ବିଏସଏନଏଲ ଜୁନିଅର ଟେଲିକମ୍ ଅଫିସର (JTO) ନିଯୁକ୍ତି ପାଇଁ ବିଜ୍ଞପ୍ତି ପ୍ରକାଶ ପାଇଛି । ମୋଟ ୧୦୦ଟି ପଦବୀ ପୂରଣ କରାଯିବ । ପ୍ରାର୍ଥୀମାନେ ଅନଲାଇନ୍ ଆବେଦନ ପ୍ରକ୍ରିୟା ମାଧ୍ୟମରେ ଆବେଦନ କରିପାରିବେ । ଯୋଗ୍ୟ ପ୍ରାର୍ଥୀଙ୍କୁ କମ୍ପ୍ୟୁଟର-ଆଧାରିତ ପରୀକ୍ଷା (CBT) ମାଧ୍ୟମରେ ଚୟନ କରାଯିବ । ଆକର୍ଷଣୀୟ ଦରମା ପ୍ୟାକେଜ୍ ଏବଂ ସରକାରୀ କ୍ଷେତ୍ରରେ କ୍ୟାରିଅର ଚାହୁଁଥିବା ପ୍ରାର୍ଥୀଙ୍କ ପାଇଁ ଏହା ଏକ ବଡ଼ ସୁଯୋଗ ରହିଛି, ଏଣୁ ଜମାରୁ ହାତଛଡ଼ା କରନ୍ତୁନି ।

BSNL ୧୦୦ଟି ଜୁନିଅର ଟେଲିକମ୍ ଅଫିସର ପଦବୀ ପୂରଣ ପାଇଁ ବିଜ୍ଞପ୍ତି ପ୍ରକାଶ କରିଛି । ମନୋନୀତ ପ୍ରାର୍ଥୀମାନଙ୍କୁ ଦେଶର ବିଭିନ୍ନ ଟେଲିକମ୍ ସର୍କଲରେ ନିଯୁକ୍ତି ଦିଆଯିବ । ଆଗ୍ରହୀ ପ୍ରାର୍ଥୀମାନେ ନିର୍ଦ୍ଧାରିତ ସମୟସୀମା ମଧ୍ୟରେ ଅନଲାଇନ୍ ଆବେଦନ କରିପାରିବେ । ଆବେଦନ ପ୍ରକ୍ରିୟା ୪ ଜୁନ୍, ୨୦୨୬ରେ ଆରମ୍ଭ ହେବ । ଚାକିରି ଆଶାୟୀମାନେ ୩ ଜୁଲାଇ, ୨୦୨୬ ପର୍ଯ୍ୟନ୍ତ ଆବେଦନ କରିପାରିବେ । ଆବେଦନରେ ଯେକୌଣସି ତ୍ରୁଟି ଥିଲେ ତାହା ୪ ଜୁଲାଇରୁ ୧୧ ଜୁଲାଇ, ୨୦୨୬ ପର୍ଯ୍ୟନ୍ତ ସଂଶୋଧନ କରାଯିବ । କମ୍ପ୍ୟୁଟର-ଭିତ୍ତିକ ପରୀକ୍ଷା ଅଗଷ୍ଟ ୨୦୨୬ରେ ଅନୁଷ୍ଠିତ ହେବାର ଆଶା କରାଯାଉଛି।

• ସଂରକ୍ଷିତ ବର୍ଗ ହେବେ ଲାଭାନ୍ଵିତ

ମୋଟ ୧୦୦ଟି ପଦବୀ ମଧ୍ୟରୁ ୬୧ଟି ସାଧାରଣ ଏବଂ ଓବିସି ବର୍ଗ ପାଇଁ ସଂରକ୍ଷିତ ଅଛି । ଏହା ସହିତ, ୧୨ଟି ଅନୁସୂଚିତ ଜାତି ପାଇଁ, ୧୦ଟି ଇଡବ୍ଲୁଏସ୍ ପାଇଁ ଏବଂ ୬ଟି ଓବିସି ନନ୍-କ୍ରିମି ଲେୟର ପ୍ରାର୍ଥୀଙ୍କ ପାଇଁ ସଂରକ୍ଷିତ । ସରକାରୀ ନିୟମ ଅନୁଯାୟୀ ଦିବ୍ୟାଙ୍ଗ ପ୍ରାର୍ଥୀମାନେ ମଧ୍ୟ ସଂରକ୍ଷଣ ସୁବିଧା ପାଇବେ ।

