Teacher Punches Student / ଶିକ୍ଷକଙ୍କ ଏ କି ନିର୍ମମତା ! କୁନି ଛାତ୍ରର ଆଖିକୁ ବିଧା ମାରିଲେ...

କର୍ଣ୍ଣାଟକର ମହୀଶୂରରେ ଜଣେ ଶିକ୍ଷକଙ୍କ ନିର୍ମମ ସ୍ୱଭାବ ସାମ୍ନାକୁ ଆସିଛି । ଶିକ୍ଷକ ଜଣକ ଜଣେ ୧୬ ବର୍ଷୀୟ ଛାତ୍ରକୁ ଅତି ନିର୍ମମ ଭାବରେ ମାଡ଼ ମାରିଛନ୍ତି । ଯାହାଦ୍ଵାରା ପିଲାଟିର ଆଖିରେ ଗଭୀର ଆଘାତ ଲାଗିଛି । ପିଲାଙ୍କୁ ଶାସନ କରିବା ଲାଗି ଗୁରୁ କଠୋର ହୋଇଥାନ୍ତି । ହେଲେ ଏଠି ଯେଉଁଭଳି ଭାବରେ ଶିକ୍ଷକ ଜଣକ ପିଲାଙ୍କୁ ମାଡ଼ ରିଛନ୍ତି, ତାକୁ ଅଭିବାବକମାନେ ଘୋର ବିରୋଧ କରିଛନ୍ତି । କାରଣ ପିଲାଟିର ଆଖିରେ ଗଭୀର ଯନ୍ତ୍ରଣା ହୋଇଛି ।

• ଆଖିକୁ ମାରିଲେ ମୁଥା

ଅଭିଯୋଗ ହୋଇଛି ଯେ ଶିକ୍ଷକ ଛାତ୍ରଙ୍କ ଆଖିରେ ମୁଥ ମାରିଥିଲେ, ଯାହା ଫଳରେ ଛାତ୍ରଙ୍କ ଆଖିରେ ରକ୍ତ ଜମାଟ ବାନ୍ଧି ଯାଇଥିଲା ଏବଂ ଆଖି ଚାରିପାଖରେ କଳା ପଡ଼ିଯାଇଥିଲା । ପୀଡିତ ଛାତ୍ରଙ୍କ ବାପା ଥାନାରେ ଅଭିଯୋଗ କରିଛନ୍ତି । ପିତାଙ୍କ ଅଭିଯୋଗ ଆଧାରରେ, ମହୀଶୂର ପୋଲିସ ଏକ ମାମଲା ରୁଜୁ କରି ପରବର୍ତ୍ତୀ କାର୍ଯ୍ୟାନୁଷ୍ଠାନ ଗ୍ରହଣ କରୁଛି । ପୋଲିସ କହିଛି ଯେ ଅଧିକ ତଦନ୍ତ ଚାଲିଛି ।

• ପୁଅକୁ ଦେଖି ଆଶ୍ଚର୍ଯ୍ୟ ପରିବାର

ମହୀଶୂରର ଲସ୍କର ପୋଲିସ ଷ୍ଟେସନରେ ଦାୟର ହୋଇଥିବା ଅଭିଯୋଗ ଅନୁଯାୟୀ, ଶିକ୍ଷକ, ୧୬ ବର୍ଷୀୟ ଛାତ୍ର ରେହାନ ସରିଫକୁ ମାଡ଼ ମାରିଥିଲେ । ଅଭିଯୋଗ ହୋଇଛି ଯେ ଶିକ୍ଷକ ଛାତ୍ରଙ୍କ ଆଖିରେ ମୁଥ ମାରିଥିଲେ, ଯାହା ଫଳରେ ଛାତ୍ରଙ୍କ ଆଖିରେ ରକ୍ତ ଜମାଟ ବାନ୍ଧି ଯାଇଥିଲା । ଛାତ୍ର ଜଣକ ଘରକୁ ଫେରିବା ପରେ ତାଙ୍କ ପରିବାର ତାଙ୍କ ଅବସ୍ଥା ଦେଖି ଆଶ୍ଚର୍ଯ୍ୟ ହୋଇଯାଇଥିଲେ । ତାଙ୍କ ଆଖି ନାଲି ପଡ଼ିଯାଇଥିଲା ଏବଂ ତା' ଚାରିପାଖରେ କଳା ଦାଗ ଦେଖାଯାଇଥିଲା । ଶିକ୍ଷକ ଛାତ୍ରଙ୍କୁ ଭୟଙ୍କର ପରିଣାମ ଦେବାକୁ ଧମକ ମଧ୍ୟ ଦେଇଥିଲେ ।

ପଢନ୍ତୁ ଏହି ଖବର: ୫୦୦ ଟଙ୍କା ଗାଏବ: ଶିକ୍ଷକ ଛାତ୍ରମାନଙ୍କ ପୋଷାକ ଖୋଲି କଲେ ଚେକ୍‌, ମନ୍ତ୍ରୀ କଲେ ନିଲମ୍ୱିତ

• ଟିସି ଦେଇ ସ୍କୁଲରୁ ବହିଷ୍କାର କରିବାକୁ ଧମକ

ଶିକ୍ଷକ ଜଣକ ଛାତ୍ରଟିକୁ ଧମକ ଦେଇଥିଲେ ଯେ ଯଦି ସେ ଘଟଣା ବିଷୟରେ କାହାକୁ କୁହନ୍ତି, ତେବେ ସେ ତାଙ୍କୁ ଟ୍ରାନ୍ସଫର ସାର୍ଟିଫିକେଟ୍ (ଟିସି) ଦେଇଦେବେ ଏବଂ ସ୍କୁଲରୁ ବହିଷ୍କାର କରିବେ । ଛାତ୍ରର ବାପା ୱାସିମ ସରିଫ ଶିକ୍ଷକଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଦାବି କରି ଏକ ଅଭିଯୋଗ ଦାଖଲ କରିଛନ୍ତି । ଅଭିଯୋଗ ଆଧାରରେ ଲସ୍କର ପୋଲିସ ଏକ ମାମଲା ରୁଜୁ କରି କାର୍ଯ୍ୟାନୁଷ୍ଠାନ ଆରମ୍ଭ କରିଛି । ତେବେ ଛାତ୍ର ଜଣକ କଣ ଏପରି ଭୁଲ୍ କରିଥିଲେ ଯେ ଶିକ୍ଷକ ରାଗିଯାଇଥିଲେ ସେ ସମ୍ପର୍କରେ ଜଣାପଡ଼ିନାହିଁ । ସେପଟେ ପୋଲିସ ପୂରା ଘଟଣାର ତଦନ୍ତ କରୁଛି ।