Lucknow Cafe Owner Shiva Sharma / ଶିବ ଶର୍ମା ମୃତ୍ୟୁ ମାମଲା; ଅଭିଯୁକ୍ତ ଶ୍ରଦ୍ଧା ଦୁବେ ଗିରଫ,ନାଗପୁରରୁ ବାନ୍ଧିଲା ୟୁପି ଏସଟିଏଫ

ଲକ୍ଷ୍ନୌ କାଫେ ମାଲିକା ଶିବା ଶର୍ମା ମୃତ୍ୟୁ ମାମଲାରେ ଆସିଛି ବଡ଼ ଖବର। ଏହି ହତ୍ୟାକାଣ୍ଡରେ ଜଡି଼ତ ଅଭିଯୁକ୍ତ ମଡ଼େଲ ଶ୍ରଦ୍ଧା ଦୁବେଙ୍କୁ ଉତ୍ତର ପ୍ରଦେଶ (ୟୁପି) ପୋଲିସ ସ୍ପେଶାଲ୍ ଟାସ୍କଫୋର୍ସ (ଏସଟିଏଫ) ମହାରାଷ୍ଟ୍ରର ନାଗପୁରରୁ ଗିରଫ କରିଛି। ମଡ଼େଲ ଶ୍ରଦ୍ଧା ଦୁବେଙ୍କ ସହିତ ତାଙ୍କ ଭଉଣୀ ରଶ୍ମି ଦୁବେ ଏବଂ ଡ୍ରାଇଭର ଦାନିଶଙ୍କୁ ମଧ୍ୟ ଗିରଫ କରାଯାଇଥିଲା। ନାଗପୁର ପୋଲିସ ସୂତ୍ର ଏହି ଗିରଫଦାରୀକୁ ନିଶ୍ଚିତ କରିଛି। ହତ୍ୟାକାଣ୍ଡ ପରେ ମଡ଼େଲ ଶ୍ରଦ୍ଧା ଦୁବେ କିଛି ଦିନ ଧରି ଫେରାର୍ ହୋଇ ଯାଇଥିଲେ। ଉତ୍ତର ପ୍ରଦେଶ ପୋଲିସ ଅଭିଯୁକ୍ତଙ୍କ ଉପରେ ୫୦ ହଜାର ଟଙ୍କାର ପୁରସ୍କାର ରାଶି ଘୋଷଣା କରିଥିଲା।

ୟୁପି ଏସଟିଏଫ କରିଥିଲା ଗିରଫ
ଗତକାଲି ରାତିରୁ ୟୁପି ପୋଲିସ ସହିତ ଯୋଗଯୋଗରେ ରହିଥିବା ନାଗପୁର ପୋଲିସ କ୍ରାଇମବ୍ରାଞ୍ଚ ଟିମ୍ ମଡ଼େଲ ଶ୍ରଦ୍ଧା ଦୁବେଙ୍କୁ ଗିରଫ କରିଛି। ତାଙ୍କୁ ନାଗପୁର-ୱାର୍ଦ୍ଧା ରୋଡ ଠାରୁ ଗିରଫ କରାଯାଇଥିଲା। ଗିରଫଦାରୀ ପ୍ରକ୍ରିୟା ସମାପ୍ତ ହେବା ପରେ ତାଙ୍କୁ ଅଦାଲତରେ ହାଜର କରାଯିବ। ରିମାଣ୍ଡ ପାଇଁ ଆଇନଗତ ପ୍ରକ୍ରିୟା ପରେ ତାଙ୍କୁ ଉତ୍ତର ପ୍ରଦେଶ ନିଆଯିବ।

ଏହି ଘଟଣାରେ ପ୍ରତିକ୍ରିୟା ରଖି ଲକ୍ଷ୍ନୌ ପୋଲିସ କହିଛି ଯେ ହଜରତଗଞ୍ଜ ଥାନା ଅଞ୍ଚଳରେ ହୋଇଥିବା ଶିବ ଶର୍ମା ହତ୍ୟାକାଣ୍ଡ ମାମଲାରେ ଜଡ଼ିତ ୩ ଅଭିଯୁକ୍ତଙ୍କ ଉପରେ ୫୦ ହଜାର ଟଙ୍କାର ପୁରସ୍କାର ରାଶି ଘୋଷଣା କରାଯାଇଥିଲା। ହତ୍ୟାକାଣ୍ଡ ପର ଠାରୁ ଫେରାର ହୋଇ ଯାଇଥିବା ଏହି ୩ ଜଣ ପଳାତକ ଅଭିଯୁକ୍ତଙ୍କୁ ଗିରଫ କରାଯାଇଛି। ପଳାତକ ଅଭିଯୁକ୍ତ ଶ୍ରଦ୍ଧା ଦୁବେ, ଡ୍ରାଇଭର ଦାନିଶ ଏବଂ ରଶ୍ମି ଦୁବେଙ୍କ ପାଇଁ ପ୍ରତ୍ୟେକଙ୍କ ପାଇଁ ୫୦,୦୦୦ ଟଙ୍କାର ପୁରସ୍କାର ରାଶି ଘୋଷଣା କରାଯାଇଥିଲା। ଲକ୍ଷ୍ନୌ ପୋଲିସ ଏବଂ ୟୁପି ଏସଟିଏଫ (UP STF) ମିଳିତ ଟିମ୍,ସ୍ଥାନୀୟ ପୋଲିସ ସହାୟତାରେ ନାଗପୁର ଅଞ୍ଚଳରୁ ଫେରାର ରହିଥିବା ଏହି ୩ ଜଣ ଅଭିଯୁକ୍ତଙ୍କୁ ଗିରଫ କରିଥିଲା। ଗିରଫ ଅଭିଯୁକ୍ତଙ୍କୁ ଆବଶ୍ୟକୀୟ ଆଇନଗତ ପ୍ରକ୍ରିୟା ସମାପ୍ତ କରିବା ପରେ ଲକ୍ଷ୍ନୌ ଅଣାଯାଉଛି।

ଏହା ସହ ପଢନ୍ତୁ: ସୁନ୍ଦରୀ ଚେହେରା ପଛରେ ଥିଲା ଚତୁର ମନ; ରେଳବାଇ ଅଧିକାରୀଙ୍କୁ ଶିକାର କରି ବନ୍ଧାହେଲେ ହସିନା

ଶ୍ରଦ୍ଧା ଦୁବେ ମଧ୍ୟ ଏକ ସ୍ପଷ୍ଟୀକରଣ ଜାରି କରିଥିଲେ
ପୂର୍ବରୁ ଏକ ଆଲୋଚନାରେ ମଡେସଲ ଶ୍ରଦ୍ଧା ଦୁବେ ଦାବି କରିଥିଲେ ଯେ ଶିବ ଶର୍ମାଙ୍କ ମୃତ୍ୟୁ ହତ୍ୟା ନୁହେଁ ବରଂ ଏକ ଆତ୍ମହତ୍ୟା ଥିଲା। ସେ ଶିବା ନେଇଥିବା ଋଣକୁ ତାଙ୍କ ମୃତ୍ୟୁର କାରଣ ଭାବରେ ଉଲ୍ଲେଖ କରିଥିଲେ। ସେ କହିଥିଲେ ଯେ ସିସିଟିଭି ଫୁଟେଜର ତଦନ୍ତ ଦ୍ୱାରା ତାଙ୍କର ନିର୍ଦ୍ଦୋଷତା ଜଣାପଡ଼ିବ। ଶ୍ରଦ୍ଧା ଏହି ଘଟଣାରେ କୌଣସି ସମ୍ପୃକ୍ତିକୁ ଅସ୍ୱୀକାର କରିଛନ୍ତି। ହେଲେ ତଥାପି ତାଙ୍କର ଏହି ଦାବିକୁ ସ୍ୱାଧିନ ଭାବରେ ନିଶ୍ଚିତ କରାଯାଇ ନାହିଁ।

ଶ୍ରଦ୍ଧା ଦୁବେଙ୍କ ଗିରଫଦାରୀ ବିଳମ୍ବ ହେବା ସମ୍ପର୍କରେ ପୋଲିସ ବିଭାଗ ମଧ୍ୟରେ ମଧ୍ୟ ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା। ପୋଲିସ ବିଭାଗର ମାମଲା ପରିଚାଳନା ଉପରେ ପ୍ରଶ୍ନ ଉଠିବା ମଧ୍ୟରେ, ଡିସିପି ବିକ୍ରାନ୍ତ ବୀରଙ୍କୁ ତାଙ୍କ ପଦବୀରୁ ହଟାଇ ପୋଲିସ ମୁଖ୍ୟାଳୟକୁ ସ୍ଥାନାନ୍ତର କରାଯାଇଥିଲା। ଏହି ସମୟରେ, ଏସିପି ରଜନୀଶ ବର୍ମାଙ୍କୁ ତାଙ୍କ ବର୍ତ୍ତମାନର ପଦବୀରୁ ହଟାଇ ଏସିପି କ୍ରାଇମ୍ ଦାୟିତ୍ୱ ପ୍ରଦାନ କରାଯାଇଥିଲା। ଏହା ବ୍ୟତୀତ, ଲକ୍ଷ୍ନୌ କମିଶନରେଟ୍‌ର ଚାରି ଜଣ ACP ରାଙ୍କ ଅଧିକାର କ୍ଷେତ୍ରକୁ ପୁନର୍ଗଠନ କରାଯାଇଛି। ପୂର୍ବରୁ ହଜରତଗଞ୍ଜ ଥାନାର ଇନଚାର୍ଜ ଇନ୍ସପେକ୍ଟର ବିକ୍ରମ ସିଂହଙ୍କୁ ଲାଇନ ହାଜର କରାଯାଇଥିଲା।