୂର୍ବ ତୁଳନାରେ ଚୀନ ସୁନା କିଣିବା ପାଇଁ ଅଧିକ ସକ୍ରିୟ ହୋଇଛି ।

ଏଥିସହ ପଢ଼ନ୍ତୁ: ୩୧ ଲକ୍ଷ EPF ଆକାଉଣ୍ଟରେ ପଡ଼ିଛି ୯, ୩୦୦ କୋଟି; ନାହାନ୍ତି ଦାବିଦାର 

କ'ଣ କରିବେ ନିବେଶକ ?

କମୋଡିଟି ବଜାର ବିଶେଷଜ୍ଞଙ୍କ ଅନୁସାରେ, ଯଦି ଆପଣ ସୁନାରେ ନିବେଶ କରିବାକୁ ଚାହୁଁଛନ୍ତି । ତାହେଲେ ଦର ଖସିବା ବେଳେ ସ୍ଵଳ୍ପ ନିବେଶ ସୁନା ଓ ରୁପାରେ କରନ୍ତୁ । ହଠାତ୍ ଦର ବୃଦ୍ଧି ଦେଖି ବିପୁଳ ପରିମାଣରେ କିଣନ୍ତୁ ନାହିଁ । ଦୀର୍ଘମିଆଦୀ ସୂତ୍ରରେ ସୁନା-ରୁପା ETFରେ SIP ଜରିଆରେ ଛୋଟ ନିବେଶ ଭଲ ବିକଳ୍ପ ହୋଇପାରେ ।