Bhubaneswar Police Encounter / ନୟାପଲ୍ଲୀ ଦୁଷ୍କର୍ମ ମାମଲା: ଅଭିଯୁକ୍ତକୁ ଏନ୍‌କାଉଣ୍ଟର, ଗୋଡ଼ରେ ବାଜିଲା ଗୁଳି

ଭୁବନେଶ୍ବର ନୟାପଲ୍ଲୀ ଦୁଷ୍କର୍ମ ଅଭିଯୁକ୍ତକୁ ଏନ୍‌କାଉଣ୍ଟର । ଅଭିଯୁକ୍ତକୁ ଦୁଇ ରାଉଣ୍ଡ ଗୁଳି କଲା କମିଶନରେଟ୍ ପୋଲିସ । ଏନ୍‌କାଉଣ୍ଟର କରି ଭରତପୁର ଅଞ୍ଚଳରୁ କାବୁକଲା ପୋଲିସ । ଅଭିଯୁକ୍ତ ଜଣକ ଗଞ୍ଜାମ ଅଞ୍ଚଳର ସନ୍ତୋଷ ପଣ୍ଡା ଓରଫ୍ ଶ୍ରୀଧର ବୋଲି ଜଣାପଡ଼ିଛି । ସେ ଜଣେ ଜଣେ ଅଭ୍ୟାସଗତ ଡକାୟତ ହୋଇଥିବା ସୂଚନା ମିଳିଛି ।

ମିଳିଥିବା ସୂଚନା ଅନୁସାରେ, ଅଭିଯୁକ୍ତ ଧରିବା ପାଇଁ ପୋଲିସ୍‌ ପହଞ୍ଚିବା ପରେ ଅଭିଯୁକ୍ତ ପ୍ରଥମେ ଖସିଯିବାକୁ ପୋଲିସ ଉପରକୁ ଗୁଳି ଚଳାଇଥିଲା । ଆଉ ଏହା ପରେ ପୋଲିସ୍ ମଧ୍ୟ ପାଲଟା ଜବାବ ଦେଇଥିଲା । ପୋଲିସ୍‌ର ପାଲଟା ଗୁଳି ମାଡ଼ରେ ଅଭିଯୁକ୍ତ ଯୁବକ ଆହତ ହୋଇଛି । ଅଭିଯୁକ୍ତର ଗୋଡ଼ରେ ବାଜିଛି ଗୁଳି । ଆହତ ହେବା ପରେ ଅଭିଯୁକ୍ତକୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି ।

ସୂଚନା ଅନୁସାରେ, ଅଭିଯୁକ୍ତ ସନ୍ତୋଷ ପଣ୍ଡା ନୟାପଲ୍ଲୀ ଥାନା ଅଞ୍ଚଳରେ ଘରେ ପଶି ଯୁବତୀଙ୍କୁ ଦୁଷ୍କର୍ମ କରିଥିଲା । ବନ୍ଧୁକ ଦେଖାଇ ଭୟଭୀତ କରି ଦୁଷ୍କର୍ମ କରିଥିଲା ଅଭିଯୁକ୍ତ । ମୁଖାପିନ୍ଧି ପାଶବିକ କାଣ୍ଡ ଭିଆଇଥିଲା ଅଭିଯୁକ୍ତ ଯୁବକ । ଆଉ ଏହା ପରେ ଘଟଣାସ୍ଥଳରୁ ଚମ୍ପଟ ମାରିଥିଲା । ଘଟଣା ପରଠୁ କମିଶନରେଟ୍‌ ପୋଲିସ୍‌ ଅଭିଯୁକ୍ତକୁ ଧରିବା ପାଇଁ ବିଭିନ୍ନ ସ୍ଥାନରେ ରେଡ୍‌ କରିଥିଲା ।