ନୂଆଦିଲ୍ଲୀ: ୭୨ତମ ଜାତୀୟ ଚଳଚ୍ଚିତ୍ର ପୁରସ୍କାର ଘୋଷଣା । ଭାରତୀୟ ସିନେମା ଜଗତର ସବୁଠାରୁ ପ୍ରତିଷ୍ଠିତ ପୁରସ୍କାର ତାଲିକାରେ ଏଥର ବାଜି ମାରିଛନ୍ତି ବଲିଉଡର ଚକୋଲେଟ୍ ବୟ କାର୍ତ୍ତିକ ଆର୍ଯ୍ୟନ ଓ ସାଉଥ୍ ସୁପରଷ୍ଟାର୍ ମାମୁଟି। ୨୦୨୪ ବର୍ଷ ପାଇଁ ଉଭୟଙ୍କୁ ଯୁଗ୍ମ ଭାବେ ଶ୍ରେଷ୍ଠ ଅଭିନେତା ପୁରସ୍କାର ପ୍ରଦାନ କରାଯାଇଛି। ୭୨ତମ ଜାତୀୟ ଚଳଚ୍ଚିତ୍ର ପୁରସ୍କାରରେ ନିର୍ଦ୍ଦେଶକ ଅମର୍ତ୍ତ୍ୟ ଭଟ୍ଟାଚାର୍ଯ୍ୟଙ୍କ ‘ଲହରୀ’କୁ ଶ୍ରେଷ୍ଠ ଓଡ଼ିଆ ଚଳଚ୍ଚିତ୍ର ଘୋଷଣା କରାଯାଇଛି । ଯାହା ଓଡ଼ିଆ ସିନେମା ପାଇଁ ଜାତୀୟ ସ୍ତରରେ ଗୌରବ ଆଣିଦେଇଛି।

ଜାତୀୟ ରାଜଧାନୀ ନୂଆଦିଲ୍ଲୀର ନ୍ୟାସନାଲ ମିଡିଆ ସେଣ୍ଟରଠାରେ ସୂଚନା ଓ ପ୍ରସାରଣ ମନ୍ତ୍ରଣାଳୟ ପକ୍ଷରୁ ପୁରସ୍କାର ଘୋଷଣା ହୋଇଛି । ୨୦୨୪ ଜାନୁଆରୀ ୧ରୁ ଡିସେମ୍ବର ୩୧ ମଧ୍ୟରେ ସିବିଏଫସି ଦ୍ୱାରା ପ୍ରମାଣିତ ଚଳଚ୍ଚିତ୍ରଗୁଡ଼ିକୁ ଏହି ପୁରସ୍କାର ପାଇଁ ବିଚାର କରାଯାଇଥିଲା । ବିଶିଷ୍ଟ ଚଳଚ୍ଚିତ୍ର ନିର୍ମାତା ଜୟରାଜଙ୍କ ନେତୃତ୍ୱରେ ଗଠିତ ୧୧ ଜଣିଆ ଜୁରୀ ସଦସ୍ୟ ଏହି ବିଜେତାମାନଙ୍କୁ ଚୟନ କରିଛନ୍ତି ।

• କେଉଁ ଫିଲ୍ମ ପାଇଁ କିଏ ପୁରସ୍କୃତ ?

ଚଳିତ ବର୍ଷ କବୀର ଖାନଙ୍କ ବାଓଗ୍ରାଫିକାଲ ସ୍ପୋର୍ଟ୍ସ-ଡ୍ରାମା 'ଚାନ୍ଦୁ ଚାମ୍ପିଅନ୍' ଫିଲ୍ମ ପାଇଁ କାର୍ତ୍ତିକ ଆର୍ଯ୍ୟନ ଓ ମାଲାୟାଲମ୍ ଫିଲ୍ମ 'ଭ୍ରମଯୁଗମ୍' ପାଇଁ ଅଭିନେତା ମାମୁଟି ଶ୍ରେଷ୍ଠ ଅଭିନେତା ବିବେଚିତ ହୋଇଛନ୍ତି । କାର୍ତ୍ତିକଙ୍କ ଏହି ଫିଲ୍ମ ପୂର୍ବତନ ଫ୍ରିଷ୍ଟାଇଲ୍ ସନ୍ତରଣକାରୀ ତଥା ଭାରତର ପ୍ରଥମ ପାରା-ଅଲମ୍ପିକ୍ ସ୍ଵର୍ଣ୍ଣ ପଦକ ବିଜେତା ମୁରଲୀକାନ୍ତ ପେଟକରଙ୍କ ଜୀବନୀ ଉପରେ ପର୍ଯ୍ୟବେସିତ । ଏହି ଫିଲ୍ମ ସହିତ କାର୍ତ୍ତିକ ନିଜର ପ୍ରଥମ ଜାତୀୟ ଚଳଚ୍ଚିତ୍ର ପୁରସ୍କାର ଜିତିଛନ୍ତି ।

