ମହାରାଷ୍ଟ୍ରର ପାଳଘର ଜିଲ୍ଲାରେ ଦେହେଜ ସମ୍ବନ୍ଧୀୟ ବିବାଦକୁ କେନ୍ଦ୍ର କରି ଜଣେ ୩୫ ବର୍ଷୀୟା ମହିଳାଙ୍କ ହତ୍ୟା ଘଟଣା ସାମ୍ନାକୁ ଆସିଛି। ପୁଲିସ ଏହି ମାମଲାରେ ମୃତକଙ୍କ ସ୍ୱାମୀ ମହେଶ ସୋନୀ (୩୮) ଓ ନନଦ ଦୀପାଲି ସୋନୀଙ୍କୁ ଗିରଫ କରିଛି।

ମହାରାଷ୍ଟ୍ରର ପାଲଘର ଜିଲ୍ଲାରେ ଯୌତୁକ ସମ୍ବନ୍ଧୀୟ ବିବାଦକୁ କେନ୍ଦ୍ର କରି ଜଣେ ୩୫ ବର୍ଷୀୟା ମହିଳାଙ୍କ ହତ୍ୟା ଘଟଣା ସାମ୍ନାକୁ ଆସିଛି । ଏହି ଘଟଣାରେ ପାଲଘର ପୋଲିସ୍‌ ମୃତକଙ୍କ ସ୍ବାମୀ ୩୮ ବର୍ଷୀୟ ମହେଶ ସୋନି ଓ ନଣନ୍ଦ ଦୀପାଲି ସୋନୀଙ୍କୁ ଗିରଫ କରିଛି ।

ପୋଲିସ ସୂଚନା ଅନୁଯାୟୀ, କଳ୍ପନା ୨୦୧୫ ମସିହାରେ ମହେଶ ସୋନିଙ୍କୁ ବିବାହ କରିଥିଲେ । କଳ୍ପନା ଏବଂ ମହେଶଙ୍କର ଏକ ୭ ବର୍ଷର ଝିଅ ଅଛି । ତେବେ ଗତ ଡିସେମ୍ବର ୨୭ ତାରିଖରେ କଳ୍ପନାଙ୍କର ତାଙ୍କ ସ୍ୱାମୀ ଏବଂ ଶ୍ୱଶୁର ଘର ଲୋକଙ୍କ ସହିତ ଝଗଡ଼ା ହୋଇଥିଲା । ଏହି ସମୟରେ ତାଙ୍କ ସ୍ୱାମୀ ମହେଶ ଏବଂ ନଣନ୍ଦ ଦୀପାଲି ସୋନି କଳ୍ପନାଙ୍କ ମୁଣ୍ଡକୁ ଏକ ଅସ୍ତ୍ର ସାହାଯ୍ୟରେ ଆକ୍ରମଣ କରିଥିଲେ। କଳ୍ପନା ଗୁରୁତର ଆହତ ହୋଇଥିଲେ। ପଡ଼ୋଶୀମାନେ ତାଙ୍କୁ ଡାକ୍ତରଖାନାକୁ ନେଇଯାଇଥିଲେ । କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

ପୋଲିସ ଅନୁଯାୟୀ, ତାଙ୍କ ଶ୍ୱଶୁର ଘର ଲୋକ ଦାବି କରିଛନ୍ତି ଯେ କଳ୍ପନା ବାଥରୁମରେ ଖସି ପଡ଼ିଥିଲେ ଏବଂ ତାଙ୍କ ମୁଣ୍ଡରେ ଆଘାତ ଲାଗିଥିଲା । କିନ୍ତୁ ପୋଷ୍ଟମର୍ଟମ ରିପୋର୍ଟ ସ୍ପଷ୍ଟ କରିଛି ଯେ ତାଙ୍କର ମୃତ୍ୟୁ ଶାରୀରିକ ହିଂସା ଏବଂ ଆକ୍ରମଣ ଯୋଗୁଁ ହୋଇଛି ।

ପୋଲିସ କହିଛି ଯେ ସ୍ୱାମୀ ଏବଂ ନଣନ୍ଦଙ୍କ ବିରୋଧରେ ଏକ ହତ୍ୟା ମାମଲା ରୁଜୁ କରାଯାଇଛି । ଉଭୟଙ୍କୁ ଗିରଫ କରାଯାଇଛି । କୋର୍ଟ ସେମାନଙ୍କୁ ଜାନୁଆରୀ ୨ ତାରିଖ ପର୍ଯ୍ୟନ୍ତ ପୋଲିସ ହେପାଜତକୁ ପଠାଇ ଦେଇଛନ୍ତି ।