Premanand Maharaj / ଏହି ୪ ମନ୍ତ୍ର ଜାଣି ରଖନ୍ତୁ, ଜୀବନରେ କେବେବି ଦୁଃଖୀ ରହିବେନି: ପ୍ରେମାନନ୍ଦଜୀ ମହାରାଜ

ଜୀବନରେ ସୁଖ, ଶାନ୍ତି, ଆଉ ବିଶେଷ ଭାବେ ମାନସିକ ଚାପରୁ ସମସ୍ତେ କିଛି ସମୟ ମୁକ୍ତି ଚାହାନ୍ତି । ପ୍ରତ୍ୟେକ ଦିନ ଗୋଟେ ମଣିଷ ସୁଖରେ ଆଉ ବିନା ମାନସିକ ଚାପରେ ବଞ୍ଚିବାକୁ ଚାହେଁ । କିନ୍ତୁ ବାସ୍ତବରେ ଆମକୁ ଘର, ପରିବାର ଆଉ ବିଭିନ୍ନ ମାହୋଲର ଚିନ୍ତା ସବୁବେଳେ ଘାରି ରହିଥାଏ । ହେଲେ ଏମିତି କିଛି ଉପାୟ ଯାହା ଦିନସାରାର ଏତେ କାମ ଚାପରେ ମଧ୍ୟ ଆମକୁ ଶାନ୍ତି ଦେଇଥାଏ । ଆଉ ସମସ୍ୟା ସମାଧାନର ପ୍ରଥମ ପର୍ଯ୍ୟାୟ ହେଉଛନ୍ତି ଗୁରୁ ।

ଜୀବନରେ ଗୁରୁଥିଲେ ଆମ ଆମର ପ୍ରତ୍ୟେକ ସମସ୍ୟାକୁ ନିର୍ଦ୍ଵନ୍ଦରେ ତାଙ୍କ ପାଖରେ ପ୍ରକାଶ କରିଥାନ୍ତି, ଆଉ ସମାଧାନର ରାସ୍ତା ପାଇଥାନ୍ତି । ଠିକ ସେମିତି ଜଣେ ଆଧ୍ୟାତ୍ମିକ ଗୁରୁ ପ୍ରେମାନନ୍ଦଜୀ ମହାରାଜ ଯାହାଙ୍କ ପାଖରେ ତାଙ୍କର ଅନେକ ଶିଷ୍ୟ ଆଉ ଅନେକ ଭକ୍ତ ନିଜ ଜୀବନର ସମସ୍ୟାକୁ ନେଇ ପହଞ୍ଚିଥାନ୍ତି । ଆଉ ପ୍ରେମାନନ୍ଦ ମହାରାଜ ସମାଧାନର ରାସ୍ତା ଦେଇଥାନ୍ତି । ସେ ଭିତରୁ କିଛି ପ୍ରଶ୍ନ ଯାହା ଆମ ସମସ୍ତଙ୍କ ମନ ଭିତରେ ଥାଏ । ଆଉ ତାଙ୍କ ଉତ୍ତରରେ ଆମକୁ ମଧ୍ୟ ସମାଧାନର ରାସ୍ତା ମିଳିଯାଏ । ଠିକ ସେମିତି ଜଣେ ଭକ୍ତ ପ୍ରେମାନନ୍ଦଜୀ ମହାରାଜଙ୍କୁ ପଚାରିଥିଲେ, କାହିଁକି ସମସ୍ତେ ନିଜର ଭଜନ, ଭୋଜନ, ବନ୍ଧୁତା ଆଉ ସମ୍ପତ୍ତିକୁ ପରଦା ପଛରେ ଲୁଚାଇ ରଖିବାକୁ କହିଥାନ୍ତି ? ଏହା ପଛର ପ୍ରକୃତ କାରଣ କଣ ?

ଏଥିସହ ପଢ଼ନ୍ତୁ: ମହିଳାଙ୍କୁ ପୁରୁଷ ବାଥରୁମକୁ ନେଇଗଲେ: ପୀଡିତା କହିଲେ, ମୋ ଶରୀରରେ..

ଆଉ ଉତ୍ତରରେ ପ୍ରେମାନନ୍ଦଜୀ ମହାରାଜ ଯାହା କହିଥିଲେ, ତାହା ସମସ୍ତଙ୍କ ଜୀବନ ବଦଳାଇଦେବ । ମହାରାଜ କହିଥିଲେ, ମନେକରନ୍ତୁ ଏବେ ଆପଣଙ୍କ ପାଖରେ ୧୦ଲକ୍ଷ ଟଙ୍କା ଅଛି, ଏହି କଥା ଯଦି ଆପଣ ଆଉ କାହାକୁ କହିଦେଲେ, ତାହେଲେ ଏହି ଟଙ୍କା ଆପଣଙ୍କ ପାଖରେ ଆଉ ଘଣ୍ଟାଏ ରହିବା ବି କଷ୍ଟ ହେବ । କେହି ନା କେହି ଆପଣଙ୍କ ଟଙ୍କା ଉପରେ ନଜର ପକାଇବେ । ଆଉ ଆପଣଙ୍କ ଟଙ୍କା ଚାଲିଯିବ । ସେଥିପାଇଁ ନଜର ଲାଗିବାର ଅଧିକ ସମ୍ଭାବନା ଥାଏ ।ଭଜନ ମଧ୍ୟ ଠିକ ସେମିତି । ଏହା ହେଉଛି ଆମର ସାଧନା ଆମର ମର୍ଯ୍ୟାଦା । ଇଷ୍ଟପ୍ରେମକୁ ସବୁବେଳେ ଲୁଚାଇ ରଖିବା ଦରକାର । ଆଉ ନିଜ ପ୍ରେମକୁ ମଧ୍ୟ ଲୁଚାଇ ରଖିବା ଦରକାର । ଏହି ସବୁ ଯାହା ପ୍ରକାଶ କରିଦେଲେ ନଜର ଲାଗି ଶେଷ ହୋଇଯିବାର ସମ୍ଭାବନା ଥାଏ ।

ସେଥିପାଇଁ ନିଜେ ଅନୁଭବ କରୁଥିବା ଏହି ଜିନିଷଗୁଡିକୁ ଲୁଚାଇ ରଖିବାର ଆବଶ୍ୟକତା ଅଛି ।ପ୍ରେମାନନ୍ଦ ଜୀ ମହାରାଜ ଆହୁରି ମଧ୍ୟ କହିଛନ୍ତି, ଯେମିତି ନିଜ ଧନ ସମ୍ପତ୍ତିକୁ ଲୁଚାଇ ରଖୁଛ, ଠିକ ସେମିତି ନିଜ ଭଜନକୁ ବି ଲୁଚାଇ ରଖିବା ଆବଶ୍ୟକ । ଯାହାଦ୍ଵାରା ଆପଣ ଆପଣଙ୍କ ବ୍ୟକ୍ତିଗତ ଜୀବନ ଏବଂ ଚାକିରି ଜୀବନ ସୁଖ ଏବଂ ଶାନ୍ତିମୟ ରହିବ ।

ଅଧିକ ପଢ଼ନ୍ତୁ ଧର୍ମ ଓ ସଂସ୍କୃତି ଖବର: