ରେଡ୍ କାର୍ପେଟରେ ଡିଜାଇନର ସବ୍ୟାସାଚୀଙ୍କ ଶାଢ଼ୀ ପିନ୍ଧି ଚମକିଲେ ଆଲିଆ

ଅର୍ଗସ ବ୍ୟୁରୋ:  ପୁଣି ଚର୍ଚ୍ଚାରେ ଗଙ୍ଗୁବାଈ। ମାନେ ବଲିଉଡର ଚୁଲବୁଲି ଅଭିନେତ୍ରୀ ଆଲିଆ ଭଟ୍ଟ। Met Gala 2024ର ଇଭେଣ୍ଟରେ ଆଲିଆ ଭଟ୍ଟ ଭାରତୀୟ ପରିଧାନରେ ସମସ୍ତଙ୍କ ଧ୍ୟାନ ଆକର୍ଷିତ କରିଥିଲେ । ରାଜକୁମାରୀ ବା ପରୀ ଠାରୁ କମ୍ ଲାଗୁନଥିଲେ । ବିଶିଷ୍ଟ ଫ୍ୟାଶନ୍ ଡିଜାଇନର ସବ୍ୟସାଚୀଙ୍କ ଦ୍ୱାରା ଡିଜାଇନ୍ କରାଯାଇଥିବା ଶାଢ଼ୀରେ ରେଡ୍ କାର୍ପେଟରେ ନଜର ଆସିଥିଲେ ।

ଫ୍ୟାନ୍ସମାନେ ତାଙ୍କୁ ପ୍ରଶଂସାରେ ପୋତି ଦେଇଛନ୍ତି । ଏହି ବିଶେଷ ଶାଢ଼ୀକୁ ପ୍ରସ୍ତୁତ କରିବା ପାଇଁ ୧୬୩ କାରୀଗର ନିୟୋଜିତ ହୋଇଥିଲେ । ପ୍ରାୟ ୧୯୬୫ ଘଣ୍ଟାର ପରିଶ୍ରମ ପରେ ଏହି ସୁନ୍ଦର ଶାଢ଼ୀ ପ୍ରସ୍ତୁତ ହୋଇଥିଲା । ଆଲିଆ ଭଟ୍ଟ ନିଜ ଇନଷ୍ଟାଗ୍ରାମ ମାଧ୍ୟମରେ ଶାଢ଼ୀ ପିନ୍ଧିବା ଅନୁଭୂତିକୁ ପ୍ରକାଶ କରିଛନ୍ତି । ଏହି ଇଭେଣ୍ଟର କିଛି ଫଟୋ ଶେୟାର କରି କ୍ୟାପସନରେ ଲେଖିଛନ୍ତି, ‘ଶାଢ଼ୀ ପରମ୍ପରା ଏବଂ ନବସୃଜନର ପ୍ରତୀକ । ସବ୍ୟସାଚୀ ଏହାକୁ ବହୁତ ସୁନ୍ଦର ଭାବରେ ପ୍ରସ୍ତତ କରିଛନ୍ତି । ଏହା ସହ ଏହି ଶାଢ଼ୀରେ ପୃଥିବୀ, ଆକାଶ ଏବଂ ସମୁଦ୍ରର ରଂଗ ସମାହିତ ଅଛି ଯାହା ଏହି ଶାଢ଼ୀର ସୁନ୍ଦରତାକୁ ଆହୁରୀ ବୃଦ୍ଧି କରୁଛି । ଏହି ଶାଢ଼ୀ ତିଆରି କରିବା ନୂତନ ଅନୁଭବ ସହ ମଜାଦାର ଏବଂ ଷ୍ଟ୍ରେସଫୁଲ୍ ଥିଲା ।’

ଅଧିକ ପଢ଼ନ୍ତୁ ମନୋରଞ୍ଜନ ଖବର: