ଆମୀର ଖାନ। ବଲିଉଡରେ ତାଙ୍କୁ ସମସ୍ତେ ଜାଣନ୍ତି ମିଷ୍ଟର ପରଫେକ୍ସନିଷ୍ଟ ହିସାବରେ। ତାଙ୍କର ବର୍ଷକୁ ଗୋଟେ ଫିଲ୍ମ ଆସେ ଆଉ ସବୁ ସୁପରହିଟ୍‌ ହୋଇଥାଏ। ଆମୀର ୧ହଜାର ୮ଶହ ୬୨ କୋଟି ସଂପତ୍ତିର ମାଲିକ । ସେ ଫିଲ୍ମ ଛଡା ଟିଭି ସୋ, ନିଜର ପ୍ରଡକ୍ସନ ହାଉସ ଜରିଆରେ ମୋଟା ଅଙ୍କର ଆୟ କରନ୍ତି । ରିପୋର୍ଟ ମୁତାବକ ସେ ଏକ କମରସିଆଲ ସୁଟ୍‌ ପାଇଁ ୧୦ରୁ ୧୨ କୋଟି ଫି ଚାର୍ଜ କରନ୍ତି । ଗୋଟିଏ ଫିଲ୍ମ ପାଇଁ ସେ ୫୦ କୋଟି ଡିମାଣ୍ଡ କରନ୍ତି ।କିନ୍ତୁ ଆପଣ ଜାଣନ୍ତି କି ଆମୀରଙ୍କ ପ୍ରକୃତ ନାଁ କଣ ? ତାଙ୍କ ପ୍ରକୃତ ନାମ ମହମ୍ମଦ ହୁସେନ ଆମୀର ଖାନ୍‌ ।

କିନ୍ତୁ ଫିଲ୍ମ ଇଣ୍ଟଷ୍ଟ୍ରିକୁ ଏଣ୍ଟ୍ରି କରିବା ପରେ ନିଜ ନାଁକୁ ଛୋଟ କରି ରଖିଥିଲେ ଆମୀର ଖାନ । ଆମୀର ଖାନ ଫିଲ୍ମ ଇଣ୍ଡଷ୍ଟ୍ରିରେ ସବୁଠୁ ଅଧିକ ଟାକ୍ସ ଭରୁଥିବା ଅଭିନେତା ଲିଷ୍ଟରେ ସାମିଲ ଅଛନ୍ତି । ଆମୀରଙ୍କ ପପୁଲାରିଟି ଏହି କଥାରୁ ଅନୁମାନ ଲଗାଇ ହେବ କି ଇଣ୍ଡଷ୍ଟ୍ରିରେ ସେ ପ୍ରଥମ ଅଭିନେତା ଯାହାଙ୍କ ଫିଲ୍ମ ଶହେ କ୍ଲବରେ ଏଣ୍ଟ୍ରି ହୋଇଥିବା ପ୍ରଥମ ଫିଲ୍ମ ଅଟେ । ଫିଲ୍ମଟି ଥିଲା ୨୦୦୮ରେ ରିଲିଜ ହୋଇଥିବା ଗଜନି । ଗୋଟିଏ ସମୟ ଥିଲା ତାଙ୍କୁ ୬ ଟଙ୍କା ପାଇଁ ଅପମାନିତ ହେବାକୁ ପଡିଛି । ତାଙ୍କର ଓ ଭାଇଉଉଣୀଙ୍କ ସ୍କୁଲ ଫି ଡେରିରେ ଜମା ହେଉଥିଲା ।ପ୍ରିନ୍ସପାଲ ସବୁ ପିଲାଙ୍କ ଭିତରେ ତାଙ୍କ ନାଁକୁ ଜୋରରେ ଡାକୁଥିଲେ ।ଆଜି ଆଉ ସେ ସମୟ ନାହିଁ । ବର୍ତ୍ତମାନ ସେ କୋଟି କୋଟି ସମ୍ପତ୍ତିର ମାଲିକ।

