Argus News - ଐଶ୍ଵର୍ଯ୍ୟାଙ୍କ ସହ କାହିଁକି ରାମ୍ପ ୱକ୍ କରନ୍ତିନି ଅଭିଷେକ; କହିଲେ ସତ

ବଲିଉଡ ଅଭିନେତା ଅଭିଷେକ ବଚ୍ଚନ ଓ ଐଶ୍ଵର୍ଯ୍ୟା ରାୟଙ୍କ ଯୋଡ଼ିକୁ ଫ୍ୟାନ୍ସ ବେଶ ପସନ୍ଦ କରନ୍ତି । ଉଭୟ ସାଥୀରେ ଅନେକ ହିଟ୍ ଫିଲ୍ମ ଫ୍ୟାନଙ୍କୁ ଭେଟି ଦେଇଛନ୍ତି । ଆପଣ ଲକ୍ଷ୍ୟ କରିଥିବେ କେବେ ଏହି ଯୋଡ଼ିଙ୍କୁ ରାମ୍ପରେ ଏକାଠି ଦେଖିବାକୁ ମିଳିନାହିଁ । ଏହାର କାରଣ ଖୋଲି କହିଦେଇଛନ୍ତି ଅଭିଷେକ । ସେ କାହିଁକି ରାମ୍ପ କ୍ଵିନ୍ ତଥା ପତ୍ନୀ ଐଶ୍ଵର୍ଯ୍ୟା ରାୟଙ୍କ ସହ ରାମ୍ପରେ ଚାଲନ୍ତିନି ତା ଉପରେ ରଖିଛନ୍ତି ଜବାବ ।

ଏକ ପଡକାଷ୍ଟରେ ନିକଟରେ ଅଭିଷେକଙ୍କୁ ଦେଖିବାକୁ ମିଳିଥିଲା । ସେଥିରେ ତାଙ୍କୁ ପଚରାଯାଇଥିଲା ଯେ ତାଙ୍କୁ ରେଡ୍ କାର୍ପେଟରେ କେତେ ଥର ହସିବା ପାଇଁ କୁହାଯାଏ ? ଏହାର ଉତ୍ତରରେ ଅଭିନେତା କହିଛନ୍ତି ଯେ ଥରେ କହି ଦୁଇ ଥର ନୁହେଁ, ତାଙ୍କୁ ଅନେକ ଥର ହସିବା ପାଇଁ କୁହାଯାଏ ବୋଲି ସେ କହିଛନ୍ତି । ଏହି ସମୟରେ ସେ ଐଶ୍ଵର୍ଯ୍ୟା ରାୟଙ୍କ ସମ୍ପର୍କରେ ମଧ୍ୟ କହିଛନ୍ତି । ରାମ୍ପରେ ଐଶ୍ଵର୍ଯ୍ୟାଙ୍କ ସହିତ ଚାଲିବା ତାଙ୍କ ପାଇଁ ଏକ ଭୟର କଥା ବୋଲି କହିଛନ୍ତି ଅଭିଷେକ ।

• କାହିଁକି ଐଶ୍ଵର୍ଯ୍ୟାଙ୍କ ସହ ରାମ୍ପରେ ଚାଲିବାକୁ ଡରନ୍ତି ?

ଐଶ୍ଵର୍ଯ୍ୟାଙ୍କ ସହ ରାମ୍ପରେ ଚାଲିବାକୁ ଡରିଥାନ୍ତି ଅଭିଷେକ । ଏନେଇ ସେ କହିଛନ୍ତି, "ମୋ ସ୍ତ୍ରୀ ବହୁତ ପ୍ରଫେସନାଲ । ତାଙ୍କୁ ଜଣାଅଛି ଯେ କିପରି ପୋଜ୍ ଦେବା ଆବଶ୍ୟକ, କେଉଁଠିକୁ ଦେଖିବା ଆବଶ୍ୟକ । ମାତ୍ର ମୋତେ ଏସବୁ ଆସେନାହିଁ । ଏପରିକି କେଉଁଠି ହାତ ରଖିବା ଦରକାର, କିପରି ପୋଜ୍ ଦେବା କଥା ମୋତେ ଜଣାନାହିଁ । ଏହି ସମୟରେ ମୁଁ ଅସହଜ ମନେ କରେ । ଏଥିଲାଗି ପାପାରାଜି କୁହନ୍ତି ମୋତେ ହସିବା ଲାଗି ।"

ପଢନ୍ତୁ ଏହି ଖବର: ଅପେକ୍ଷାର ହେଲା ଅନ୍ତ: 'ରାମାୟଣ’ ଟିଜର ଲଞ୍ଚ୍‌, ହେଲେ ଅଭିନେତା କୁଆଡେ ଗାଏବ ?

ଏଠାରେ କହିରଖୁଛୁ କି, ଅଭିଷେକ ଖୁବଶୀଘ୍ର ଶାହାରୁଖ ଖାନଙ୍କ ସହିତ ଏକ ଥ୍ରିଲର ଫିଲ୍ମରେ ସୁହାନା ଖାନ, ଦୀପିକା ପାଦୁକୋନ, ଅନିଲ କପୁର, ଜ୍ୟାକି ଶ୍ରଫ୍‌, ରାନୀ ମୁଖାର୍ଜୀଙ୍କ ସହିତ ନଜର ଆସିବେ । ଏହି ଫିଲ୍ମଟି ଚଳିତ ବର୍ଷ ଡିସେମ୍ବର ୨୪ ତାରିଖରେ ରିଲିଜ ହେବ । ଏହି ଫିଲ୍ମଟିକୁ ସିଦ୍ଧାର୍ଥ ଆନନ୍ଦ ନିର୍ଦ୍ଦେଶନା ଦେଇଛନ୍ତି ।