ମୁମ୍ବାଇ: ବୟସ ବଢ଼ିଛି, ହେଲେ ନିଷ୍ଠା କମିନି । ଯୁବ ଭଳି ଆଜି ବି ସତେଜ ହୋଇ ସେଟ୍‌ରେ କାମ କରୁଛନ୍ତି ବିଗ୍ ବି ଅମିତାଭ ବଚ୍ଚନ । କାମ ପ୍ରତି ଅମିତାଭଙ୍କ ନିଷ୍ଠା ଅନ୍ୟମାନଙ୍କୁ ପ୍ରେରଣା ଯୋଗାଉଛି । ବିଗତ ୨୦ ବର୍ଷ ଧରି ଅମିତାଭ ବଚ୍ଚନ ଟିଭିର ହିଟ୍ କ୍ଵିଜ୍ ଶୋ 'କୌନ ବନେଗା କରୋଡ଼ପତି' (KBC) ଶୁଟ୍ କରି ଆସୁଛନ୍ତି । ତାହା ବି ସମ୍ପୂର୍ଣ୍ଣ ଶୃଙ୍ଖଳାର ସହ ଗୁରୁତ୍ଵ ଦେଇ । ବିଗ୍ ବିଙ୍କ KBC ଅନ୍ଦାଜ ଲୋକଙ୍କ ମନ ଜିଣୁଛି ।

ନିକଟରେ KBCର ଏକ ଏପିସୋଡ୍‌ରେ 'ଦି ଫ୍ୟାମିଲି ମ୍ୟାନ୍‌'ର ଅଭିନେତା ଶାରିବ ହାସ୍ମି ତାଙ୍କ ସାଥୀ କଳାକାର ଏବଂ ବନ୍ଧୁ ମନୋଜ ବାଜପେୟୀ ଓ ଜୟଦୀପ ଅହଲାବତଙ୍କ ସହ ସାମିଲ୍ ହୋଇଥିଲେ । ସେଲିବ୍ରିଟି ଏପିସୋଡ୍ 'KBC ପ୍ଲେ ଅନଲଗ୍'ରେ ଅମିତାଭ ବଚ୍ଚନଙ୍କ ୩ ଜଣ ହଟ୍ ସିଟ୍‌ରେ ବସିଥିଲେ ।

ଏଥିସହ ପଢ଼ନ୍ତୁ: ବାପା ସାଜିଲା କଂସେଇ, ମାଆ ଛେଉଣ୍ଡ ୫ ପିଲାଙ୍କୁ ଫାଶୀ ଦେଇଦେଲା...

ଶୁଟିଂ ସମୟରେ ଶାରିବ ଅମିତାଭଙ୍କ କାର୍ଯ୍ୟଶୈଳୀ ଓ ତାଙ୍କ ଭିତରେ ଥିବା ଶକ୍ତି (ଝୁଙ୍କ୍) ଦ୍ଵାରା ବେଶ୍ ପ୍ରଭାବିତ ହୋଇଥିଲେ । ଆଉ ଉକ୍ତ କଥା ଡିଜିଟାଲ୍ କମେଣ୍ଟ୍ରି ବେଳେ କହିଛନ୍ତି ଶାରିବ ହାସ୍ମି । ଶାରିବ କହିଛନ୍ତି, "ବିଗ୍ ବି ସକାଳ ୯ଟାରୁ ଶୁଟିଂ ଆରମ୍ଭ କରି ରାତି ୧୨ଟାରେ ସାରନ୍ତି । ଗୋଟିଏ ଦିନରେ ଅମିତାଭ ବଚ୍ଚନ କରନ୍ତି ୩ଟି ଏପିସୋଡ୍‌ର ଶୁଟିଂ । ଥକିବା ସତ୍ତ୍ଵେ ତାଙ୍କ ଶକ୍ତିକୁ ମାନିବାକୁ ପଡ଼ିବ ।"

ଶାରିବ ଆହୁରି କହିଛନ୍ତି, "ଭାବନ୍ତୁ ସ୍ଵପ୍ନ ଦେଖୁଛନ୍ତି, ଯାହା ସରୁ ନାହିଁ । ଏହା ବେଶ ବିସ୍ମୟକର ଅନୁଭବ ଥିଲା, ଜୀବନ ଥିବା ପର୍ଯ୍ୟନ୍ତ ମନେ ରହିବ । ଯେତେବେଳେ ବିଗ୍ ବି ମୋ ଯାତ୍ରା ବିଷୟରେ ପଚାରିଲେ ତ ମୋତେ ଭାବିବାକୁ ପଡ଼ିଲା । ସେ ଯେଭଳି କହୁଥିଲେ ତାକୁ ହଜମ କରିବା ମୋ ପକ୍ଷେ ମୁସ୍କିଲ୍ ଥିଲା ।"

ଥରକରେ ୩ ଏପିସୋଡ୍ ଶୁଟିଂ

KBCର ଶେଷ ଏପିସୋଡ୍ ଶୁଟିଂକୁ ନେଇ ଶାରିବ କହିଛନ୍ତି, "ତାଙ୍କ ପାଖେ ଥିବା ଶକ୍ତି (ଧୈର୍ଯ୍ୟ)ର କଳ୍ପନା ନାହିଁ, ତାଙ୍କୁ ସଲାମ । ଏତେ ବୟସରେ ଗୋଟିଏ ଦିନରେ ୩ଟି ଏପିସୋଡ୍ । ସକାଳ ୯ଟାରେ ବିଗ୍ ବି ସେଟ୍‌ରେ ପହଞ୍ଚନ୍ତି, ରାତି ପର୍ଯ୍ୟନ୍ତ ଶୁଟିଂ ଚାଲେ । ଆମ ଏପିସୋଡ୍ ଶେଷରେ ଥିଲା, ୧୨ଟାରେ ସରିଲା । ତଥାପି ଅମିତାଭ ବଚ୍ଚନଙ୍କ ଭିତରେ ଶକ୍ତି ସେମିତି ଥିଲା । ଗୋଟିଏ ଯୁଗର ସୁପରଷ୍ଟାର ହେବା ଏତେ ସହଜ ନୁହେଁ ।"

ଏଥିସହ ପଢ଼ନ୍ତୁ: ଦିନକୁ ୧୨ ଘଣ୍ଟା କାମ ଓ ୩ ଦିନ ଛୁଟି... ଶ୍ରମ ମନ୍ତ୍ରଣାଳୟର ଟ୍ଵିଟ୍ ପରେ ବଢ଼ିଲା ଚର୍ଚ୍ଚା

ଉକ୍ତ ଏପିସୋଡ୍‌ରେ ମନୋଜ, ଜୟଦୀପ ଓ ଶାରିବ ଭଳ ଖେଳିବା ସହ ୭ ଲକ୍ଷ ୫୦ ହଜାର ଟଙ୍କା ଜିତିଛନ୍ତି । ଏବେ KBCକୁ ନେଇ ବ୍ୟସ୍ତ ଥିବା ବିଗ୍ ବି ଅମିତାଭ ବଚ୍ଚନ କଳ୍କୀ ଏଡି ୨୮୯୮ର ପାର୍ଟରେ ନଜର ଆସିବେ ।