Apartment Theft Incident / ଚୋରି କରିବାକୁ ଯାଇଥିଲା ଚୋର, ଧରାପଡ଼ିବା ଭୟରେ ଯୁବକଙ୍କୁ ଛାତରୁ ଠେଲି କଲା ହତ୍ୟା

ଯୁବକଙ୍କୁ ଛାତରୁ ଠେଲି ହତ୍ୟା । ଚୋରି କରିବାକୁ ଯାଇଥିବା ଚୋର କଲା ହତ୍ୟା I ଧରା ପଡ଼ିଯିବା ଭୟରେ ୪ ତାଲା ଉପରୁ ବଙ୍ଗାଳୀ ଯୁବକଙ୍କୁ ଠେଲି ହତ୍ୟା କଲା ଚୋର । ଏଭଳି ଘଟଣା ଘଟିଛି ଭୁବନେଶ୍ବର ସହିଦ ନଗର ଅଞ୍ଚଳରେ । ଚୋର ସହିତ ଠେଲା ପେଲାରେ ଚାଲିଗଲା ଯୁବକର ଜୀବନ I ୪ ମହଲା କୋଠା ଉପରୁ ଖସି ପଡ଼ିଲା ଶ୍ରମିକ I

ସୂଚନା ଅନୁସାରେ, ରାତି ଅଧରେ ସହିଦନଗର ଅଞ୍ଚଳରେ ଥିବା ଏକ ଆପାର୍ଟମେଣ୍ଟରେ ଚୋର ପଶିଥିଲା I ଚୋରି କରିବା ବେଳେ ଆପାର୍ଟମେଣ୍ଟରେ କାମ କରୁଥିବା ଜଣେ ଯୁବକ ଚୋରକୁ କାବୁ କରିବାକୁ ଯାଇଥିଲେ । ଏହା ପରେ ଦୁହିଁଙ୍କ ଭିତରେ ଜୋରଦାର ଧସ୍ତାଧସ୍ତି ହୋଇଥିଲା I ଆଉ ଧରା ପଡ଼ିଯିବା ଭୟରେ ଚୋର ୪ ତାଲା ଉପରୁ ଯୁବକଙ୍କୁ ଠେଲିଦେଇଥିଲା । ଚୋରି କରିବାକୁ ଆସିଥିବା ଯୁବକ ମୁହଁରେ କପଡା ବାନ୍ଧି ପଶିଥିବା ସିସିଟିଭିରେ କଏଦ ହୋଇଛି ।