ଡାକ୍ତରୀ ପାଢ ପଢିବା ପାଇଁ ସାରା ଦେଶରେ ହେଉଥିବା ପ୍ରବେଶିକା ପରୀକ୍ଷା ନିଟ୍ ପ୍ରଶ୍ନପତ୍ର ଲିକ୍ ମାମଲାରେ ପ୍ରେସମିଟ୍ କରି ସୂଚନା ରଖିଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧା ନ। କେନ୍ଦ୍ରମନ୍ତ୍ରୀ କହିଛନ୍ତି ଛାତ୍ରଛାତ୍ରୀଙ୍କ ସୁରକ୍ଷିତ ଭବିଷ୍ୟତ ସରକାରଙ୍କ ପ୍ରାଥମିକତା । ପ୍ରଶ୍ନପତ୍ର ଲିକ୍ ମାନସିକତା ଏକ ସାମାଜିକ ବ୍ୟାଧିରେ ପରିଣତ ହେଲାଣି । ସାଇବର ଅପରାଧର ଯୁଗରେ ପିଲାଙ୍କ ଭବିଷ୍ୟତକୁ ସୁରକ୍ଷିତ ରଖିବାକୁ ପ୍ରାଧାନ୍ୟ ଦିଆଯାଉଛି । ଶିକ୍ଷା ମାଫିଆଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନିଆଯିବ ।
- 'CBI ତଦନ୍ତରେ କାହାକୁ ଛଡ଼ାଯିବନି'
CBI ଘଟଣାର ଚେର ପର୍ଯ୍ୟନ୍ତ ଯିବ ବୋଲି ସୂଚନା ଦେଇଛନ୍ତି କେନ୍ଦ୍ରମନ୍ତ୍ରୀ । ଏହାଛଡ଼ା ନିଟ୍ ୟୁଜି ପରୀକ୍ଷାର ସମୟ ଅବଧି ୧୫ ମିନିଟ ବୃଦ୍ଧି କରାଯାଇଥିବା ସୂଚନା ଦେଇଛନ୍ତି କେନ୍ଦ୍ରମନ୍ତ୍ରୀ । ନିଜ ପସନ୍ଦରେ ସହର ବାଛିବା ପାଇଁ ଖୋଲା ରହିବ ୱିଣ୍ଡୋ । ଆସନ୍ତା ୧୪ ଜୁନରେ ଆଡମିଟ କାର୍ଡ ମିଳିବ । ଆଗାମୀ ପରୀକ୍ଷା ପାଇଁ ଜିରୋ ଫି ରହିବ । ଆସନ୍ତା ଜୁନ ୨୧ ତାରିଖରେ ପରୀକ୍ଷା କରାଯିବା ନେଇ ବିଜ୍ଞପ୍ତି ଜାରି କରିସାରିଛି NTA ।
- ଶିକ୍ଷାମାଫିଆଙ୍କୁ କେନ୍ଦ୍ରମନ୍ତ୍ରୀଙ୍କ ଚରମବାଣୀ
କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ପ୍ରେସମିଟରେ ଶିକ୍ଷା ମାଫିଆଙ୍କୁ ଚରମବାଣୀ ଶୁଣାଇ କହିଛନ୍ତି, "ଆମେ ଶୂନ୍ୟ ସହନଶୀଳତା ନୀତି ଆପଣାଇଛୁ । ପିଲାଙ୍କ ସ୍ଵାର୍ଥକୁ ଦେଖି ସମାଧାନର ବାଟ ବାହାର କରାଯାଇଛି । ଆଗକୁ ଯେଉଁ ପରୀକ୍ଷା ହେବ ସ୍ଵଚ୍ଛତାର ସହ ହେବ । ଶିକ୍ଷା ମାଫିଆଙ୍କ ଉଦ୍ଦେଶ୍ୟକୁ ସଫଳ କରିବାକୁ ଦେବୁନି । CBI ଘଟଣାରେ ତ୍ଵରିତ କାର୍ଯ୍ୟାନୁଷ୍ଠାନ ନେଇଛି । ଘଟଣାକୁ ଗୁରୁତର ସହ ନେଇ ଘଟଣାର ଖୋଳତାଡ଼ କରୁଛି ସିବିଆଇ । ଛାତ୍ରଛାତ୍ରୀଙ୍କ ହିତ ପାଇଁ ଆମେ କଠୋର ପଦକ୍ଷେପ ନେଇଛୁ । ମାଫିଆଙ୍କ ଷଡ଼ଯନ୍ତ୍ରରେ ପିଲାଙ୍କ ଭବିଷ୍ୟତକୁ ଆଞ୍ଚ ଅଣାଯିବନି ।"
- 'NTA ପରୀକ୍ଷା ଅବଧି ୧୫ ମିନିଟ୍ ବୃଦ୍ଧି'
