Husband kills wife / ୧୪ ବର୍ଷ ପ୍ରେମ ବିବାହର ରକ୍ତାକ୍ତ ଅନ୍ତ; ସ୍ତ୍ରୀ ବାପଘରକୁ ଯିବାରୁ ହତ୍ୟା କଲା ସ୍ଵାମୀ

ଲକ୍ଷ୍ନୌ: ଦିନେ ହୃଦୟ ଦେଇ ଭଲ ପାଉଥିଲେ । ସବୁବେଳେ ଖୁସିରେ ରଖିବାକୁ ଦେଇଥିଲେ ପ୍ରତିଶ୍ରୁତି । ପ୍ରେମ ଏତେ ଗଭୀର ହୋଇଥିଲା ଯେ ଶେଷରେ ଦୁଇଜଣ ପରସ୍ପରକୁ ଜୀବନସାଥୀ ଭାବେ ବାଛିଥିଲେ । କିନ୍ତୁ ସାମାନ୍ୟ ଘଟଣାରୁ ସବୁକିଛି ଭୁଲିଯାଇଥିଲା ସେଦିନର ପ୍ରେମିକ । ଆଜି ସ୍ତ୍ରୀ ରୂପେ ପାଇଥିବା ପ୍ରେମିକାର ନେଲା ଜୀବନ । ନିଜେ ଛୁରୀ ଭୁସି ହତ୍ୟା କରିଥିବା ଅଭିଯୋଗ ହୋଇଛି । ଏହି ମାମଲାଟି ଉତ୍ତର ପ୍ରଦେଶ ସାହାରନପୁରର ଫତେହପୁର ପୋଲିସ ଷ୍ଟେସନ ଅଞ୍ଚଳର । ।

ଅଭିଯୁକ୍ତ ତାର ସ୍ତ୍ରୀଙ୍କୁ ଛୁରୀ ଭୁସି ହତ୍ୟା କରିଥିବା ଖବର ସାମ୍ନାକୁ ଆସିଛି । ଅଭିଯୁକ୍ତ ଜଣକ ୧୪ ବର୍ଷ ପୂର୍ବେ ପ୍ରେମ ବିବାହ କରିଥିଲେ । ନିକଟରେ ତାଙ୍କ ସ୍ତ୍ରୀ ବିରକ୍ତ ହୋଇ ତାଙ୍କ ବାପାମାଆଙ୍କ ଘରକୁ ଚାଲିଯାଇଥିଲେ । ସେତେବେଳେ ଅଭିଯୁକ୍ତ ସ୍ୱାମୀ ଦିନେ ପ୍ରେମିକା ଥିବା ସ୍ତ୍ରୀକୁ ବୁଝାଇବାକୁ ଯାଇଥିଲେ, କିନ୍ତୁ ସେ ଫେରିବାକୁ ମନା କରି ଦେଇଥିଲେ । ଏହାପରେ କଥାବାର୍ତ୍ତା ଶେଷରେ ଝଗଡ଼ାରେ ପରିଣତ ହୋଇଥିଲା ଏବଂ କ୍ରୋଧିତ ସ୍ୱାମୀ ନିଜ ପତ୍ନୀଙ୍କୁ ହତ୍ୟା କରିଥିବା ଜଣାପଡ଼ିଛି ।

• ଅଭିଯୁକ୍ତ ସ୍ଵାମୀ ଗିରଫ

ଫତେହପୁର ପୋଲିସ ପତ୍ନୀଙ୍କୁ ହତ୍ୟା କରିଥିବା ଅଭିଯୁକ୍ତ ସନି ସାଇନିଙ୍କୁ ଗିରଫ କରିଛି। ହତ୍ୟାରେ ବ୍ୟବହୃତ ଛୁରୀ ମଧ୍ୟ ପୋଲିସ ଜବତ କରି ମାମଲାରେ ଅସ୍ତ୍ରଶସ୍ତ୍ର ଆଇନର ଧାରା ଯୋଡିଛି । ପୋଲିସ ତଦନ୍ତରୁ ଜଣାପଡିଛି ଯେ ସନି ଏବଂ ମୀନୁ ପ୍ରାୟ ୧୪ ବର୍ଷ ପୂର୍ବେ ପ୍ରେମ ବିବାହ କରିଥିଲେ । ସମୟ ବିତିବା ସହିତ ପରିବାର ବୃଦ୍ଧି ପାଇଲା ଏବଂ ସେମାନଙ୍କର ୪ଟି ସନ୍ତାନ ଜନ୍ମ ହେଲେ । କିନ୍ତୁ ସେମାନଙ୍କ ସମ୍ପର୍କ କ୍ରମଶଃ ତିକ୍ତ ହୋଇଥିଲା ।

