Shocking / ମାଛ ନେବା ବାହାନାରେ ଘରେ ପଶିଲେ, ଲକ୍ଷାଧିକ ଟଙ୍କା ସହ ସହ ନେଇଗଲେ ସୁନା ଗହଣା

ଭଦ୍ରକ: ରାତି ୯ଟାରେ ଆସିଲେ । କାଲି ହୋଟେଲ୍ ପ୍ରତିଷ୍ଠା ହେବ କହି ଆକ୍ଵାରିୟମ୍ ମାଛ ନେବେ କହିଲେ । ଗୋଲ୍ଡଫିଶ୍ ନେବାର ବାହାନା କରି ଘର ଭିତରେ ପଶିଲେ । ବନ୍ଧୁକ ଦେଖାଇ ପରିବାର ଲୋକଙ୍କୁ ଗୋଟିଏ କୋଠରୀରେ ବନ୍ଦ କରି ଘରେ କଳାକନା ବୁଲାଇ ଦେଲେ । ଭଦ୍ରକ ଗ୍ରାମାଞ୍ଚଳ ଥାନା ଜଗଦଳପୁର ପଞ୍ଚାୟତ ଜୁରାଗଡ଼ିଆ ଗାଁରେ ବନ୍ଧୁକ ମୁନରେ ଡକାୟତି ହୋଇଛି ।

ସୂଚନା ଅନୁସାରେ, ଜୁରାଗଡ଼ିଆ ଗାଁର ନିରଞ୍ଜନ ଶତପଥୀ ଆକ୍ଵାରିୟମ୍ ମାଛ ବ୍ୟବସାୟ କରିଥାନ୍ତି । ଘର ନିକଟରେ ନିରଞ୍ଜନଙ୍କ ଆକ୍ଵାରିୟମ୍ ମାଛ ଫାର୍ମ ମଧ୍ୟ ରହିଛି । ସୋମବାର ରାତି ୯ଟାରେ ଜୁରାଗଡ଼ିଆ ଗାଁର ନିରଞ୍ଜନ ଶତପଥୀଙ୍କ ଘରୁ ବନ୍ଧୁକ ମୁନରେ ଲୁଟ୍ ହୋଇଛି । ୪ରୁ ୫ ଜଣ ଦୁର୍ବୃତ୍ତ ନିରଞ୍ଜନଙ୍କ ଘରୁ ଲକ୍ଷାଧିକ ଟଙ୍କା ସହ ଲୁଟି ନେଇଛନ୍ତି ସୁନା ଗହଣା । ଗୋଲ୍ଡଫିଶ୍ ନେବାକୁ ଆସି ରାତି ୯ଟାରେ ବଡ଼ ଧରଣର ଲୁଟ୍ କରି ନେଇଛନ୍ତି ।

ଏଥିସହ ପଢ଼ନ୍ତୁ: ରାଉରକେଲାରେ ସେକ୍ସ ରାକେଟ ଠାବ,୨ ଯୁବତୀ ଉଦ୍ଧାର, ୩ ଅଟକ 

ନିରଞ୍ଜନ ଶତପଥୀଙ୍କ କହିବା ଅନୁସାରେ, "ପ୍ରଥମେ ୨ ଜଣ ବ୍ୟକ୍ତି ଆସି ଗୋଲ୍ଡଫିଶ୍ ନେବାକୁ କହିଥିଲେ । ଭିତରକୁ ଆସି ମାଛ ଦେଖିବା ପରେ କାଲି ଆସିବୁ କହିଲେ । ଗେଟ୍ ବନ୍ଦ କରିବା ବେଳେ ଆଉ ୩ ଜଣ ଭିତରକୁ ବନ୍ଧୁକ ନେଇ ପଶି ଆସିଲେ । ପରିବାରର ସମସ୍ତ ସଦସ୍ୟଙ୍କୁ ବନ୍ଧୁକ ଦେଖାଇ ଡରାଇ ଗୋଟିଏ ଘରେ ବନ୍ଦ କରିଦେଲେ ।"

ସମସ୍ତଙ୍କୁ ଗୋଟିଏ ଘରେ ବନ୍ଦ କରିବା ପରେ ଘରେ ଥିବା ଲକ୍ଷାଧିକ ଟଙ୍କା ସହ ସୁନା ଗହଣା ଲୁଟ୍ କରି ନେଇଛନ୍ତି ଦୁର୍ବୃତ୍ତ । ଲୁଟ୍ ବେଳେ ଘର ଲୋକ ପାଟି କରିବାରୁ ଦୁର୍ବୃତ୍ତ ଡିଆଁ ମାରିଥିଲେ । ଦୁର୍ବୃତ୍ତ ଗୋଟିଏ ବୁଲେଟ୍ ସହ ଏକ ବାଇକ୍ ବିଲ ଭିତରେ ଛାଡ଼ି ଦୌଡ଼ି ପଳାଇଛନ୍ତି ।

ଏଥିସହ ପଢ଼ନ୍ତୁ: ACF ସୌମ୍ୟରଞ୍ଜନ ମୃତ୍ୟୁ ମାମଲା : ତତ୍କାଳୀନ ଡିଏଫଓ ସଂଗ୍ରାମ ବେହେରା ସସପେଣ୍ଡ 

ତେବେ ଗ୍ରାମବାସୀଙ୍କ ସାହସିକତା ଯୋଗୁଁ ଜଣେ ଦୁର୍ବୃତ୍ତ ଧରା ପଡ଼ିଛି । ଗୋଡ଼ାଇ ଗୋଡ଼ାଇ ବିଲ ଭିତରୁ ଜଣେ ଦୁର୍ବୃତ୍ତଙ୍କୁ ଧରିଛନ୍ତି ଗ୍ରାମବାସୀ । ଖବର ପାଇ ଭଦ୍ରକ ଗ୍ରାମାଞ୍ଚଳ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଗାଡ଼ି ୨ଟିକୁ ପୋଲିସ ଜବତ କରି ଅନ୍ୟ ଦୁର୍ବୃତ୍ତଙ୍କ ପାଖରେ ପହଞ୍ଚିବାକୁ ପ୍ରୟାସ କରୁଛି ।