ଆସନ୍ତାବର୍ଷଠୁ ନିଟ୍ ୟୁଜି ପରୀକ୍ଷାକୁ ଅନଲାଇନ ମୋଡରେ କରିବାକୁ କେନ୍ଦ୍ର ସରକାର ଯୋଜନା କରୁଥିବା ସୂଚନା ଦେଇଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ । ଜୁନ୍ ୨୧ରେ ହେବ NEET-UG ପରୀକ୍ଷା । ଆଗାମୀ ପରୀକ୍ଷା ପାଇଁ 0 ଫି ରହିବ । ଛାତ୍ରଛାତ୍ରୀଙ୍କ ସୁବିଧା ଏବଂ ସମୟ ସୀମାକୁ ଦୃଷ୍ଟିରେ ରଖି NTA ପରୀକ୍ଷା ଅବଧି ୧୫ ମିନିଟ୍ ବୃଦ୍ଧି କରିବାକୁ ନିଷ୍ପତ୍ତି ନେଇଛି । ଅପରାହ୍ନ ୨ଟାରୁ ୫ଟା ପର୍ଯ୍ୟନ୍ତ ନିର୍ଦ୍ଧାରିତ ହୋଇଥିବା ଏହି ପରୀକ୍ଷା ଏବେ ସନ୍ଧ୍ୟା ୫.୧୫ ପର୍ଯ୍ୟନ୍ତ ଚାଲିବ ବୋଲି କେନ୍ଦ୍ରମନ୍ତ୍ରୀ ସୂଚନା ଦେଇଛନ୍ତି ।
- ବିଳମ୍ବିତ ରାତିରେ ଗୁରୁତ୍ଵପୂର୍ଣ୍ଣ ବୈଠକ
କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଗତକାଲି ଅହମ୍ମଦବାଦରୁ ରାତିରେ ଫେରିବା ପରେ ନୂଆଦିଲ୍ଲୀ ସ୍ଥିତ ବାସଭବନରେ 'ନିଟ୍' ପରୀକ୍ଷା ସମ୍ବନ୍ଧୀୟ ଏକ ଗୁରୁତ୍ୱପୂର୍ଣ୍ଣ ବୈଠକ କରିଥିଲେ । ବରିଷ୍ଠ ଅଧିକାରୀଙ୍କ ସହ ବିସ୍ତୁତ ଆଲୋଚନା କରିଥିଲେ ଧର୍ମେନ୍ଦ୍ର । ଛାତଛାତ୍ରୀଙ୍କ ସ୍ଵାର୍ଥ ପ୍ରତି ସର୍ବାଧିକ ଗୁରୁତ୍ଵ ଦେବାକୁ ପରାମର୍ଶ ଦେଇଥିଲେ । ଏହି ବୈଠକରେ ଶିକ୍ଷା ମନ୍ତ୍ରାଳୟର ୨ ସଚିବ ମଧ୍ୟ ଉପସ୍ଥିତ ଥିଲେ । ନ୍ୟାସନାଲ ଟେଷ୍ଟିଂ ଏଜେନ୍ସି (NTA) ଡିଜି ଥିଲେ ଉପସ୍ଥିତ । କେନ୍ଦ୍ରୀୟ ଓ ନବୋଦୟ ବିଦ୍ୟାଳୟ ସଂଗଠନର କମିଶନର ଏବଂ CBSE ଅଧ୍ୟକ୍ଷଙ୍କ ସହ ଶିକ୍ଷା ବିଭାଗର ବରିଷ୍ଠ ଅଧିକାରୀ ଉପସ୍ଥିତ ଥିଲେ ।
ପଢନ୍ତୁ ଏହି ଖବର: ଅହମ୍ମଦବାଦରେ ‘IIM କୋର୍ଡିନେସନ ଫୋରମ’ ବୈଠକରେ କେନ୍ଦ୍ରମନ୍ତ୍ରୀଗତ ମେ'୩ରେ NEET-UG ପରୀକ୍ଷା ହୋଇଥିଲା । ପ୍ରଶ୍ନପତ୍ର ଲିକ୍ ପରେ ରଦ୍ଦ ହୋଇଥିଲା ପରୀକ୍ଷା । ଛାତ୍ରଛାତ୍ରୀଙ୍କ ସ୍ଵାର୍ଥକୁ ଗୁରୁତ୍ଵ ଦେଇ ତ୍ଵରିତ ତାରିଖ ଘୋଷଣା ହୋଇଛି । ପ୍ରଶ୍ନପତ୍ର ଲିକ୍ ପରେ ତୁରନ୍ତ ପଦକ୍ଷେପ ନେଇଥଲା NTA । ଛାତ୍ରଛାତ୍ରୀଙ୍କ ସ୍ବାର୍ଥକୁ ନଜରରେ ରଖି ତୁରନ୍ତ ପରୀକ୍ଷା ବାତିଲ କରାଯାଇଥିଲା । ସିବିଆଇ ପକ୍ଷରୁ ବିଭିନ୍ନ ସ୍ଥାନରେ ଚଢାଉ କରାଯାଉଛି । ବର୍ତ୍ତମାନ ସୁଦ୍ଧା ୭ଜଣଙ୍କୁ ଗିରଫ କରାଯାଇଛି । ଗତକାଲି ୫ ଅଭିଯୁକ୍ତଙ୍କୁ ୭ ଦିନିଆ ରିମାଣ୍ଡରେ ନେଇଛି CBI । ଗତ ୨୪ ଘଣ୍ଟା ମଧ୍ୟରେ ୧୪ଟି ଜାଗାରେ ରେଡ୍ କରିଥିଲା CBI ।
