ପୁଣି ଅଶାନ୍ତ ହେଲା ସିଲଭର ସିଟି କଟକ । କଟକରେ ଫୁଟିଲା ଗୁଳି । ମଧୁପାଟଣା ଥାନା ନୂଆପଡ଼ା ପ୍ରେସ୍‌ କଲୋନୀରେ ଗୁଳିମାଡ଼ ହୋଇଛି । ଭୋଜି ଚାଲିଥିଲା ବେଳେ ଜଣେ ଯୁବକଙ୍କୁ ଫାୟାରିଂ କରାଯାଇଛି । ଯୁବକ ଜଣଙ୍କର ଛାତିରେ ଗୁଳି ବାଜି ଥିବା ସୂଚନା ମିଳିଛି । ତେବେ ଗୁରୁତର ଅବସ୍ଥାରେ ଯୁବକଙ୍କୁ SCB ମେଡିକାଲରେ ଭର୍ତ୍ତି କରାଯାଇଥିଲା । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛି । କିଏ ଓ କାହିଁକି ଗୁଳିମାଡ଼ କରିଛି ସେନେଇ ଏବେ ଅସ୍ପଷ୍ଟ ରହିଥିବା ବେଳେ ଘଟଣାସ୍ଥଳରେ ପୋଲିସ୍‌ ପହଞ୍ଚି ତଦନ୍ତ ଜାରି ରଖିଛି ।