ରାଜ୍ୟରେ ସରକାରୀ ଶିକ୍ଷକ ହେବା ପାଇଁ ଦିଆଯାଉଥିବା ଅତ୍ୟାବଶ୍ୟକ ଯୋଗ୍ୟତା ପରୀକ୍ଷା ଓଟିଇଟି (OTET)ର ପରୀକ୍ଷା ତାରିଖକୁ ପରିବର୍ତ୍ତନ କରାଯାଇଛି । ଏବେ ଆଉ ଜୁନ ୨୧ ତାରିଖରେ ପରୀକ୍ଷା ହେବ ନାହିଁ । ଓଡ଼ିଶା ମାଧ୍ୟମିକ ଶିକ୍ଷା ପରିଷଦ (ବୋର୍ଡ) ଦ୍ୱାରା ପରିଚାଳିତ ଏହି ପରୀକ୍ଷାର ଏବେ ନୂଆ ତାରିଖ ଘୋଷଣା କରିଛି । ପରୀକ୍ଷାକୁ ଆଉ ୭ଦିନ ଘୁଞ୍ଚାଯାଇଛି । ଓଟିଇଟି ପରୀକ୍ଷା ଜୁନ ୨୧ ପରିବର୍ତ୍ତେ ଏବେ ଜୁନ୍ ୨୮ ତାରିଖର ଅନୁଷ୍ଠିତ ହେବ ।

୨୮ ତାରିଖ ସକାଳ ୯ ଟାରୁ ୧୧.୩୦ଟା ପର୍ଯ୍ୟନ୍ତ ପେପର୍ -୧ ଓ ଦିନ ୨ ଟାରୁ ଅପରାହ୍ନ ୪.୩୦ଟା ପର୍ଯ୍ୟନ୍ତ ପେପର୍ - ୨ ପରୀକ୍ଷା ଅନୁଷ୍ଠିତ ହେବ । ଜୁନ ୧୭ ତାରିଖରେ ବୋର୍ଡ www.bseodisha.nic.in. ୱେବସାଇଟରୁ ଆଡମିଟ କାର୍ଡ ପାଇପାରିବେ ପରୀକ୍ଷାର୍ଥୀ । ପରୀକ୍ଷା ପାଇଁ ଆବେଦନ କରିଥିବା ଚାକିରି ଆଶାୟୀମାନେ ସେଠାରୁ ଡାଉନ୍‌ଲୋଡ କରିବା ନେଇ ବୋର୍ଡ ପକ୍ଷରୁ କୁହାଯାଇଛି । ଚଳିତ ପରୀକ୍ଷାରେ ୮୪ ହଜାର ୬୨୩ ପରୀକ୍ଷାର୍ଥୀ ପରୀକ୍ଷା ଦେବେ ।

• ଜୁନ ୧୭ରେ ଆସିବ ଆଡମିଟ୍ କାର୍ଡ

ଆସନ୍ତା ଜୁନ ୧୭ ତାରିଖରେ ବୋର୍ଡ ୱେବସାଇଟରେ ଆଡମିଟ କାର୍ଡ ଡାଉନଲୋଡ୍ କରି ପାରିବେ ପରୀକ୍ଷାର୍ଥୀ । ତେବେ ଓଡ଼ିଶା ମାଧ୍ୟମିକ ଶିକ୍ଷା ପରିଷଦ ବୋର୍ଡ ଦ୍ୱାରା ପରିଚାଳିତ ଓଟିଇଟି-୨୦୨୬ ଅନଲାଇନ୍‌ ଆବେଦନ ସମୟ ସୀମା ମେ’ ୯ ତାରିଖ ଯାଏଁ ରହିଥିଲା । ପୂର୍ବରୁ ଏହାର ସମୟ ସୀମା ଏପ୍ରିଲ ୯ ତାରିଖ ଯାଏଁ ଥିଲା । ପରବର୍ତ୍ତୀ ସମୟରେ ଏହାକୁ ମାସେ ବୃଦ୍ଧି କରାଯାଇଥିଲା । ଏବେ ପରୀକ୍ଷା ତାରିଖକୁ ମଧ୍ୟ ବୃଦ୍ଧି କରାଯାଇଛି । ପରୀକ୍ଷାକୁ ଆଉ କିଛି ଦିନ ଥିବାରୁ ସମସ୍ତ ପରୀକ୍ଷାର୍ଥୀଙ୍କୁ ଆଗୁଆ ଶୁଭେଚ୍ଛା ଜଣାଇଛନ୍ତି ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ । ସମସ୍ତେ ଭଲ ଭାବରେ ପରୀକ୍ଷା ଦେଇ ସଫଳତାର ସହିତ କୃତକାର୍ଯ୍ୟ ହୁଅନ୍ତୁ ସେ ସୋସିଆଲ ମିଡିଆରେ ଲେଖିଛନ୍ତି ।

ପଢନ୍ତୁ ଏହି ଖବର: Argus Education Next କନକ୍ଲେଭ୍‌; ଆଜି ହିଁ କରନ୍ତୁ ଆବେଦନ