ପଢନ୍ତୁ ଏହି ଖବର: ରାଘବଙ୍କ ପ୍ରେମରେ ଶେହନାଜ ! ହାତରେ ହାତ ଛନ୍ଦି ଇଭେଣ୍ଟରୁ ବାହାରିଲେ, ଭିଡିଓ ଭାଇରାଲ

ସେହିପରି ଫିଚର ଫିଲ୍ମ, ନନ୍-ଫିଚର ଫିଲ୍ମ, ସିନେମା ଉପରେ ଲେଖା ସହିତ ନିର୍ଦ୍ଦେଶନା, ସ୍କ୍ରିନପ୍ଲେ, ସଙ୍ଗୀତ, ଏଡିଟିଂ ଭଳି ବିଭିନ୍ନ ବୈଷୟିକ ବର୍ଗରେ ଏହି ପୁରସ୍କାର ପ୍ରଦାନ କରାଯାଇଛି । ଆର୍ଟିକିଲ୍ ୩୭୦ ଶ୍ରେଷ୍ଠ ଫିଚର ଫିଲ୍ମ ଭାବେ ମନୋନୀତ ହୋଇଥିବାବେଳେ ଏଥିପାଇଁ ୟାମି ଗୌତମ ଶ୍ରେଷ୍ଠ ଅଭିନେତ୍ରୀ ଭାବେ ଜାତୀୟ ଚଳଚ୍ଚିତ୍ର ପୁରସ୍କାର ପାଇବେ।

