ଜଣେ ଯୁବତୀ, ଦୁଇ ଜଣ ଯୁବକ । ଲଭ୍, ସେକ୍ସ ଓ ମର୍ଡର । ପ୍ରେମିକାକୁ ଅନ୍ୟ ଯୁବକ ସହ ଦେଖି ନିଜ ଉପରୁ ନିୟନ୍ତ୍ରଣ ହରାଇଲା ପ୍ରେମିକ । ଭୁବନେଶ୍ବରର ଗାଡ଼ି ଡ୍ରାଇଭର ସତ୍ୟବ୍ରତ ପ୍ରଧାନ ହତ୍ୟାକାଣ୍ଡର ପର୍ଦ୍ଦଫାସ୍ ହୋଇଛି । ପ୍ରେସମିଟ୍ କରି ପୋଲିସ ହତ୍ୟାକାଣ୍ଡ ବାବଦରେ ପୂରା ସୂଚନା ଦେବା ସହ ହତ୍ୟାକାରୀ ଦିନେଶକୁ ନେଇ କ୍ରାଇମ୍ ସିନ୍ ରିକ୍ରିଏସନ୍ କରାଇଛି ।

ଏକ ତ୍ରିକୋଣୀୟ ପ୍ରେମ କାହାଣୀର ଅନ୍ତ ଏମିତି ହେବ ହୁଏତ କେହି ଅନୁମାନ କରିନଥିବେ । ପୂରା କାହାଣୀ କିଛି ଏହିପରି । କାହାଣୀରେ ୩ଟି ଚରିତ୍ର । ଦିନେଶ, ସତ୍ୟବ୍ରତ ଓ ଲିଜା । ୩ ବର୍ଷ ଧରି ଦିନେଶ ଓ ଲିଜା ପ୍ରେମ ସମ୍ପର୍କରେ ଥିଲେ । ଦୁଇ ମାସ ହେଲା ଦିନେଶଠୁ ଦୂରେଇ ରହୁଥିଲା ଲିଜା । ପ୍ରେମିକା ଉପରେ ଦିନେଶର ସନ୍ଦେହ ବଢିଲା । ରବିବାର ବାରମ୍ବାର ଲିଜାକୁ କଲ୍‌ ଆଉ ଭିଡିଓ କଲ୍‌ କରିଥିଲା ଦିନେଶ । ଭିଡିଓ କଲ୍‌ କିମ୍ବା ଫୋନ କଲ୍‌ ଲିଜା ଉଠାଇ ନଥିବାରୁ ଦିନେଶର ସନ୍ଦେହ ଘନେଇଲା । ରାତି ୧ଟା ବେଳେ ଲିଜା ଘରେ ପହଂଚିବା ବେଳକୁ ସତ୍ୟବ୍ରତ ଓ ଲିଜା ଅସଂଯତ ଅବସ୍ଥାରେ ଥିଲେ ।

ପ୍ରେମିକାକୁ ଅନ୍ୟ ଯୁବକ ସହ ଦେଖି ରାଗି ଯାଇଥିଲା ଦୀନେଶ । ରୁମ ବାହାରୁ ଲକ କରିଦେଲା । ଅନ୍ୟ ଏକ ରୁମରୁ ଛୁରି ଆଣିଥିଲା । କବାଟ ଖୋଲିବା ପରେ ଦୀନେଶ ଓ ସତ୍ୟବ୍ରତ ଧସ୍ତାଧସ୍ତି ହୋଇଥିଲେ । ନିଶାଶକ୍ତ ଥିବା ସତ୍ୟବ୍ରତର ତଣ୍ଟି ଓ ଛାତିକୁ ବାରମ୍ବାର ଛୁରା ମାଡ଼ କରିଥିଲା ଦିନେଶ । ଏହାପରେ ସତ୍ୟବ୍ରତ ଗୁରୁତର ଅବସ୍ଥାରେ ଘରୁ ଦୌଡ଼ିଥିଲା । ଲିଜା ପଡୋଶୀକୁ ଡାକିବାକୁ ଯାଇଥିବା ବେଳେ ଦିନେଶ ଛୁ ମାରିଥିଲା ।

ଗତକାଲି ଜଗତସିଂହପୁରରୁ ଦିନେଶ ନାୟକକୁ ଧରିଥିଲା କମିଶନରେଟ ପୋଲିସ । ଦିନେଶ ମର୍ଡର ପରେ ବ୍ୟବହାର କରିଥିବା ଏକ ଧଳା ରଙ୍ଗର ମାରୁତି କାର ଜବତ କରିଛି ପୋଲିସ । ଲିଜା ବିରୋଧରେ ତଥ୍ୟ ପ୍ରମାଣ ଅଭାବରୁ ତାଙ୍କୁ ଛାଡ଼ିଛି ପୋଲିସ। ଆବଶ୍ୟକସ୍ଥଳେ ତାଙ୍କୁ ରାଜସାକ୍ଷୀ ବନାଯିବ ବୋଲି କହିଛନ୍ତି ଜୋନ୍ ଏସିପି ।
ତ୍ରିକୋଣୀୟ ଲଭ୍‌ ଷ୍ଟୋରୀର ଦି' ଏଣ୍ଡ ହୋଇଛି । ଜଣେ ପ୍ରାଣ ହରାଇଛି । ଆଉ ପାର୍ଲରରେ କାମ କରୁଥିବା ଯୁବତୀ ପାଇଁ ଆଉ ଜଣଙ୍କ ହାତରେ ପଡିଛି ହାତକଡି ।