ବଡ଼ ବିବାଦରେ ସଲମାନ ଖାନ। ଯେବେଠୁ ବିବାହ କରିଛନ୍ତି ସେବେଠୁ ଚର୍ଚ୍ଚାରେ ରହିଛନ୍ତି। ସଲମାନ ଖାନଙ୍କ ପରେ, ଆମିର ଖାନ ଏବେ ଲରେନ୍ସ ବିଷ୍ଣୋଇ ଗ୍ୟାଙ୍ଗର ଟାର୍ଗେଟକୁ ଆସିଛନ୍ତି। ଲରେନ୍ସ ବିଷ୍ନୋଇ ଗ୍ୟାଙ୍ଗ ପକ୍ଷରୁ ଆରଜୁ ବିଷ୍ନୋଇ ଏବଂ ଟାଇସନ ବିଷ୍ଣୋଇ ସୋସିଆଲ ମିଡିଆରେ ଆମିର ଖାନଙ୍କୁ ଧମକ ଦେଇ ପୋଷ୍ଟ ଏବଂ ଅଡିଓ ମେସେଜ ପଠାଇଛନ୍ତି। ଆରଜୁ ବିଷ୍ନୋଇ ଏବଂ ଟାଇସନ ବିଷ୍ଣୋଇଙ୍କ ସୋସିଆଲ ମିଡିଆ ପୋଷ୍ଟ ମାଧ୍ୟମରେ ଲରେନ୍ସ ବିଷ୍ଣୋଇ ଗ୍ୟାଙ୍ଗ ପକ୍ଷରୁ ଆମିର ଖାନଙ୍କୁ ମିଳିଥିବା ଧମକରେ ଲେଖାଯାଇଛି, ‘ଜୟ ଶ୍ରୀ ରାମ, ଜୟ ସୀତା ରାମ’, ମୁଁ ଆରଜୁ ବିଷ୍ଣୋଇ ଏବଂ ଟାଇସନ ବିଷ୍ଣୋଇ (ଲରେନ୍ସ ବିଷ୍ଣୋଇ ଗୋଷ୍ଠୀ) ଆମିର ଖାନଙ୍କ ପରି ଲୋକମାନେ ଆମ ଦେଶରେ ଲଭ୍ ଜିହାଦ ନାମରେ ଆମ ସଂସ୍କୃତି ବିରୋଧୀ କାର୍ୟ୍ୟକୁ ପ୍ରୋତ୍ସାହିତ କରୁଛନ୍ତି। ଆମେ ଏହି କୁକୁରକୁ ସହ୍ୟ କରିବୁ ନାହିଁ ଏବଂ ଖୁବ୍ ଶୀଘ୍ର ତାକୁ ଉଚିତ ଜବାବ ଦେବୁ।

ଏହାସହ ପଢ଼ନ୍ତୁ....  ପୁଣି ପ୍ରେମରେ ପଡ଼ିଛନ୍ତି ମଲାଇକା ଆରୋରା? ଗ୍ରୀସ୍‌ରୁ ଭାଇରାଲ ଫଟୋରେ ଦେଖାଗଲେ ମିଷ୍ଟ୍ରି ମ୍ୟାନ୍…

ଏହା ଆମର ସନାତନ ଧର୍ମ ଏବଂ ଦେଶ ବିରୋଧୀ କାର୍ୟ୍ୟ। ଆମେ ଆମର ଭାଇ, ଭଉଣୀ ଏବଂ ଦେଶବାସୀଙ୍କୁ ପ୍ରତିଶ୍ରୁତି ଦେଉଛୁ ଯେ ଯେଉଁମାନେ ଏହି ଘୃଣ୍ୟ ଆଚରଣକୁ ପ୍ରୋତ୍ସାହିତ କରିବେ, ଆମେ ସେମାନଙ୍କୁ ଉଚିତ୍ ଜବାବ ଦେବୁ। ଯେଉଁମାନେ ଷ୍ଟାରଡମ୍ ନାମରେ ଏହାକୁ ପ୍ରୋତ୍ସାହିତ କରିବେ, ସେମାନଙ୍କର ମୁହଁ ବନ୍ଦ କରିଦିଆଯିବ। ଚଳିତ ମାସର ଆରମ୍ଭରେ, ଆମିର ଖାନ ତାଙ୍କ ପ୍ରେମିକା ଗୌରୀ ସ୍ପ୍ରେଟଙ୍କ ସହିତ ଘରେ ଏକ ପଞ୍ଜିକୃତ ବିବାହ କରିଥିଲେ। ଏହି ତୃତୀୟ ବିବାହ ଯଥେଷ୍ଟ ବିବାଦ ସୃଷ୍ଟି କରିଛି। ଅନେକ ହିନ୍ଦୁ ସଂଗଠନ ଆମିର ଖାନଙ୍କ ବିବାହକୁ ଲଭ୍ ଜିହାଦ ବୋଲି କହିଛନ୍ତି ଏବଂ ଅଭିନେତାଙ୍କ ବିରୋଧରେ ଫତୱା ଜାରି କରାଯାଇଛି।

ଏସବୁ ମଧ୍ୟରେ, ଆମିର ଖାନ ଏକ ସାକ୍ଷାତକାରରେ ତାଙ୍କ ବିବାହକୁ ନେଇ ହୋଇଥିବା ହଙ୍ଗାମାର ଜବାବ ଦେଇ କହିଛନ୍ତି, "ଯେ ତାଙ୍କ ପତ୍ନୀ ଗୌରୀ ଖ୍ରୀଷ୍ଟିଆନ ଧର୍ମର। ସେ ହିନ୍ଦୁ ନୁହଁନ୍ତି। ସେ ଧର୍ମ ପରିବର୍ତ୍ତନ କରି ନାହାନ୍ତି। ସେ ଏହା ମଧ୍ୟ କହିଛନ୍ତି ଯେ, ତାଙ୍କ ଝିଅ ଏବଂ ଭଉଣୀମାନେ ମଧ୍ୟ ହିନ୍ଦୁଙ୍କ ସହିତ ବିବାହ କରିଛନ୍ତି। ଅଭିନେତା ଏହା ମଧ୍ୟ ସ୍ପଷ୍ଟ କରିଛନ୍ତି ଯେ, ତାଙ୍କର ଦୁଇ ପୂର୍ବତନ ପତ୍ନୀ, ରୀନା ଦତ୍ତା ଏବଂ କିରଣ ରାଓ ମଧ୍ୟ ଇସଲାମ ଧର୍ମ ଗ୍ରହଣ କରିନାହାନ୍ତି।"