• ଫିଚର କାଟେଗୋରୀ ପୁରସ୍କାର

ଶ୍ରେଷ୍ଠ ଫିଚର ଫିଲ୍ମ: ଆର୍ଟିକିଲ ୩୭୦
ଶ୍ରେଷ୍ଠ ଅଭିନେତା: କାର୍ତ୍ତିକ ଆର୍ଯ୍ୟନ୍ (ଚନ୍ଦୁ ଚାମ୍ପିଅନ୍), ମାମୁଟ୍ଟି (ଭ୍ରମଯୁଗମ୍)
ଶ୍ରେଷ୍ଠ ଅଭିନେତ୍ରୀ: ୟାମି ଗୌତମ (ଆର୍ଟିକିଲ ୩୭୦)
ଶ୍ରେଷ୍ଠ ନିର୍ଦ୍ଦେଶକ: ରାଜକୁମାର ପେରିୟାସାମି (ଅମରନ୍)
ଶ୍ରେଷ୍ଠ ସହାୟକ ଅଭିନେତ୍ରୀ: ରୂପାଶ୍ରୀ ଭରକାଡି (ମିଥ୍ୟା), ସଚନା ନମିଦାସ (ମହାରାଜା)
ଶ୍ରେଷ୍ଠ ସହାୟକ ଅଭିନେତା: ସଞ୍ଜୟ ମିଶ୍ରା (ଭକ୍ଷକ)
ଶ୍ରେଷ୍ଠ ଫିଚର ଫିଲ୍ମ (ମନୋରଞ୍ଜନ): କଲ୍କି ୨୮୯୮ ଏଡି
ଶ୍ରେଷ୍ଠ ଚଳଚ୍ଚିତ୍ର (ଜାତୀୟ ଏବଂ ସାମାଜିକ ମୂଲ୍ୟବୋଧକୁ ପ୍ରୋତ୍ସାହନ): କ୍ୟାପ୍ଟେନ ମିଲର୍
ଶ୍ରେଷ୍ଠ ଶିଶୁ କଳାକାର: ରିଦ୍ଧିମାନ ବାନାର୍ଜୀ, ତପୋମୋୟ ଦେବ, ଗୀତାଶ୍ରୀ ଚକ୍ରବର୍ତ୍ତୀ, ଅରୁଣଦେବ ପୋଥୁଲା, ଅତୀଶ ଏସ ସେଟ୍ଟୀ
ଶ୍ରେଷ୍ଠ ସ୍କ୍ରିନପ୍ଲେ: ଭ୍ରମଯୁଗମ, ଶହନାଦ ଜଲାଲ
ଶ୍ରେଷ୍ଠ କାହାଣୀ: ପୁଷ୍ପା-୨, ସୁକୁମାର
ଶ୍ରେଷ୍ଠ ସଂଳାପ ଲେଖକ: ଲକି ବସ୍ଖର
ଶ୍ରେଷ୍ଠ ପ୍ରଡକ୍ସନ ଡିଜାଇନ୍: କଲ୍କି ୨୮୯୮ ଇ
ଶ୍ରେଷ୍ଠ ଆକ୍ସନ ନିର୍ଦ୍ଦେଶନା: ଅନଲ୍ ଅରାସୁ, ମହାରାଜା
ଶ୍ରେଷ୍ଠ ମେକ୍ ଇନ୍ କଳାକାର: ସମିତି କୁରୋଲୁ
ଶ୍ରେଷ୍ଠ ପୋଷାକ ଡିଜାଇନ୍: ଦୀପାଲି ନୁର ଏବଂ ଶିତଲ ଶର୍ମା (ପୁଷ୍ପା-୨)
ଶ୍ରେଷ୍ଠ ସଂଗୀତ ନିର୍ଦ୍ଦେଶନା: ଶାଶ୍ୱତ ସଚଦେବ (ଆର୍ଟିକିଲ ୩୭୦)
ଶ୍ରେଷ୍ଠ ଗୀତ: ମନୋଜ ମୁନ୍ତାଶୀର (ମୈଦାନ)
ଶ୍ରେଷ୍ଠ ପ୍ଲେବ୍ୟାକ୍ ସିଙ୍ଗର (ପୁରୁଷ): ଅଭୟ ଯୋଧପୁରକର
ଶ୍ରେଷ୍ଠ ପ୍ଲେବ୍ୟାକ୍ ସିଙ୍ଗର (ମହିଳା):
ଶ୍ରେଷ୍ଠ କୋରିଓଗ୍ରାଫି: ବିଜୟ ଗାଙ୍ଗୁଲି (ସ୍ତ୍ରୀ-୨)
ଶ୍ରେଷ୍ଠ ସାଉଣ୍ଡ ଡିଜାଇନ୍: ମାନସ ଚୌଧୁରୀ (ଭୁଲ୍ ଭୁଲୈୟା)
ଶ୍ରେଷ୍ଠ ସମ୍ପାଦନା: ଆର କାଲାଇଭାନନ୍ (ଅମରାନ୍)
ଶ୍ରେଷ୍ଠ ଆସାମୀ ଚଳଚ୍ଚିତ୍ର: ଜୁଇଫୁଲ
ଶ୍ରେଷ୍ଠ ବଙ୍ଗଳା ଚଳଚ୍ଚିତ୍ର: ଚଲାଚିତ୍ର ଏଖୋନ୍
ଶ୍ରେଷ୍ଠ ହିନ୍ଦୀ ଚଳଚ୍ଚିତ୍ର: ଶ୍ରୀକାନ୍ତ
ଶ୍ରେଷ୍ଠ କନ୍ନଡ ଚଳଚ୍ଚିତ୍ର - ମିଥ୍ୟା
ଶ୍ରେଷ୍ଠ ମାଲାୟାଲମ୍ ଚଳଚ୍ଚିତ୍ର: ଫେମିନିଚି ଫାତିମା
ଶ୍ରେଷ୍ଠ ମରାଠୀ ଚଳଚ୍ଚିତ୍ର: ମୁକ୍କମ ପୋଷ୍ଟ ବେମ୍ବିଲବାଡି
ଶ୍ରେଷ୍ଠ ଓଡ଼ିଆ ଚଳଚ୍ଚିତ୍ର: ଲହରୀ
ଶ୍ରେଷ୍ଠ ତାମିଲ ଚଳଚ୍ଚିତ୍ର: ରାୟନ
ଶ୍ରେଷ୍ଠ ଗଢୱାଲି ଚଳଚ୍ଚିତ୍ର: ଢୋଲି
ଶ୍ରେଷ୍ଠ ତେଲୁଗୁ ଚଳଚ୍ଚିତ୍ର: ସମିତି କୁରୌଲୁ
ଶ୍ରେଷ୍ଠ ଗୁଜୁରାତୀ ଚଳଚ୍ଚିତ୍ର: ମାରନ
ଶ୍ରେଷ୍ଠ ମଣିପୁରୀ ଚଳଚ୍ଚିତ୍ର: ସୁନୀତା
ଶ୍ରେଷ୍ଠ କୋଙ୍କଣି ଚଳଚ୍ଚିତ୍ର: ମୋଗ ଆସୁମ