• ଶିକ୍ଷାଗତ ଯୋଗ୍ୟତା ଏବଂ ବୟସ ସୀମା କେତେ ?

ପ୍ରାର୍ଥୀମାନଙ୍କର ଏକ ସ୍ୱୀକୃତିପ୍ରାପ୍ତ ଶିକ୍ଷାନୁଷ୍ଠାନରୁ BE କିମ୍ବା BTech ଡିଗ୍ରୀ ଥିବା ଆବଶ୍ୟକ । ଟେଲିକମ୍ୟୁନିକେସନ୍, ଇଲେକ୍ଟ୍ରୋନିକ୍ସ, କମ୍ପ୍ୟୁଟର ବିଜ୍ଞାନ, IT, ବୈଦ୍ୟୁତିକ ଇଞ୍ଜିନିୟରିଂ ଏବଂ ଉପକରଣ ଭଳି ବିଭାଗରେ ବିଶେଷଜ୍ଞତା ଥିବା ପ୍ରାର୍ଥୀମାନେ ଆବେଦନ କରିବାକୁ ଯୋଗ୍ୟ । ସମ୍ପୃକ୍ତ କ୍ଷେତ୍ରରେ MSc କିମ୍ବା MTech ଡିଗ୍ରୀ ଥିବା ପ୍ରାର୍ଥୀମାନେ ମଧ୍ୟ ଯୋଗ୍ୟ । ବୟସ ୨୦ରୁ ୩୦ବର୍ଷ ମଧ୍ୟରେ ହୋଇଥିଲେ ଏହି ଚାକିରି ପାଇଁ ଆବେଦନ କରିପାରିବେ ।

ପଢନ୍ତୁ ଏହି ଖବର: ବଡ଼ ସୁଯୋଗ: ଦଶମ ପାସ୍‌ କରିଥିଲେ ଏବେହିଁ କରନ୍ତୁ ଆବେଦନ, ଘରେ ବସି ପାଇବେ...

• କେତେ ମିଳିବ ଦରମା ?

ପ୍ରାର୍ଥୀମାନଙ୍କୁ ଜାତୀୟ ସ୍ତରୀୟ କମ୍ପ୍ୟୁଟର-ଭିତ୍ତିକ ପରୀକ୍ଷାରେ ସେମାନଙ୍କର ସ୍କୋର ଆଧାରରେ ଚୟନ କରାଯିବ । ମନୋନୀତ ପ୍ରାର୍ଥୀମାନେ ଅନ୍ୟାନ୍ୟ ସରକାରୀ ସୁବିଧା ସହିତ ₹୧୬,୪୦୦ରୁ ₹୪୦,୫୦୦ ପର୍ଯ୍ୟନ୍ତ ମୂଳ ଦରମା ବା ବେସିକ୍ ସାଲାରୀ ପାଇବେ । ସାଧାରଣ, OBC ଏବଂ EWS ବର୍ଗ ପାଇଁ ଆବେଦନ ଫି ₹୨୦୦୦ ଥିବାବେଳେ ଅନୁସୂଚିତ ଜାତି, ଜନଜାତି ଏବଂ ଭିନ୍ନକ୍ଷମ ପ୍ରାର୍ଥୀଙ୍କ ପାଇଁ ₹୧୦୦୦ ସ୍ଥିର କରାଯାଇଛି ।