୨୩ ବର୍ଷର ପୁଅକୁ ଚକ୍ରାନ୍ତ କରି ହତ୍ୟା କରିଛି ମା'ର ପ୍ରେମିକ । ଚକ୍ରାନ୍ତ କରି ମା ଏବଂ ମାଆର ପ୍ରେମିକ ମିଶି ପୁଅକୁ ମାରି ଦେଇଛନ୍ତି । ବାପା ଚାଲିଯିବା ପରେ ମାଆର ଅବୈଧ ସମ୍ପର୍କକୁ ବିରୋଧ କରୁଥିଲା ପୁଅ । ଆଉ ଏହାକୁ ନେଇ ଘଟିଛି ଏପରି ହତ୍ୟାକାଣ୍ଡ ।

ଉତ୍ତରପ୍ରଦେଶର କାନପୁରରେ ଏମିତି ଏକ ହତ୍ୟା ଘଟଣା ଚାଞ୍ଚଲ୍ୟ ସୃଷ୍ଟି କରିଛି । ପ୍ରଦୀପ ଶର୍ମା ନାମକ ଏକ ଯୁବକଙ୍କ ମୃତ ଶରୀର କାନପୁର ଇଟାୱା ହାଇୱେରୁ ଉଦ୍ଧାର କରାଯିବା ପରେ ସାମ୍ନାକୁ ଆସିଛି ମୃତ୍ୟୁ ପଛର ଅସଲ କାହାଣୀ । ପ୍ରଦୀପଙ୍କ ପିତାଙ୍କର ମୃତ୍ୟୁ ହୋଇଯିବା ପରେ ତାଙ୍କ ମା ମୟଙ୍କ ଆଲିଆସ୍ ଇଶୁ ନାମକ ଯୁବକଙ୍କ ସହ ପ୍ରେମ ସମ୍ପର୍କରେ ରହିଥିଲେ । ହେଲେ ଏହି ପ୍ରେମ ସମ୍ପର୍କକୁ ବିରୋଧ କ,ରୁଥିଲେ ପୁଅ ପ୍ରଦୀପ । ପ୍ରଦୀପ ସେମାନଙ୍କୁ ଅଲଗା ହେବାକୁ ଚାହୁଁଥିଲେ । ଆଉ ସେମାନେ ଅଲଗା ନହେବାରୁ ତାଙ୍କ ମାଆଙ୍କ ଠାରୁ ଅଲଗା ରହୁଥିଲେ ପ୍ରଦୀପ । ଆଉ ଆନ୍ଧ୍ରପ୍ରଦେଶରେ ତାଙ୍କୁ ଏକ ଚାକିରି ମଧ୍ୟ ମିଳିଥିଲା ।

ହେଲେ ଏପଟେ ପ୍ରଦୀପର ମାଆ, ପ୍ରେମିକ ମୟଙ୍କ ଏବଂ ମୟଙ୍କର ଭାଇ ରିଷି ପ୍ରଦୀପକୁ ମାରିବାର ପ୍ଲାନିଂ ଆରମ୍ଭ କରିଥିଲେ । ସେପଟେ ମୟଙ୍କ ଏବଂ ରିଷି ଉଦ୍ଦେଶ୍ୟମୂଳକ ଭାବରେ ପ୍ରଦୀପଙ୍କ ନାମରେ ଅନେକ ବୀମା ପଲିସି କିଣିଥିଲେ। ଦୀପାବଳି ଛୁଟି ନେଇ ପ୍ରଦୀପ ଘରକୁ ଫେରୁଥିବା ସମୟରେ ରିଷି ଏବଂ ମୟଙ୍କ ତାଙ୍କୁ ନିଜର ୱାଗନର କାରରେ ବସାଇ ନେଇଥିଲେ । ଆଉ କାର ଭିତରେ ପ୍ରଦୀପଙ୍କ ମୁଣ୍ଡକୁ ହାତୁଡିରେ ପିଟିପିଟି ହତ୍ୟା କରିଥିଲେ । ଆଉ ଏକ ସଡକ ଦୁର୍ଘଟଣା ମୃତ୍ୟୁ ବୋଲି ପ୍ରମାଣ କରିବା ପାଇଁ ସେମାନେ କାନପୁର ଇଟାୱା ହାଇୱେରେ ତାଙ୍କର ମର ଶରୀରକୁ ଫୋପାଡି ଚାଲି ଯାଇଥିଲେ ।

ଅଧିକ ପଢନ୍ତୁ : ୧୩ ଜଣଙ୍କୁ ଗିରଫ ପରେ ଫିଟୁଛି ନୂଆ ଲିଙ୍କ୍; ଆଉ ୨ କର୍ପୋରେଟରଙ୍କ ସହ ଆଇନଜୀବୀଙ୍କୁ ଉଠାଇ ନେଲା ପୋଲିସ

ତେବେ ପୋଲିସ ପ୍ରଦୀପଙ୍କ ମୃତଦେହ ଉଦ୍ଧାର କରି ତାଙ୍କ ପରିବାରକୁ ଜଣାଇବା ପରେ ପ୍ରଦୀପଙ୍କ ମାଆ କହିଥିଲେ, ଏଇଟା ହେଉଛି ଦୁର୍ଘଟଣା ଜନିତ ମୃତ୍ୟୁ । ହେଲେ ପ୍ରଦୀପଙ୍କ ଜେଜେବାପା କହିଥିଲେ, ମୟଙ୍କ ଏବଂ ରିଷି ମିଶି ପ୍ରଦୀପଙ୍କୁ ମାରି ଦେଇଛନ୍ତି । ତେବେ ପୋଲିସ ଘଡଟଣାରେ ତଦନ୍ତ କରି, ହତ୍ୟା ବେଳେ ବ୍ୟବହୃତ ହୋଇଥିବା ଗାଡି, ବେଆଇନ ଅସ୍ତ୍ରଶସ୍ତ୍ର, ହାତୁଡି ଆଦି ଜବତ କରିଛି । ଏଥିସହ ଦୁଇ ଭାଇଙ୍କୁ ମଧ୍ୟ ଏନକାଉଣ୍ଟର ପରେ ଗିରଫ କରିଛି ପୋଲିସ । ଉଭୟ ପୋଲିସ ଉପରେ ଗୁଳି ଚାଳନା କରୁଥିବା ବେଳେ ପୋଲିସ ଏନକାଉଣ୍ଟର କରିଛି । ଯାହାଦ୍ଵାରା ସେମାନେ ଦୁଇଜଣ ବର୍ତ୍ତମାନ ହସ୍ପିଟାଲ ଚିକିତ୍ସିତ ହେଉଥିବା କହିଛି ପୋଲିସ ।