ଅଟୋମୋବାଇଲ କଥା ଦେଖିଲେ ଆମୀର ଖାନଙ୍କୁ ଲବଜୁରୀ ଗାଡିର ବହୁତ ସଉକ ରହିଛି । ତାଙ୍କ କାର୍‌ କଲେକ୍ସନ ଅନେକଙ୍କ ପାଇଁ ସ୍ବପ୍ନ । ତାଙ୍କ ଗ୍ୟାରେଜରେ ଶୋଭା ବଢାଏ ରୋଲ୍ସ-ରଏସ ଘୋଷ୍ଟ ପରି ଦାମୀ କାର । ଏହାର ମୂଲ୍ୟ ୫.୨୫ କୋଟିରୁ ୭.୯୫ ଟଙ୍କା ରହିଛି । ସେହିପରି ୧୦.୫୦ କୋଟି ମୂଲ୍ୟର Mercedes Benz S600 Guard ଯାହାର ଡିଜାଇନ,ଇଞ୍ଜିନ ସବୁକିଛି ବେଶ ଆକର୍ଷଣୀୟ । ଫାଇନାନସିଆଲ ଏକ୍ସପ୍ରେସ ଅନୁଯାୟୀ ୨୦୧୨ରେ ଆମୀର ଖାନ ତାଙ୍କ ମାମୁଁଙ୍କ ଠାରୁ ହରଦୋଇ ଜିଲ୍ଲାର ଶାହାବାଦରେ ୨୨ଟି ଘର କିଣିଥିଲେ । ରିପୋର୍ଟ କୁହେ ଏହି ପୈତୃକ ସଂପତ୍ତି ଖାନ ଓ ତାଙ୍କ ଭଇଭଉଣୀ-ନିଖତ, ଫରହତ ଏବଂ ଫୈସଲ ଖାନଙ୍କ ମଧ୍ୟରେ ବାଣ୍ଟି ଦିଆଯାଇଛି । ଆମୀରଙ୍କ ପିଲାଦିନ ଥିବା ସଂଘର୍ଷପୂର୍ଣ୍ଣ । କିନ୍ତୁ ବର୍ତ୍ତମାନ ମୁମ୍ବାଇ ବାନ୍ଦ୍ରାରେ ଏକ ସି-ଫେସିଂ ଡ୍ୟୁପ୍ଲେକ୍ସ ରହିଛି ।

ଏହାସହ ପଢ଼ନ୍ତୁ: କେମିତି ୭୧ ବର୍ଷରେ ସରକାରୀ ଚାକିରି ପାଇଲେ କମଲ ହାସନ ?

