Marital Dispute / ଆଉ ଗୋଟେ ପ୍ଲେଟ୍ ଛୋଲେ ଭଟୁରେ ଧରାଇଦେଲା ପରକୀୟା ପ୍ରୀତି; ଏମିତି ଧରିଲେ ସ୍ତ୍ରୀ

ଲକ୍ଷ୍ନୌ: ଲୁଚା ପ୍ରେମକୁ ପଦାରେ ପକାଇଲା ଆଉ ଏକ ପ୍ଲେଟ୍ ଛୋଲେ ଭଟୁରେ । ସ୍ଵାମୀର ପରକୀୟା ପ୍ରୀତିକୁ ଧରିଲା ପତ୍ନୀ । ଦୋକାନ ଆଗରେ ହେଲା ପ୍ରବଳ ହଙ୍ଗାମା । ପ୍ରେମିକା ସହ ଗରମ ଗରମ ଛୋଲେ ଭଟୁରେ ଖାଇବା ପାଇଁ ବଜାରକୁ ଖାଦ୍ୟ କିଣିବାକୁ ଯାଇଥିଲା ଲୁଚାଛପା ପ୍ରେମ କରୁଥିବା ସ୍ଵାମୀ । ଆଉ ଗୋଟିଏ ପ୍ଲେଟ୍ ଧରିଥିବାବେଳେ ମାଡ଼ି ବସିଲା ପତ୍ନୀ । ଆଉ ସ୍ଵାମୀର ପରକୀୟା ପ୍ରୀତି ଶେଷରେ ପଦାରେ ପଡ଼ିଛି । ଏପରି ଘଟଣା ଉତ୍ତର ପ୍ରଦେଶର ହାପୁରର ଧାର୍ମିକ ସହର ବ୍ରିଜଘାଟରେ ଦେଖିବାକୁ ମିଳିଛି ।

ବାବୁଗଢ ଅଞ୍ଚଳରେ ଯେତେବେଳେ ୩ ଛୁଆର ବାପା ଅଜୟ ନିଜ ପ୍ରେମିକାକୁ ଆଶ୍ରମରେ ଛାଡ଼ି ଛୋଲେ ଭଟୁରେ କିଣିବା ଲାଗି ଦୋକାନରେ ପହଞ୍ଚିଥିଲା, ସେତେବେଳେ ସେ ଜାଣିନଥିଲା ଯେ ଆଗକୁ ତାର ଲୁଚା ପ୍ରେମର ପର୍ଦ୍ଦାଫାସ ହେବାକୁ ଯାଉଛି । ସେ ଦୋକାନୀକୁ ଦୁଇ ପ୍ଲେଟ୍ ଛୋଲେ ଭଟୁରେ ପ୍ୟାକ୍ କରିବା ଲାଗି କହିଥିଲା । ଠିକ୍ ଏତିକିବେଳେ ସ୍ଵାମୀ ପଛେ ପଛେ ପହଞ୍ଚିଥିଲେ ପତ୍ନୀ । ଏହାପରେ ବିଚ୍ ରାସ୍ତାରେ ପ୍ରବଳ ହଙ୍ଗାମା ହୋଇଥିଲା ।

• କଣ ପୂରା ଘଟଣା ?

ବାବୁଗଢ ଥାନା ଅଞ୍ଚଳର ଅଧିବାସୀ ୩ ଛୁଆଙ୍କ ପିତା ନିଜ ପ୍ରେମିକ ସହ ବ୍ରଜଘାଟକୁ ଆସିଥିଲେ । ପ୍ରେମିକାକୁ ଆଶ୍ରମରେ ଛାଡ଼ି ଜଳଖିଆ କିଣିବାକୁ ପାଖ ଦୋକାନକୁ ଯାଇଥିଲେ । ପୂର୍ବରୁ ସ୍ଵାମୀର ପରକୀୟା ପ୍ରୀତିକୁ ନେଇ ସ୍ତ୍ରୀ ସନ୍ଦେହ କରୁଥିଲେ । ସ୍ଵାମୀକୁ ପ୍ରମାଣ ସହ ଧରିବା ଲାଗି ସେ ତାଙ୍କର ପିଛା କରିଥିଲେ । ଯେତେବେଳେ ଖାଇବା ଦୋକାନ ପାଖରେ ସ୍ଵାମୀ ଦୁଇ ପ୍ଲେଟ୍ ଛୋଲେ ଭଟୁଲେ ଅର୍ଡର ଦେଇଥିଲେ, ଏତିକିବେଳେ ପିଛା କରିଥିବା ପତ୍ନୀ ତାଙ୍କୁ ଧରିଥିଲେ ।

