Bank Closed October 2026 / ଗାନ୍ଧୀ ଜୟନ୍ତୀଠୁ ଦଶହରା... ଅକ୍ଟୋବରରେ ୧୫ ଦିନ ବ୍ୟାଙ୍କ ବନ୍ଦ ରହିବ, ଦେଖନ୍ତୁ ସମ୍ପୂର୍ଣ୍ଣ ତାଲିକା

ନୂଆଦିଲ୍ଲୀ: ଦେଶରେ ପାର୍ବଣ ଋତୁ ଆରମ୍ଭ ହୋଇଯାଇଛି । ଅକ୍ଟୋବର ମାସରେ ଦଶହରା, ଛଠ ପୂଜା ଏବଂ ଦୁର୍ଗା ପୂଜା ଭଳି ପ୍ରମୁଖ ପର୍ବ ପାଳନ ହୁଏ । ଗାନ୍ଧୀ ଜୟନ୍ତୀ ପାଇଁ ଅକ୍ଟୋବର ୨ ତାରିଖରେ ସାରା ଦେଶରେ ବ୍ୟାଙ୍କଗୁଡ଼ିକ ବନ୍ଦ ରହିବ । ଏହି ମାସରେ ଅନେକ ରାଜ୍ୟରେ ଅନେକ ବ୍ୟାଙ୍କ ଛୁଟି ରହିଛି । ମୋଟାମୋଟି କହିବାକୁ ଗଲେ ବିଭିନ୍ନ ରାଜ୍ୟରେ ବ୍ୟାଙ୍କଗୁଡ଼ିକ ୧୫ ଦିନ ପାଇଁ ବନ୍ଦ ରହିବ । ଭାରତୀୟ ରିଜର୍ଭ ବ୍ୟାଙ୍କ (RBI) ଅକ୍ଟୋବର ୨୦୨୬ ପାଇଁ ଛୁଟି ତାଲିକା ପ୍ରକାଶ କରିଛି ।

ଅକ୍ଟୋବରରେ ମହାତ୍ମା ଗାନ୍ଧୀ ଜୟନ୍ତୀ, ମହାଳୟା ଅମାବାସ୍ୟା, ମହାସପ୍ତମୀ, ଦଶହରା (ମହା ଅଷ୍ଟମୀ)/ମହାନ ନବମୀ/ଆୟୁଧ ପୂଜା/ଦୁର୍ଗା ପୂଜା/ବିଜୟାଦଶମୀ/ଦୁର୍ଗା ଅଷ୍ଟମୀ, ଦଶହରା (ବିଜୟାଦଶମୀ), ମହା ନବମୀ, ଆୟୁଧ ପୂଜା/ଦୁର୍ଗା ପୂଜା, ବିଜୟାଦଶମୀ/ଦୁର୍ଗା ପୂଜା, ଲକ୍ଷ୍ମୀ ପୂଜା, କରବା ଚୌଥ ଏବଂ ସର୍ଦ୍ଦାର ବଲ୍ଲଭଭାଇ ପଟେଲ ଜୟନ୍ତୀ ପାଇଁ ବ୍ୟାଙ୍କଗୁଡ଼ିକ ବନ୍ଦ ରହିବ ।

