ମୋଝିଅ ଯଦି ଦୋଷୀ ତାହାଲେ ତାକୁ ଫାଶୀ ଦିଅ... ମୋ ଝିଅ ଯଦି କେତନକୁ ମାରିଛି ତାହାଲେ ତାକୁ ସେଇ ପାହାଡ଼ରୁ ଠେଲିଦିଅ.. ଦୋଷୀ ମାନଙ୍କୁ କଠୋରରୁ କଠୋର ଦଣ୍ଡ ମିଳିବା ଦରକାର । ସେ ମୋ ଝିଅ ହେଉ କି ଆଉ ଯିଏ ବି ହେଉ । ମୁଁ ଗୋଟିଏ ମା' କହୁଛି । ମୋ ଭାବି ଜ୍ଵାଇଁ କେତନକୁ ଯିଏ ମାରିଛି ତାକୁ କଠୋରରୁ କଠୋର ଦଣ୍ଡ ମିଳିବା ଦରକାର । ମୋ ଝିଅ ଯଦି ଦୋଷୀ ତାହାଲେ ତାକୁ ଫାଶୀ ଦିଅ କିମ୍ବା କେତନକୁ ଯେଉଁ ଠାରୁ ଧକ୍କା ଦେଇ ମାରିଦିଆଯାଇଛି ସେହି ପାହାଡ଼ ଉପରୁ ଠେଲି ମାରିଦିଆଯାଉ ।

ଦୋଷୀ ମାନେ ନଖସିବା ଦରକାର । ବିବାହ ପୂର୍ବରୁ କେତନ ଅଗ୍ରଓ୍ବାଲଙ୍କୁ ଲୋହାଗଡ଼ ପୋର୍ଟ ଉପରୁ ଠେଲି ହତ୍ୟା ଘଟଣାରେ ନୂଆ ନୂଆ ତଥ୍ୟ ସାମ୍ନାକୁ ଆସିଛି । ଆଉ ଏହାରି ଭିତରେ ଅଭିଯୁକ୍ତା ସିଆ ଗୋୟଲଙ୍କ ମା'ଙ୍କ ପ୍ରତିକ୍ରିୟା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି । ସିଆଙ୍କର ଏଭଳି ଷଡ଼ଯନ୍ତ୍ର ଶୁଣିଲା ପରେ ତାଙ୍କ ମୁଣ୍ଡ କାମ କରୁନାହିଁ । ତାଙ୍କ ମା ମଧ୍ୟ ପୁରା ଭାଙ୍ଗି ପଡ଼ିଛନ୍ତି ।

ତାଙ୍କ କହିବା ମୁତାବକ ସିଆ ଯଦି କିଛି ଭୁଲ କରିଛି ତାହାଲେ ତାକୁ କଠୋରରୁ କଠୋର ଦଣ୍ଡ ମିଳିବା ନିହାତି ଦରକାର । ସିଆ ଯଦି କେତନକୁ ମାରିଛି ତାହାଲେ ତାକୁ ଫାଶୀ ଦିଅ କିମ୍ବା କେତନକୁ ଯେଉଁଠୁ ଠେଲି ହତ୍ୟା କରାଯାଇଛି ତାକୁ ସେହି ଠାରୁ ଠେଲିଦିଅ । ମୁଁ ଗୋଟିଏ ମା', ମୁଁ ବୁଝୁଛି ଗୋଟିଏ ସନ୍ତାନକୁ ହରାଇବା କେତେ କଷ୍ଟ ।

ଏଥିସହ ପଢ଼ନ୍ତୁ: କେତନଙ୍କୁ ନ୍ୟାୟ ଦେବେ ଉଜ୍ଜ୍ଵଳ; ସେ ଲଢ଼ିଥିବା ୩୭ ମାମଲାରେ ଦୋଷୀଙ୍କୁ ମିଳିଛି ମୃତ୍ୟୁଦଣ୍ଡ

ସିଆଙ୍କ ମା' ଆହୁରି କହିଛନ୍ତି କି ସେମାନେ ଚେତନ ଚୌଧୁରୀଙ୍କ ବିଷୟରେ କୌଣସି କଥା ଜାଣିନଥିଲେ । ଯଦି ସେମାନେ ପୂର୍ବରୁ ତାଙ୍କ ପ୍ରେମ ସମ୍ପର୍କ ବିଷୟରେ କିଛି ଜାଣିଥାନ୍ତେ ତାହାଲେ ଏହି ସମ୍ପର୍କରେ କେବେବି ରାଜି ହୋଇନଥାନ୍ତେ । ଏହି ବାହାଘରରେ ଦୁଇଟି ପରିବାର ବହୁତ ଖୁସିଥିଲେ । ଏମିତି ହେବ ବୋଲି କେହି ଚିନ୍ତା ମଧ୍ୟ କରି ନଥିଲେ ।

ଯଦି ଦେଖିବା ସିଆ ଏବଂ ପ୍ରେମିକ ଚେତନ ମିଶି କେତନଙ୍କୁ ଲୋହାଗଡ଼ ପୋର୍ଟ ଉପରୁ ଠେଲି ହତ୍ୟା କରିଛନ୍ତି । ଗୋଟିଏ କାଫେରେ ବଶି ହତ୍ୟା ଷଡ଼ଯନ୍ତ୍ର କରିଥିଲେ ସିଆ ଏବଂ ଚେତନ । ଯାହାପରେ ପୁରା ଦେଶରେ ଏଭଳି ହତ୍ୟାର ଷଡ଼ଯନ୍ତ୍ରକୁ ନେଇ ଚହଳ ପଡ଼ିଛି । ପ୍ରି ବାର୍ଥଡେ ସେଲିବ୍ରେସନ କରିବାକୁ ଡାକି କେକ୍‌ କାଟିଲେ ।

ଆଉ ତାପରେ ଟ୍ରେକିଂ କରି ପାହାଡ଼ ଉପରକୁ ନେଇ ଏମିତି ହତ୍ୟା କରିଥିଲେ । ପୋଲିସର ଜେରା ପରେ ସବୁ ସତ କଥା କହିଛନ୍ତି ସିଆ । ଏମିତି ସବୁ କଥା ଶୁଣିଲା ପରେ ପୋଲିସ ଆଶ୍ଚର୍ଯ୍ୟ ହୋଇ ଯାଇଛି। ତେବେ ଆଗକୁ ତଦନ୍ତ କେଉଁ ମୋଡ଼ ନେଉଛି ତାହା ସମୟ କହିବ ।