ଏହା ୫ହଜାର ବର୍ଗଫୁଟରୁ ଅଧିକ ସ୍ଥାନରେ ପରିବ୍ୟାପ୍ତ । ଯେଉଁଠି ବସିଲେ ଆରବ ସାଗରର ସୁନ୍ଦର ଦୃଶ୍ୟ ଦେଖିହେବ । ଏହି ଆଲିସାନ ଘରର ପ୍ରାଇସ ପ୍ରାୟ ୬୦ କୋଟି ଟଙ୍କା । ଆମୀରଙ୍କ ପାଖରେ ଏକ ଫାର୍ମ ହାଉସ ବି ରହିଛି । ଯାହାର ନାଁ ପଞ୍ଚଗନି ଫାର୍ମ ହାଉସ । ଏହା ମହାରାଷ୍ଟ୍ର ପାହାଡରେ ଥିବା ସବୁଠାରୁ ସୁନ୍ଦର ହିଲ ଷ୍ଟେସନ ମଧ୍ୟରୁ ଗୋଟିଏ । ତଥ୍ୟ ମୁତାବକ ୨୦୧୩ରେ କିଣିବା ସମୟରେ ସଂପତ୍ତିର ମୂଲ୍ୟ ଥିଲା ୭ କୋଟି । ଫାର୍ମହାଉସ ଚାରିକଡରେ ସବୁଜ ବନାନି ଘେରି ରହିଛି । ଯାହା ବ୍ୟସ୍ତବହୁଳ ଜୀବନରୁ ବାହାରୁ ଏକ ଉତ୍ତମ ଆରାମ ଦେଇଥାଏ । କେବଳ ସେତିକି ନୁହେଁ ଆମୀରଙ୍କ ପାଲି ହିଲ୍‌ରେ ୨ଟି ସଂଲଗ୍ନ କୋଠାରେ ଅନେକ ସଂପତ୍ତି ଅଛି । ସୂଚନାନୁସାରେ, ୨୦୨୪ ଜୁନ୍‌ରେ ଖାଲ ବେଲା ଭିସ୍ତାରେ ୯.୭୫ କୋଟି ଟଙ୍କାରେ ୧,୦୨୭ ବର୍ଗଫୁଟ୍‌ ଫ୍ଲାଟ୍‌ କିଣିଥିଲେ । ରିପୋର୍ଟରୁ ଜଣାପଡିଛି ସେ ଷ୍ଟାମ୍ପ ଡ୍ୟୁଟିରେ ୫୮.୫ ଲକ୍ଷ ଟଙ୍କା ଏବଂ ପଞ୍ଜିକରଣ ବାବଦକୁ ୩୦ ହଜାର ଟଙ୍କା ଦେଇଥିଲେ । ପରେ ସେ ବେଲା ଭିସ୍ତା ଓ ମାରିନା ଆପାର୍ଟମେଣ୍ଟରେ ୨୪ଟି ଆପାର୍ଟମେଣ୍ଟରୁ ୧୦ଟି କିଣିଥିଲେ ।

ଆମୀରଙ୍କ ପର୍ସନାଲ ଲାଇଫ:

ବଲିଉଡର ମିଷ୍ଟର ପରଫେକ୍ସନିଷ୍ଟ ଭାବେ ଜଣାଶୁଣା ଆମୀର ଖାନ କେବଳ ପ୍ରଫେସନାଲ ଲାଇଫ ନୁହେଁ ପର୍ସନାଲ ଲାଇଫକୁ ନେଇ ଏବେ ବେଶ ଚର୍ଚ୍ଚିତ । ଦୀର୍ଘ ସମୟ ଧରି ସେ ଫିଲ୍ମରୁ ଦୂରରେ ଅଛନ୍ତି । ତଥାପି ବଡ ପରଦାକୁ କମ୍‌ବ୍ୟାକ ପାଇଁ ଚଳାଇଛନ୍ତି ପ୍ରସ୍ତୁତି । ଆମୀର ଖାନ ୨ଟି ବିବାହ କରିଛନ୍ତି ଓ ୨ ପତ୍ନୀଙ୍କ ଠାରୁ ଛାଡପତ୍ର ମଧ୍ୟ ନେଇସାରିଛନ୍ତି । କିନ୍ତୁ ୟାରି ଭିତରେ ପୁଣି ପ୍ରେମରେ ପଡିଛନ୍ତି ଏ ସୁପରଷ୍ଟାର । ଆଉ ଏହି ସଂପର୍କକୁ ନେଇ ବେଶ ସିରିୟସ ଅଛନ୍ତି । ରୀନା ଦତ୍ତ ଓ କିରଣ ରାଓଙ୍କ ପରେ ଆମୀରଙ୍କ ଜୀବନର ତୃତୀୟ ମହିଳା ହେଉଛନ୍ତି ୫୯ ବର୍ଷୀୟା ଗୌରୀ । ଯାହାଙ୍କୁ ନେଇ ଅଧିକ ସିରିୟସ ଅଛନ୍ତି ଆମୀର ।

ଅଧିକ ପଢ଼ନ୍ତୁ ମନୋରଞ୍ଜନ ଖବର: