Crime In Odisha / ଶ୍ରେଣୀଗୃହକୁ ବନ୍ଧୁକ ନେଇ ଆସିଲେ; ପୁଣି ପ୍ରଧାନଶିକ୍ଷକଙ୍କ ମୁଣ୍ଡରେ ରଖି ଧମକାଇଲେ ନବମ ଛାତ୍ର

କେନ୍ଦ୍ରାପଡ଼ା: ଛାତ୍ରଙ୍କ ହାତରେ ଦେଶୀ ବନ୍ଧୁକ । ବିଦ୍ୟାଳୟକୁ ନେଇକି ଗଲେ, ପୁଣି ପ୍ରଧାନଶିକ୍ଷକଙ୍କ ମୁଣ୍ଡରେ ଲଗାଇ ଧମକାଇଲେ । ନବମ ଶ୍ରେଣୀ ଛାତ୍ରଙ୍କ ଏଭଳି ହରକତକୁ ନେଇ ସମସ୍ତେ ଚକିତ । ଶୁକ୍ରବାର ଅପରାହ୍ଣରେ ନବମ ଶ୍ରେଣୀ ଛାତ୍ରଙ୍କ ଜଣଙ୍କ ଶ୍ରେଣୀଗୃହରେ ପ୍ରଧାନଶିକ୍ଷକଙ୍କ ମୁଣ୍ଡରେ ଦେଶୀ ବନ୍ଧୁକ ରଖି ଧମକାଇଛନ୍ତି ।

ଏଭଳି ଘଟଣା ଘଟିଛି କେନ୍ଦ୍ରାପଡ଼ା ଜିଲ୍ଲା ଗରଦପୁର ବ୍ଲକ ପିଏମ୍. ଶ୍ରୀ କୋରୁଆ ସରକାରୀ ଉଚ୍ଚ ବିଦ୍ୟାଳୟରେ । ଖବର ଅନୁସାରେ, କେବଳ ଶୁକ୍ରବାର ନୁହେଁ ଏହା ପୂର୍ବରୁ ମଧ୍ୟ ଉକ୍ତ ଛାତ୍ର ଜଣଙ୍କ ବନ୍ଧୁକ ଆଣି ଆସିଥିବା ଅଭିଯୋଗ ହୋଇଛି । ଶୁକ୍ରବାରର ଘଟଣା ପରେ ବିଦ୍ୟାଳୟରେ ପୋଲିସ ପଶିବା ସହ ବନ୍ଧୁକ ଜବତ କରିଛି । ଛାତ୍ରଙ୍କୁ ଏବେ ସୁଧାର ଗୃହରେ ରଖାଯାଇଛି ।

ଏଥିସହ ପଢ଼ନ୍ତୁ: ସ୍କୁଲ୍ ଆଗରେ କଳା ରଙ୍ଗର କାର୍... ଚାଲାଣ ହେଉଥିଲା ପିଲାଙ୍କ ମଧ୍ୟାହ୍ନଭୋଜନ ଚାଉଳ

ସୂଚନା ଅନୁସାରେ ପିଏମ୍. ଶ୍ରୀ କୋରୁଆ ସରକାରୀ ଉଚ୍ଚ ବିଦ୍ୟାଳୟର ନବମ ଶ୍ରେଣୀ ଛାତ୍ର ଜଣଙ୍କ ସହ ପ୍ରଧାନଶିକ୍ଷକ ନୃସିଂହ ମଲ୍ଲିକଙ୍କ ଯୁକ୍ତିତର୍କ ହୋଇଥିଲା । ଯାହା ପରେ ଛାତ୍ର ଜଣଙ୍କ ଦେଶୀ ବନ୍ଧୁକ ସିଧା ପ୍ରଧାନଶିକ୍ଷକଙ୍କ ମୁଣ୍ଡରେ ଲଗାଇ ଧମକ ଚମକ ଦେଇଥିଲେ ।

ବିଦ୍ୟାଳୟରେ ଛାତ୍ରଙ୍କ ହାତରେ ବନ୍ଧୁକକୁ ଦେଖି ଡରି ଯାଇଥିଲେ ପ୍ରଧାନଶିକ୍ଷକଙ୍କ ସହ ଅନ୍ୟ ଶିକ୍ଷକ ଓ ଷ୍ଟାଫ୍ । କୁଦାନଗରୀ ଥାନା ପୋଲିସ ଖବର ପାଇ କୋରୁଆ ପିଏମ୍‌. ଶ୍ରୀ ବିଦ୍ୟାଳୟରେ ପଶିବା ସହ ବନ୍ଧୁକକୁ ଜବତ କରିଛି ।

ଏଥିସହ ପଢ଼ନ୍ତୁ: ChatGPT ପଢ଼ାଇଲା ଏମିତି ପାଠ; ଜୀବନ ହାରିବା ପୂର୍ବରୁ ପୁଅ ଚିପିଦେଲା ମାଆର ତଣ୍ଟି

ତେବେ କେଉଁ ପରିସ୍ଥିତିରେ ନବମ ଛାତ୍ର ବନ୍ଧୁକ ନେଇ ବିଦ୍ୟାଳୟକୁ ଆସିଥିଲେ ? କାହାଠାରୁ ବନ୍ଧୁକ ନେଇ ଆସିଥିଲେ ଛାତ୍ର ? ପରିବାରର କେହି ବନ୍ଧୁକ ଦେଇଥିଲେ ନା ଏହା ପଛରେ ଆଉ କିଏ ? ବିଭିନ୍ନ ଦିଗକୁ ନେଇ କୁଦାନଗରୀ ଥାନା ପୋଲିସ ଛାନଭିନ୍ କରୁଥିବା ବେଳେ ଲୋକଙ୍କ ମଧ୍ୟରେ ଅସନ୍ତୋଷ ଦେଖା ଦେଇଛି ।