• ରାସ୍ତା ଉପରେ ପ୍ରବଳ ହଙ୍ଗାମା

ଦୁଇ ପ୍ଲେଟ୍ ଛୋଲେ ଭଟୁରେ କାହା ପାଇଁ ସ୍ଵାମୀଙ୍କୁ ସିଧା ପ୍ରଶ୍ନ କରିଥିଲେ ସ୍ତ୍ରୀ । ଏହାପରେ ସ୍ଵାମୀଙ୍କ ପାଟିରୁ କଥା ବାହାରିନଥିଲା । ଏହାପରେ ରାସ୍ତା ଉପରେ ଦମ୍ପତିଙ୍କ ମଧ୍ୟରେ ଝଗଡ଼ା ହୋଇଥିଲା । ପତ୍ନୀ କବିତା କହିଛନ୍ତି ଯେ ସ୍ଵାମୀ କାମକୁ ଯାଉଥିବା କହି ଘରୁ ବାହାରନ୍ତି । ଆଉ ଲୁଚିଛପି ଅନ୍ୟ ଜଣେ ଯୁବତୀଙ୍କ ସହ ବାହାରେ ବୁଲନ୍ତି । ଏପରିକି ସେ ନିଜ ପରିବାର କଥା ବୁଝୁନଥିବା ପତ୍ନୀ ଅଭିଯୋଗ କରିଛନ୍ତି । ଏଥିଲାଗି ତାଙ୍କର ସନ୍ଦେହ ହୋଇଥିଲା ଓ ସେ ସ୍ଵାମୀଙ୍କ ପିଛା କରିଥିବା କହିଥିଲେ ।

ପଢନ୍ତୁ ଏହି ଖବର: ଥାନାରେ ପହଞ୍ଚିଲେ କୁନି ଆଇପିଏସ ଅଫିସର ଅମୀକ୍ଷା; ସମସ୍ତେ କଲେ ସାଲ୍ୟୁଟ୍

• ଅଜୟଙ୍କ ପରିବାର କଣ କହିଲା ?

ଅଜୟଙ୍କ ପିତା ରାଜେନ୍ଦ୍ର ଓ ଭାଇ ପବନ ମଧ୍ୟ କବିତାଙ୍କୁ ସମର୍ଥନ କରିଥିଲେ । ଅଜୟ ପୂରା ଦିନ ବାହାରେ ରହୁଥିବାବେଳେ ନିଜ ପରିବାର କଥା ବୁଝୁନଥିବା ଅଭିଯୋଗ କରିଥିଲେ । ପ୍ରତିଦିନ ପରି ଆଜି ବି ସେ ଅନ୍ୟ ଜଣେ ଯୁବତୀ ସହ ବାହାରକୁ ଆସିଥିଲେ । ତାଙ୍କୁ ସେହି ଯୁବତୀଙ୍କ ସହ ଧରିବା ଲାଗି ପୂରା ପରିବାର ତାଙ୍କର ପିଛା କରିଥିଲା । ଘରକଥା ବାହାରେ ପଡ଼ିବା ପରେ ଦୋକାନ ଆଗରେ ଲୋକଙ୍କ ଭିଡ଼ ଜମିଥିଲା । ଶେଷରେ ବ୍ରଜଘାଟ ପୋଲିସ ସେଠାରେ ପହଞ୍ଚି ଘଟଣାକୁ ନିୟନ୍ତ୍ରଣକୁ ନେଇଥିଲା । ପୋଲିସ ଦମ୍ପତିଙ୍କୁ ବୁଝାସୁଝା କରି ଶାନ୍ତ କରି ଘରକୁ ପଠାଇଥିବା କହିଛି ।