• ପୂର୍ବରୁ କରିଥିଲା ହତ୍ୟା ଷଡ଼ଯନ୍ତ୍ର

ପଚରାଉଚରା ସମୟରେ ଅଭିଯୁକ୍ତ ସନି ସୈନି ପ୍ରକାଶ କରିଥିଲେ ଯେ ସେ ୧୪ ବର୍ଷ ପୂର୍ବେ ମୀନୁଙ୍କ ସହିତ ପ୍ରେମ ବିବାହ କରିଥିଲେ ଏବଂ ସେମାନଙ୍କର ୪ଟି ସନ୍ତାନ ଅଛି । ସେମାନଙ୍କର ପ୍ରାୟତଃ ଯୁକ୍ତିତର୍କ ହେଉଥିଲା । ପ୍ରାୟ ୨୦ ଦିନ ପୂର୍ବେ ମୀନୁ ବିରକ୍ତ ହୋଇ ତାଙ୍କ ବାପାମାଆଙ୍କ ଘରକୁ ଚାଲିଯାଇଥିଲେ । ସେ ତାଙ୍କୁ ବୁଝାଇବା ପାଇଁ ଅନେକ ଥର ତାଙ୍କୁ ଭେଟିଥିଲେ, କିନ୍ତୁ ସେ ଫେରିବାକୁ ମନା କରି ଦେଇଥିଲେ । ଅଭିଯୁକ୍ତ ଏଥିରେ ରାଗି ସେ ଦୁଇ କିମ୍ବା ତିନି ଦିନ ପୂର୍ବରୁ ଏକ ଛୁରୀ କିଣିଥିଲା । ଘଟଣା ଦିନ ସେ ନିଜ ପତ୍ନୀଙ୍କୁ ଘରକୁ ଆଣିବାକୁ ଯାଇଥିଲା, କିନ୍ତୁ ଝଗଡ଼ା ବଢ଼ିବା ପରେ ସେ ଆଣିଥିବା ଛୁରୀ ଭୁସି ସ୍ତ୍ରୀକୁ ହତ୍ୟା କରିଥିଲା ଏବଂ ଘଟଣାସ୍ଥଳରୁ ଫେରାର ମାରିଥିଲା ।

ପଢନ୍ତୁ ଏହି ଖବର: ଜେଲରେ ଭୟଙ୍କର ଦଙ୍ଗା, ରାତି ସାରା ଲଢିଲେ...ଶେଷରେ ୨୩ ଜଣ ମୃତ

ପୋଲିସ କହିଛି ଯେ ଜୁଲାଇ ୮ ତାରିଖରେ ଛୁଟମାଲପୁରର ବାସିନ୍ଦା ବାଲକିଶନ ଏକ ଅଭିଯୋଗ ଦାଖଲ କରିଥିଲେ ଯେ ତାଙ୍କ ଝିଅ ମୀନୁଙ୍କୁ ତାର ସ୍ୱାମୀ ସନି ଛୁରୀରେ ଆକ୍ରମଣ କରି ହତ୍ୟା କରିଛି । ଫତେହପୁର ଥାନାରେ ଏକ ହତ୍ୟା ମାମଲା ରୁଜୁ ହୋଇଥିଲା । ତଦନ୍ତ ସମୟରେ ପୋଲିସ ଅଭିଯୁକ୍ତକୁ ଖୋଜିବା ଆରମ୍ଭ କରିଥିଲା ​​ଏବଂ ଜଣେ ସୂଚନାଦାତାଙ୍କ ସୂଚନା ଆଧାରରେ ଅଭିଯୁକ୍ତକୁ ଗିରଫ କରିଥିଲା । ପଚରାଉଚରା ସମୟରେ ଅଭିଯୁକ୍ତ ସବୁ ସତ ଓଗାଳି ଥିବାବେଳେ ଘଟଣାସ୍ଥଳରୁ ହତ୍ୟାରେ ବ୍ୟବହୃତ ଛୁରୀକୁ ପୋଲିସ ଜବତ କରିଛି ।