ସୁନା ଓ ରୁପା ଦରକୁ ନେଇ ପୁଣିଥରେ ବଜାରରେ ଚର୍ଚ୍ଚା ଜୋର ଧରିଛି । ଯଦି ଆପଣ ସୁନା କିମ୍ବା ରୁପା ଅଳଙ୍କାର କିଣିବାକୁ ଯୋଜନା କରୁଛନ୍ତି, ତେବେ ଏହି ଖବର ଆପଣଙ୍କ ପାଇଁ ଖୁବ ଜରୁରୀ । କାରଣ ଗତ କିଛି ଦିନ ଧରି ସୁନା-ରୁପା ଦରରେ ଲଗାତର ପରିବର୍ତ୍ତନ ଦେଖିବାକୁ ମିଳୁଛି । MCX ରୁ ଘରୋଇ ବଜାର ପର୍ଯ୍ୟନ୍ତ ସୁନା ଏବଂ ରୁପା ମୂଲ୍ୟରେ ପରିବର୍ତ୍ତନ ରେକର୍ଡ କରାଯାଇଛି । ମଲ୍ଟି କମୋଡିଟି ଏକ୍ସଚେଞ୍ଜରେ(MCX), ଜୁନ୍ ୫ ତାରିଖର ଏକ୍ସପାରୀ ହେଉଥିବା ୨୪ କ୍ୟାରେଟ ସୁନା ଦର ପ୍ରତି ୧୦ ଗ୍ରାମ ପିଛା ପ୍ରାୟ ୧.୫୮ ଲକ୍ଷ ଟଙ୍କାରେ ବିକ୍ରି ହେଉଛି । ଗତ ସପ୍ତାହ ସହ ତୁଳନା କଲେ ସୁନା ଦର ପ୍ରାୟ ସ୍ଥିର ରହିଛି ।

ସେହିପରି ୧ କିଲୋଗ୍ରାମ ରୁପା ୨.୭୧ ଲକ୍ଷରେ କାରବାର କରୁଛି । ଅର୍ଥାତ ରୁପା ଏହାର ସର୍ବୋଚ୍ଚ ମୂଲ୍ୟ ଅପେକ୍ଷା ୧.୮୫ ଲକ୍ଷ ଶସ୍ତାରେ ଉପଲବ୍ଧ ହେଉଛି । ତେବେ ଆସନ୍ତୁ ଜାଣିବା ୨୦, ୨୨ ଏବଂ ୨୪-କ୍ୟାରେଟ୍ ସୁନାର ବର୍ତ୍ତମାନର ମୂଲ୍ୟ...

ଯଦି ଆମେ MCX ରେ ସୁନାର ସାପ୍ତାହିକ ମୂଲ୍ୟ ପରିବର୍ତ୍ତନ ଉପରେ ନଜର ପକାଇବା, ତେବେ ଏହା ସ୍ଥିର ରହିଛି । ପ୍ରକୃତରେ, ଗତ ସପ୍ତାହର ଶୁକ୍ରବାରରେ, ସୁନା ଫ୍ୟୁଚର୍ସ ପ୍ରତି ୧୦ ଗ୍ରାମ ପିଛା ୧,୫୮,୫୪୭ରେ କାରବାର କରୁଥିଲା, ଯାହା ଅନେକ ପରିବର୍ତ୍ତନ ପରେ ଏହି ଶୁକ୍ରବାର ୧,୫୮,୫୮୮ରେ ବନ୍ଦ ହୋଇଛି । ଏପଟେ ଘରୋଇ ବଜାରରେ ମଧ୍ୟ ସୁନା ଦରରେ ସାମାନ୍ୟ ହ୍ରାସ ଦେଖିବାକୁ ମିଳିଛି । IBJA ଅନୁସାରେ ୨୪ କ୍ୟାରେଟ୍‌ ସୁନାର ଦର ୧ ଲକ୍ଷ ୫୮ ହଜାର ୨୧୦ ଟଙ୍କାରୁ କମି ୧ ଲକ୍ଷ ୫୮ ହଜାର ୧୧୭ ଟଙ୍କାରେ ପହଞ୍ଚିଛି ।

ଯଦି ରୁପା କଥା କହିବା ତାହାଲେ, ମଲ୍ଟି କମୋଡିଟି ଏକ୍ସଚେଞ୍ଜରେ ୩ ଜୁଲାଇ ଏକ୍ସପାରୀ ଥିବା ରୁପାର ମୂଲ୍ୟ ଏହି ଶୁକ୍ରବାର ୨ ଲକ୍ଷ ୭୧ ହଜାର ୬୦୦ ଟଙ୍କାରେ ବନ୍ଦ ହୋଇଛି । ଘରୋଇ ବଜାରରେ ମଧ୍ୟ ରୁପା ଦରରେ ପ୍ରାୟ ୨ ହଜାର ୫୦୦ ଟଙ୍କା ହ୍ରାସ ହୋଇଛି ।

ସବୁଠାରୁ ବଡ଼ କଥା ହେଲା, ସୁନା ଓ ରୁପା ଏବେ ମଧ୍ୟ ନିଜର ରେକର୍ଡ ହାଇ ଲେଭେଲ୍‌ ଠାରୁ ବହୁତ ଶସ୍ତାରେ ମିଳୁଛି । ସୁନା ପ୍ରାୟ ୪୪ ହଜାର ଟଙ୍କା ଶସ୍ତା ଥିବାବେଳେ, ରୁପା ନିଜର ଲାଇଫଟାଇମ୍‌ ହାଇ ଠାରୁ ପ୍ରାୟ ୧ ଲକ୍ଷ ୮୫ ହଜାର ଟଙ୍କା କମ୍‌ ଦରରେ ମିଳୁଛି ।