• ଅନଲାଇନ୍ ବ୍ୟାଙ୍କିଂ ଜାରି ରହିବ

ଭାରତରେ ସମସ୍ତ ବ୍ୟାଙ୍କ ଦ୍ୱିତୀୟ ଏବଂ ଚତୁର୍ଥ ଶନିବାର ବନ୍ଦ ରହିଥାଏ । ବ୍ୟାଙ୍କ କର୍ମଚାରୀମାନେ ଦୀର୍ଘ ଦିନ ଧରି ପାଞ୍ଚ ଦିନିଆ ସପ୍ତାହ ଦାବି କରିଆସୁଛନ୍ତି । ଏହି ପ୍ରସଙ୍ଗରେ ଏକ ପ୍ରମୁଖ ବ୍ୟାଙ୍କ କର୍ମଚାରୀ ସଂଘ ଅକ୍ଟୋବର ୨୮ରୁ ୩୦ ତାରିଖ ପର୍ଯ୍ୟନ୍ତ ଧର୍ମଘଟ ଡାକରା ଦେଇଥିଲା , କିନ୍ତୁ ଶେଷ ମୁହୂର୍ତ୍ତରେ ଏହାକୁ ସ୍ଥଗିତ ରଖାଯାଇଥିଲା । ଗ୍ରାହକମାନେ ଅନଲାଇନ୍ ବ୍ୟାଙ୍କିଂ, ସ୍ମାର୍ଟଫୋନ୍ ଆପ୍ସ ଏବଂ UPI-ଆଧାରିତ ପେମେଣ୍ଟ ପରି ବ୍ୟାଙ୍କ କାମଗୁଡ଼ିକୁ ନିଜ ଘରେ ବସି କରିପାରିବେ । ଛୁଟିଦିନରେ ମଧ୍ୟ ଟଙ୍କା ନେଣଦେଣ, ବିଲ୍ ପେମେଣ୍ଟ ଏବଂ ଆକାଉଣ୍ଟ ପରିଚାଳନା ତୁରନ୍ତ କରାଯାଇପାରିବ । ତଥାପି କିଛି କାର୍ଯ୍ୟ ପାଇଁ ଶାଖା ପରିଦର୍ଶନ କରିବାକୁ ପଡ଼ିପାରେ । ଏହା ପୂର୍ବରୁ ଏହି ତାଲିକା ଯାଞ୍ଚ କରନ୍ତୁ।

• ବ୍ୟାଙ୍କ ଛୁଟିର ପୂରା ତାଲିକା

୨ ଅକ୍ଟୋବର, ୨୦୨୬: ମହାତ୍ମା ଗାନ୍ଧୀ ଜୟନ୍ତୀ ଯୋଗୁଁ ବ୍ୟାଙ୍କଗୁଡ଼ିକ ବନ୍ଦ ରହିବ । ଏହା ଏକ ନ୍ୟାସନାଲ୍ ହଲିଡେ' ହୋଇଥିବାରୁ ଭାରତର ସମସ୍ତ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳରେ ବ୍ୟାଙ୍କଗୁଡ଼ିକ ବନ୍ଦ ରହିବ ।
୪ ଅକ୍ଟୋବର, ୨୦୨୬: ରବିବାର ହୋଇଥିବାରୁ ସାରା ଦେଶରେ ବ୍ୟାଙ୍କଗୁଡ଼ିକ ବନ୍ଦ ରହିବ ।
୧୦ ଅକ୍ଟୋବର, ୨୦୨୬: ମାସର ଦ୍ୱିତୀୟ ଶନିବାର ହୋଇଥିବାରୁ ସାରା ଦେଶରେ ବ୍ୟାଙ୍କଗୁଡ଼ିକ ବନ୍ଦ ରହିବ।
୧୭ ଅକ୍ଟୋବର, ୨୦୨୬: ମହାସପ୍ତମୀ ପର୍ବ ପାଳନ ପାଇଁ ତ୍ରିପୁରାରେ ବ୍ୟାଙ୍କଗୁଡ଼ିକ ବନ୍ଦ ରହିବ ।
୧୮ ଅକ୍ଟୋବର, ୨୦୨୬: ରବିବାର ହୋଇଥିବାରୁ ସାରା ଦେଶରେ ବ୍ୟାଙ୍କଗୁଡ଼ିକ ବନ୍ଦ ରହିବ ।
୧୯ ଅକ୍ଟୋବର, ୨୦୨୬: ତ୍ରିପୁରା, ମିଜୋରାମ, ଓଡ଼ିଶା, ତାମିଲନାଡୁ, ଆସାମ, ମଣିପୁର, ଅରୁଣାଚଳ ପ୍ରଦେଶ, ନାଗାଲାଣ୍ଡ, ପଶ୍ଚିମବଙ୍ଗ, ବିହାର, ଝାଡଖଣ୍ଡ ଏବଂ ମେଘାଳୟରେ ଦଶହରା (ମହାଷ୍ଟମୀ) / ମହା ନବମୀ / ଆୟୁଥ ପୂଜା / ଦୁର୍ଗା ପୂଜା/ ବିଜୟାଦଶମୀ/ଦୁର୍ଗାଷ୍ଟମୀ ପାଇଁ ବ୍ୟାଙ୍କ ବନ୍ଦ ରହିବ ।

ପଢନ୍ତୁ ଏହି ଖବର: ଅକ୍ଟୋବର ସୁଦ୍ଧା ମିଳିବ ୫ ମାସର ବକେୟା ଭତ୍ତା; କାହାକୁ କେତେ ମିଳିବ?

୨୦ ଅକ୍ଟୋବର , ୨୦୨୬: ମଣିପୁର ଏବଂ ସିକ୍କିମ ବ୍ୟତୀତ ସମସ୍ତ ରାଜ୍ୟରେ ଦଶହରା / ମହା ନବମୀ, ଆୟୁଧ ପୂଜା / ଦୁର୍ଗା ପୂଜା ପାଳନ କରିବାକୁ ବ୍ୟାଙ୍କ ବନ୍ଦ ରହିବ ।
୨୧ ଅକ୍ଟୋବର, ୨୦୨୬: ବିଜୟାଦଶମୀ / ଦୁର୍ଗା ପୂଜା ପାଳନ କରିବା ପାଇଁ ତ୍ରିପୁରା, କର୍ଣ୍ଣାଟକ, ସିକ୍କିମ୍, ଆସାମ, କେରଳ ଏବଂ ପଶ୍ଚିମବଙ୍ଗରେ ବ୍ୟାଙ୍କ ବନ୍ଦ ରହିବ ।
୨୨ ଅକ୍ଟୋବର, ୨୦୨୬: ସିକ୍କିମରେ ଦୁର୍ଗା ପୂଜା ପାଳନ କରିବା ପାଇଁ ବ୍ୟାଙ୍କଗୁଡିକ ଏହି ଦିନ ବନ୍ଦ ରହିବ।
୨୩ ଅକ୍ଟୋବର, ୨୦୨୬: ସିକ୍କିମରେ ଦୁର୍ଗା ପୂଜା ପାଳନ ପାଇଁ ୨୩ ଅକ୍ଟୋବର, ୨୦୨୬ରେ ବ୍ୟାଙ୍କଗୁଡ଼ିକ ବନ୍ଦ ରହିବ।
୨୪ ଅକ୍ଟୋବର, ୨୦୨୬ : ମାସର ଚତୁର୍ଥ ଶନିବାର ହୋଇଥିବାରୁ ସାରା ଦେଶରେ ବ୍ୟାଙ୍କଗୁଡ଼ିକ ବନ୍ଦ ରହିବ।
୨୫ ଅକ୍ଟୋବର, ୨୦୨୬: ରବିବାର ହୋଇଥିବାରୁ ସାରା ଦେଶରେ ବ୍ୟାଙ୍କଗୁଡ଼ିକ ବନ୍ଦ ରହିବ।
୨୬ ଅକ୍ଟୋବର, ୨୦୨୬: ତ୍ରିପୁରା, ଚଣ୍ଡିଗଡ଼, ଜମ୍ମୁ ଏବଂ ଶ୍ରୀନଗର ଏବଂ ହିମାଚଳ ପ୍ରଦେଶରେ ଲକ୍ଷ୍ମୀ ପୂଜା/ଆକ୍ସନ ଡେ'/ମହର୍ଷି ବାଲ୍ମୀକି ଜୟନ୍ତୀ ପାଳନ ପାଇଁ ବ୍ୟାଙ୍କଗୁଡ଼ିକ ବନ୍ଦ ରହିବ ।
୨୯ ଅକ୍ଟୋବର, ୨୦୨୬: ହିମାଚଳ ପ୍ରଦେଶରେ କରୱା ଚୌଥ ପାଳନ ପାଇଁ ବ୍ୟାଙ୍କଗୁଡ଼ିକ ବନ୍ଦ ରହିବ।
୩୧ ଅକ୍ଟୋବର, ୨୦୨୬: ଗୁଜୁରାଟରେ ସର୍ଦ୍ଦାର ବଲ୍ଲଭଭାଇ ପଟେଲଙ୍କ ଜୟନ୍ତୀ ଅବସରରେ ରାଜ୍ୟରେ ସମସ୍ତ ବ୍ୟାଙ୍କ ବନ୍ଦ ରହିବ ।